السلام عليكم ورحمة الله وبركاته

حقيقة ماني عارف من فين ابدا عرض مشكلتي

انا متزوج لي 8 سنوات الان

يوم خطبت زوجتي قالوا لي فيها عيبين عندها تهتهه في الكلام ويدها الشمال فيها مشكلة من الولادة يعني الاعصاب فيها ضعيفة
قلت اشوفها واجلس اتكلم معاها لانه اللي يهمني انها تكون طيبة وبنت حلال وعادة البنت اللي بيكون فيها مشكلة بتكون مرهفة وعاطفية
وانا كان ودي في بنت عاطفية ومرهفة الاحساس
المهم شفتها البنت شكلها حلو وعيبها مهو شي ظاهر
وحقيقة يوم جلست عشان اتكلم معاها ما فهمت ولا شي بس قلت الموقف محرج وهي عندها تهتهه يعني عذرتها
ووالله ما حبيت حتى اني انتظر اتروى افكر حبيت افرح هذي البنت وقلت المهم اني اسعدها وهيا اكيد بتسعدني كنت جايب معايا اسوارة وخليتها على الطاولة علامة قبولي بها
حتى ابوها قالي خذ وفتك وفكر قلتله انا موافق وبنتك عاجبتني ومشكلة التهتهه ان شاء الله انه لها حل

المهم حددنا وقت الشبكة بعدها بثلاث شهور وكان كل شي طبيعي

طبعا انا كان باقي لي اخلص الكلية سنه تقريبا

ابوها بعد الشبكة بشهر عرض على ابوي انه يزوجنا واني اسكن عندهم في فيلتهم يعطوني جناح اللين اخلص الجامعه
طبعا مو قصور او عدم مقدرة الحمد الله الوالد عنده عمارة وكل واحد كان له شقة

لكن ابو البنت كان وده اني اكون عندهم لانه ما عنده عيال كل خلفته بنات

ابويا وافق وتم الزواج بعد الملكة بشهرين

طبعا اتزوجت وعشنا ببيت اهلها سنتين تقريبا سنه كنت معاها

والسنه الثانية كنت مدرس فيها في منطقة بعيدة فكنت اجي كل نهاية اسبوع

فخليتها عند اهلها لانها كانت صغيرة يعني توها 18 سنه
المهم بعد سنه رجعت لمنطقة قريبة من المدينه اللي انا فيها واخذت زوجتي ورحت عمارة الوالد لشقتي

وهنا بدت تتكشف لدي الامور

طبعا اول كنت اعزو تصرفاتها لصغر سنها وللمشكلة اللي عندها وانها دائما انطوائية

لكن لما صرنا في بيت لوحدنا حسيت اني مع طفلة تماما انا اعيش مع طفلة في

تصرفاتها في فهمها لقيت انه كل صغيرة وكبيرة لازم افهمها هيا احيانا كلام بسيط ما يحتاج شرح يعني بنت عمرها 12 سنه ممكن تفهم مغزى الكلام لكن زوجتي لا

طبعا في هذا الوقت كانت قد انجبت طفلنا الاول

طبعا هيا المتوسط اخذتها بالعافية وماهي راضية تكمل دراستها حاولت معاها

بس ما فيه فايدة

في البداية ما اعرت الامر ذاك الانتباه وحياتنا ماشية حقيقة يمكن انها طفلة في

ادراكها لكن البنت مرررررررررة طيبة وما منها أي مشاكل

عدت سنه كمان والوضع في قدرتها على فهم الامور مثل ما هي ما اتغير شي

قلت مع كل ما تكبر اكيد بيتفتح عقلها لكن اشوف الوضع على ما هو عليه

وحقيقة لاحظت دايم انها تجلس مع البنات الصغار من عمر 10 الى 14

فسألتها ليه ما تجلسين مع الكبار اللي مثلك تقول لما اتكلم ما يسمعون لي

بديت بعد رابع سنه اضرب اخماس في اسداس وين اودي البنت ابغ اعرف مستواها

العقلي

وحقيقة كل هذي المدة والى وقت كتابة هذي السطور وانا اعامل هذي البنت بكل ما يرضي الله عز وجل
حتى اهلها يشهدون لي على تغير بنتهم بعد زواجها بي التهتهه خفت عندها كثير
يعني صارت تتكلم شبه طبيعي والله خلال ثمانية سنوات ما عمرها راحت لبيت اهلها وهي زعلانه

ويشهد الله على صدق كلامي والله حتى انه جائتني بشارة في ذالك

لي خالة مريضة وهي امراءة صالحة تسكن في مدينه ثانية ويمكن ما شافت زوجتي

الا مرة واحدة شافت رؤية في النوم واحد يقولها بشري فلان اللي هو انا انه الله ورسوله يحبونه لحسن معاملته لزوجته

