السلام عليكم ورحمة الله وبركاته


ابدأ قصتي وياليت ترشدوني للتصرف السليم

اول شي انا عايشه بغربه انا وزوجي وبنتي... واخت زوجي ان شاء الله بعد اسبوع بتجي عندنا تجلس تقريبا 20 يوم

طبعا هي ناوية تحجز بفندق وتجلس فيه بس انا وزوجي قلنا عيب لازم تجلس معانا بنفس البيت خصوصا ان زوجها ماراح يجي معاها فصعبه تجلس بفندق وبالذات رمضان

المهم انا عادي ومبسوطه انها راح تجي تهون علينا غربتنا ونتونس معاها بس مشكلتي انو انا مرررررررررة عصبيه واولادها مو طبيعين قليلين ادب بشكل مو طبيعي ومايحترموني ولا شي ولسانهم مرررررة طويل هم صغار تقريبا اعمارهم بين 8 و 9 سنين

وانا ايضا في هذه الفترة ادرس يعني ارجع من المعهد اسوي الفطور وطبعا حاكون مضغوطه لانهم في بيتي وابغى كل شي يكون مرتب عشان تشوفني مرتبه اخاف تقول عني فوضوية وماني قادرة اعيش بدون شغاله صح هي مرة طيبه بس الواحد في هذا الزمن مايضمن احد

وطبعا انا لاااااااااااااازم ماازعلهم لانهم في بيتي وهي فترة وبتعدي
عشان كدا الله يخليكم دلوني كيف اتصرف وكيف اتعامل معاهم من غير مايحسوا اني متضايقه منهم
وفي نفس الوقت من غير مااضغط على نفسي واحمل نفسي فوق طاقتها

اااااسفه على الاطاله بس مالي غيركم بعد الله


[info]الاشراف: لفظ المششيئة تكتب على هذا النحو ( ان شاء الله) [/info]

أطبعي لها الموضوع مع تغيير بسيط في وصف أبنائها ... ومع زيادة في مدحها ...




وسترين الفرق بإذن الله ...







دمت بحفظ الرحمن ...

__________________

اللهـــــــــم ألن قلب زوج دمعات الروح ... ورده إليها ... وردها إليه معززة مكرمة ...

اللهـــــــــم أجعلني خيرا مما تظن زوجتي ... وأجعلها خيرا مما أظن .. ويسر لنا امورنا ...اللهـــــــــم آمين ...

احسن شي انك تعيدين ترتيب بيتك يعني التحف الاشياء اللي ممكن تتكسر ترفعينها
الغرف اللي ماتحتاجينها تقفلينها بالمفتاح واشتري اشرطه افلام كرتون كثير وكل يوم خليهم يتفرجون على واحد
الاطفال اذا مالقو شي يلهون فيه بيعقلون وافلام الكرتون احسن شي لاعمارهم عشان يشغلهم بس انتبهي
انها تكون نظيفه لاتستاثمي فيهم وكمان كل شي في بيتك تحطي عليه مفتاح حتى المطبخ عشان لابغيت تسوين
شي بدون مايزعجونك تسكري عليك الله يعديها على خير (: (:

__________________
من توكل على الله فهو حسبه

راي بسيط الاطفال يحبوا من يهدي لهم الهدايا ويوزع عليهم الحلويات وبذلك بيستحوا منك ويزيدوا في المحبه


وعليك بالابتسامــــــــه

خليك رسمية مع الأطفال لا تعطينهم وجة و خلي باقي حياتك كما هي لا تتكلفين لأنك راح تتعبين واجد وتراها ضيفة عندكم لا تنسين البشاشة

أحسني إليها و أكرميها

و أبعدي الأشياء الغير ضرورية عن متناول الأطفال

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

الطفل أخلاقه تتبع معاملة اللي قدامه
تعاملي معهم باحترام بيحترمونك
ثانيا توقع الوضع السئ يأتي فعلا سئ


والله ياعزيزتي لم نعد نعرف
الطيب صرنا لازم نهئ جو ومعاملة خاصة به حتى لا يظن السوء!! اجل السئ اش نصلح له؟؟

__________________

ارمي الكرة في ملعب عم الأولاد !!!

واتركيه يتصرف في الموضوع .. فهو يمون على أولاد أخته ...


وبسطي الموضوع وتفائلي خيراً ... في شهر الخير .. وإن شاء الله كلها كم يوم وتنتهي المشكلة ..

موفقة إن شاء الله

__________________
... ( بالحب نعيش أجمل حياة ) ...

لاتفكرين بهذي الطريقة هدي هدي..

بعدين الطفل من اللي قدامه كبري علقك..

وتعاملي معه بكل احترام حسسية انه كبير .. ترى الطفل يحب هذا الاسلوب..

ومن يدخلون خلي في بالك شنو الشئ المرفوض..

ونبهيهم اول مره باسلوب فيه صرامة وجدية..

ولاتضايقين امهم.



واي شئ مو محتاجة له رافعيه..

من تحف ومفارش زايدة و اغراض مطبخ زايدة وزين.. شيليها..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

اختي

ما الك غير انت وعمهم تسجليهم بمركز رياضي دوره يعني

جودو كراتيه سباحه من هالاشياء و يروحو يفجرو طاقاتهم

و اذا في كورس لغه اي شي

ويكون قريب او داخل المجمع التجاري او قريب منه

و الله يخلي الباصات همه و امهم يتمشو يقضو وقت

ويكتسبو خبره ،،، تكون لهم من يرجعو لبلدهم ذكرى حلوه


و خلي ركن لهم فيه العابهم و كم قصه على العاب

لان هلعمر ممكن يركز اكثر في لعبه او كتاب


و بالنسبه لتعاملك معهم

خليك على طبيعتك و انت ببيتك

لا يكلف الله نفسا الا وسعها

ومنها لاخوها ،،، انت خليك لا ارى لا اسمع ولا اتكلم

ما تعرفين الناس شلون نفسيتهم