حقيقة انا نظرتي للمراءة انها كائن لطيف يحتاج حسن معاملة في كل الاحوال

المهم احترت وين اوديها سالت بعض الاشخاص قالوا لي وديها النفسية يسون لها

اختبار قدرات

جلست فترة افكر كيف اقولها نروح مستشفى الصحة النفسية الين فكرت انه عن طريق معالجة موضوع التهتهه

حقيقة ما ودي اجرح احساسها باي شكل مع ما انا فيه من هم وكرب

المهم رحت انا قبلها وكلمت الدكتور وفهمته الوضع عشان لما تجي

يكون الكلام واضح انه في علاج موضوع التهتهه

طبعا رحنا النفسية وسوينا الاختبارات المطلوبة

وبعدها رحت للدكتور استفسر منه فقالي الخبر اللي ما كنت ودي اسمعه

قالي زوجتك عندها تخلف عقلي بسيط وهذا ادراكها ما راح يزيد عن كده

لكن ممكن عن طريق المتابعه وبعض البرامج تتحسن ما اقدر اقلك اكثر من 20%

طبعا انا نفسيتي ادهورت بعدها حقيقة انا ودي في بنت اناجيها وتناجيني اقسم بالله ا

املك في قلبي عاطفة جياشة ودي اطلعها زوجتى كل ما قلت كلمتين لازم افسرها بأبسط قواعد التفسير
طبعا قلت طيب نبدا وحقيقة كلمت امها وابوها وفهمتهم الوضع وقالوا احنا معاك ويدنا في يدك لانه لحالي ما راح اقدر اسوي شي

المهم بدت في العلاج كم اسبوع وبعدين بطلت قالتلي طفشت ما ابغ اروح

وانا طبعا لاني مدرس خارج المنطقة يعني كل يوم اروح واجي 300 ك ما اقدر اتابعها

واهلها ما عاد سألوا عن الموضوع

المهم انا كلمت ابوي وامي على وضعي واتفهموا وضعي وابوي الله يرحمه قبل يتوفى كان يقلي تبغ تتزوج ثانية محد يلومك

لكن الوالدة الله يحفظها تقلي اصبر واحتسب وانا اخاف تتزوج الثانية وتهمل بنت الناس وهي محتاجة لك

مني عارف ايش اسوي كثير نصحوني اني اتزوج في السر لكن انا ما ودي

ابغ اتزوج اتزوج في النور

حقيقة انا تعبان نفسيا وصرت احس اني عايش لوحدي او مع ثلاثة اطفال زوجتي وطفليي منها

احيانا احس انه اطفالي محتاجين الى مربية لانه امهم ماهي صالحة انها توجههم

وتراقب تصرفاتهم

صرت بين ثلاث نيران

نار نفسي اللي ما اخذت حقها

ونار عيالي اللي احس انهم محتاجين لام

ونار زوجتي اللي ما ودي اظلمها

ودي اسمع مشورتكم
والله يحفظ الجميع

الله ياجرك على مصيبتك وصبرك وحسن معاملتك لزوجتك


اخي الزواج من ثانيه زياده في المشاكل والهموم ويمكن تفقد زوجتك الاولى بسبب زواجك وان لم تفقدها
فكر بنفسيتها شلون بتتحطم ونفسية ابنائك لما يصيرو بعائله فيها تعدد ولا لما يحسو بالفرق بينهم وبين
اخوانهم من ابوهم


اخي الام الي تكون فيها تخلف بالكامل والي فيها عيب خلقي مثل الصم والبكم والعمياء كلهم عيالهم
طبيعيين من ناحيه نفسيه وحياتهم مثل غيرهم
وان كان فيها نقص من ناحيه انت ابوهم وتسد هالنقص عنهم وتعوضهم

اما بالنسبه لك انت لاتفكر بالصبر وغيره من الكلام .. فكر ان حياتك افضل من غيرك بالف مره
وحتى لو هي تفكيرها 12 سنه راح تحس فيك وبمشاكلك وبهمك وراح تشاركك بمشاعرك وتقدر
تكمل معاها مسيرة حياتك باذن الله


عسى الله يحل ازمتك ويشفي زوجتك

السلام عليكم ورحمة الله وبركاته
أخي الكريم ابشرك بالخيريه التي قال عنها رسول الله صلى الله عليه وسلم
خيركم خيركم لأهله
وأقربكم مني مجلسا مني يوم القيامه
أخي الكريم انا أتفهم حقيقه ما تمر به وهو ليس بالأمر الهين
إن كنت أخي الكريم لم تحس بما هي عليه ولم تتضخم الأمور في نفسك إلا بعد الفحص عليها وكانت ترعى اطفالها بدون مساعد احد وتقوم بشئون بيتها ومسؤولياتها
فبعد الإستخارة أخي الكريم لن يلومك احد في الزواج بأخري إن كنت تعلم من نفسك القدرة والعدل
ولعل إنتقالك وإياها للعيش مع والدتك ( بوجود خادمة ) يكون له عظيم الثر في مواساتها ومراعاة مشاعرها وإحاطتها بالرعايه اكثر هي وأبناءها ووالدتك تشرف على تربية ابناءك ووجودكم عند الوالدة أدعى لحفظ حق الزوجه الأولى
ولكن أخي الله الله بزوجك وأم أولادك فهي لم تختر أن تكون هكذا ولعل الله أراد بك خيرا إذ زوجك أياها
الله الله بها فهي اسيرة عندك
والسلام

__________________


اللهم أحينا على السنةواقبضنا على السنة وابعثنا على السنة[]

الله بجزيك الجنة على صبرك على زوجتك
ولي عودة إن شاء الله

__________________

كان الله في عونك وفرج همك

__________________

صراحه انت انسان عظيم

وقليل الي مثلك

وربي بيعوضك خير

تطمن

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

التوقيع

اختى المهمومه2

جزاك الله خير على ردك ومشاركتك

اختى مسالة الزواج بثانية هذي ممكن انها تحل مشكلتي انا حاجتي انا الى زوجة تفهمني
ومسالة انها تزيد المشاكل ( المشكلة اللي انا فيها انا اللي احس فيها فقط ولا زوجتي عايشة مبسوطة 24 قيراط)
اما مسالة انه اولادي يحسون بفرق بينهم وبين اخوانهم لو حصل هذا الامر مدري يحسون بالفرق من اي ناحية ما فهمت

اما من ناحية عيالي

الولد وهو الكبير حقيقة يعاني من التهتهه مثل امه ويعاني من صعوبات في التعلم لانه السنه اول سنه في المدرسة

اما البنت وهي عمرها 3 سنين اشوفها طبيعيه تماما

اما مسالة اني اسد النقص انا احاول اني اقوم بدوري لكن انتى تعرفين انه دور الام اهم من دوري والعيال بيكونون محتاجين لها خصوصا في سنين عمرهم الاولى

اما من ناحيتي انا فأنا صابر لكن هل زواجي من ثانية ينافي الصبر

وشكرا على مشاركتك اختى

أخي الكريم ...ما شاء الله عليك وعلى حسن اخلاقك وطيبة قلبك ...يااااااارب يكثر من امثالك ..

في البدايه ..اتمنى ان اهمس في اذنك بكلمه واحده فقط لا غير ... لماذا بعد 8 سنوات زواج احسست بمشكلتك ...لماذا صبرت وسكت ...لماذا لم تبحث عن حل يرضيك ويسعدك ؟؟؟؟؟

اكيد اجابتك على كل هالأسئله راح تكون .......لأنك وكما ذكرت بعد اربع سنوات زواج ضربت اخماس في اسداس وادركت مستوى تفكيرها وعدم نضوجها الفكري ..تقريبا وكما فهمت قد اصبحت وقتها تقريبا 20 او 21 عاما ان لم اكن مخطئة ........بمعنى آخر اعتقدت وهي في الـ18 او 17 عاما من عمرها انها ما زالت صغيره وغير ناضجه ومؤهله بما يكفي لتكون زوجة وام اطفال .............وخاصه ان بقاءها بعد زواجها في بيت اهلها ساعدها كثيرا في ادارة شؤون الزواج .......ولكن هذا الأمر لم يكن في صالحك ابد لأنك للأسف اكتشفت حالتها النفسيه والعقليه متأخرا جدا ....وهذا ليس خطأك ولكن الخطأ الأكبر في نظري الاستمرار في هذه المعاناة من طرفك انت .......



نعم اخي الكريم انت الوحيد الذي ستعاني مستقبلا ان لم تصلح حياتك وتغيرها للأفضل ........فليس عيبا او حراما ان تبحث عن زوجه اخرى تشبعك من جميع النواحي النفسيه الاجتماعيه والجنسيه والفكريه .........تاخذ وتعطي معك تتفاعل معك تحس بمشاعرك وتثري عقلك بأفكارها وحواراتها وووووالخ ...............الزواج ليس مقبرة تدفن نفسك بها وتضحي من اجل اسعاد الآخرين ......والزوجه ليست وعاء لإنجاب الذريه فقط ! الزوجة امرأة مكملة لشريك حياتها (الزوج) نفسيا واجتماعيا وعاطفيا .. الزوجه لا بد ان تكون ام واعيه ومعلمه لجيل قادم وابناء امانة في اعناقنا بغض النظر عن اعاقتها الذهنيه ......فكم من إمرأة عاقله مكمله لا تفقه في الزواج شيئا ......! انصحك بالتروي وحسن الاختيار في الزوجه الثانيه (تخيروا لنطفكم فإن العرق دساس) .......ولا تتزوج من اجل الشفقه او العطف على انسانة لظروف خاصه بها !

لو لم تستشعر حقيقة ظروف زوجتك الصحيه ما لجأت الى الطب النفسي او الى البحث عن حل لما تشكو منه ؟؟؟؟

اعتقد ان الوضع الذي تشعره الآن قد فاق تحملك وصبرك ...والخوف على مستقبل أبناءك بدأ يطرق في عقلك .....وهذا عين الصواب ولب الموضوع ..

لا احد ينكر ومن خلال سردك لمشكلتك ما قدمته من حب واخلاص ومعامله حسنة لزوجتك ولكن اقول لك الكثير من الأزواج يصبرون على زوجاتهم ويحبونهم ويخلصون لهم ...ولكن في مقابل ذلك هناك الكثيرون الذي ضحوا بأنفسهم من أجل امور وظروف ومعاملة زوجة أو زوج على أمل ان الزمن كفيل بإصلاح المعطوب وترميم
الخلل وووالخ وفي النهاية بقى الحال على ما هو عليه ..وزادت الهموم وضاع العمر في الشكوى والحسرة والقلق من المستقبل وتربية الابناء وووو.........

انصحك اخي الكريم ...ان تفكر بعقلك الذي ميزك الله به ..اترك العوطف جانبا في موضوعك ..انسى صبرك على تصرفاتها الطفوليه ...انسى كلام كل من يقول لك او صور لك انها مسكينة وحرام عليك تظلمها وتكسر بخاطرها او تزوج بالسر ...انسى ما تريد ان تنساه ..ولكن لا تنسى حقيقة مرضها ..لا تنسى التقارير الطبيه التي بين يديك والتي تؤكد لك على ضعف قدراتها العقليه وان نسبة الشفاء لا يتجاوز 20% ...لا تنسى ابناءك بعد سنة او سنتين او ثلاث سنوات وامهم على حالها ... لا تنسى ان العمر يمضي وانت تنادي بإمرأة تسمعك وتستوعبك وتحتويك بكيانها ...ولا فائده من العلاج او على امل الشفاء لآنها ولدت على هذا وهذا امر الله ولا اعتراض على حكمه .....

الحل ان تفاتح والديها بالموضوع بأن تنتقلوا للحياة مرة اخرى معهم في الفيلا وبعد كم شهر ابحث لك عن زوجه ثانية (لا اجد في هذا الموضوع او هذا الحل اي انتقاص لحق زوجتك او جريمة في حقها او اهلها او اهلك او اي كائن كان ) فهذا شرع الله ...الجريمة الأكبر في نظري ان تضحي بسعادتك وانت تتألم في داخلك ...لماذا؟

بعد ان تعثر على الزوجه الثانيه اخبرها واخبر اهلها بزواجك الثاني واسكن زوجتك الجديده في شقتك ووزع حياتك بين زوجتين واعدل بينهم واتق الله فيهن .....حالك حال غيرك من الرجال وما اكثرهم ...ومن هنا تكون زوجتك وباقي على حبها وودها وعشرتها وابناءك في رعايتك ورعاية امها وابوها واهلك طبعا وهذا الوضع لا يغضب احدا ابدا ...وبالحب والاقناع والتفاهم تقدر توصل للجميع بمدى معاناتك وبحقوقك وما تتمناه .:14:


اختك جــــــــــــــواهر

اختى الكريمة شذى30

شكرا لك على البشارة وبشرك الله بالفردوس الاعلى من الجنة مع امهات المؤمنين

والله يجعلنا عند حسن الظن

اختى مسالة احساسي بما هي عليه فقد كان مبكرا لكن كنت اعزو ذالك الى وضعها وانطوائيتها ثم وجودي لمدة سنتين في منزل والدها كان عامل نوع من الغطاء على تصرفاتها حيث لا مسؤلية عليها آنذاك

وايضا صغر سنها

اما مسالة انها تراعي اطفالها فهي تراعيهم ولا يوجد منها قصور من ناحية الاهتمام بشؤون المنزل

ولديها خادمة في المنزل تقوم بكل اموره تقريبا

لكن المسالة اللتي اهتم انا لها مسالة التربية وتقويم سلوكيات الاطفال ومعالجتها ففاقد الشيء لا يعطيه

وحقيقة انا صابر ولا ودي اجرح احد لكن احس اني انا كمان انسان ومحتاج للي يخليني اكمل المشوار

اخاف من لحظة انهيار

تحياتي لك وشكرا على مشاركتك

غزالة دبي اشكرك من كل قلبي على نصائحك الذهبية

كلامك والحلول اللي قدمتيها اشوفها عين الصواب

وكم اتمنى ان تسير الامور بسلاست كتابتها