حيا الله ام خالد كيفك يابنت لك وحشة ربي يسعدك كله من الماكينة ماشاء الله اخذت مننا....الله يوفقك يارب ..المهم لو تمونين على حرمة اخوك قوليلها ترى انا صراحة كلمت اخوي وامي قبل لا تكلميني وزيارتنا لها كنا نبغى نعرفها واهلها من قريب ..لكن ليه ماقلتي لحرمة اخوك لما كلمتك كان اختصرتي على نفسك وعليها ..و اتفق مع مهره يمكن لو كلمتيها عن الاثنين ترفضهم عشان ماتسبب مشاكل بينكم وبين حرمة اخوكم...والله ييسر لكم امركم ..

__________________
سبحان الله وبحمده..سبحان الله العظيم

كلموها بالاثنين وخلو للبنت الخيار
من حقها ولحد يقطع رزق احد عشان ربي يوفقه

أنا من رأيي تخطبينها لأخوك عادي مثل ماكنتي ناوية ..
وترسلين لمرة أخوك رسالة لطيفة .. مفادها اني بخطب البنت لأخوي بس كنت انتظر الوقت المناسب
وماحبيت احرجك لما كلمتيني عليها واقولها بوجهك ..
وإذا لها مع أخوي نصيب بتاخذه ..

إذا مرة اخوك عاقلة وطيبة ، رح تتفهم الموضوع
وبالعكس هي الكسبانة بتكون سلفتها
بالتوفيق يارب .

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة

اخي طبعا بالاول لكن انا غلطت لما سكتت من البداية لما شاورتني فيها
لو من الاول كان سهلت على نفسي الهرجة

زوجة اخويا علاقتي فيها كويسة الحمدلله

و ما ابغى يجي بنفسها شي حتى لو كان على موضوع زي كذا لان لو وافقت البنت بتكون بنفس زوجة اخويا طول العمر

اتمنى بس حسيتها صعبة شوية

خالتي ام بلال الله يسعدك اشتقتلك

احس صعب لو شاورتها على الاثنين بتشعر بخجل و يمكن ترفضهم كلهم

حطيت نفسي ف مكانها و حسيتها مو زابطه يمكن تخاف تسبب احراج فيما بيننا و هذا شي وارد

خاصة اني اعرف طريقة تفكيرها فماني شايفة انو حستفيد لو شاورتها على الاثنين بوقت واحد

__________________

‏
الوعي هو الملاذ ..

أستغفر الله العظيم ؛
( الفردوس غايتي )

صباحك ورد احمر يا سكر

وانا اشتقتك اكثر ♡♡

البنت مسالمة حسب عشرتي فيها و هي شايفة انو علاقتنا في زوجه اخويا كويسة

فأتوقع عقلها يقولها ترفض الاثنين ..

انا جد غلطت لما سكتت لكن لعلها خيرة ، زوجة اخي صح علاقتنا تمام

لكن عقلي يقول لي لو قلت لها اني افكر فيها لأخويه يمكن تظن انها جت في بالي بعد كلامها

صح هي ماشالله نيتها طيبة بس و لو مررررره ما ابغى يجي في نفسها شي

و السبب هذا هو اللي خلاني اتردد كثير

حتى اني افكر لو هي خطبتها و رفضت ( انا متأكدة انها بترفضه ) لانعا سبق و رفضت واحد نفس وضعه

و بعدها خطبتها لاخويه الله اعلم بتوافق او لا ... بس لو وافقت

ياشيخه تلخبطت مرة و حتى قلت لامي كرهت الهرجة كلها خلاص


مئدررررش اشاورها في الاثنين مع بعض

مرت اخويا مررره متحمستلها تخيلي حتى بعد ما قلت لها انها رفضت كذا واحد نفس وضع اخوها

قالت ماعليك كلميها يمكن توافق و الشي دا زاد من انزعاجي

بالزبط هذا اللي اقلقني لكن انا متأكدة انه خير ان شالله

الله يتمم ان شالله شكرا لمشاركتك lk

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هلا بالغلا كله ..

والله هو يفترض كدا بس اتكركبت يا ام سلطان

ماني عارفة اشللي سكتني يمكن تفاجئت من طلبها و كمان ما بغيتها تعرف اننا بنخطب لاخويا

شفتي بعد ما سكتت المرة الأولى صرت اتهرب منها لما تسألني أقولها لا لسه ما كلمتها

كل شوية اصرفها و حتى لما شاورت اخواتي قالوا مالك حق تسكتي من الاول

و عادي انك تقولي لها انك مفكره فيها من قبل بس ما جت فرصة تكلميها

علاقتي فيها الصراحة كانت مرة حلوة بس انا مؤخرا بديت اسحب نفسي

انشغلت وماعاد فضيت لأحد نهائي و يعني لو بجي بكلمها وش بقول !

مدري اديني رايك .. الموضوع لسه واقف بسببي طبعا

واللي مساعدني ان البنية اللي نبيها عندها ظروف ف بكل الاحوال ما يمديني اكلمها هالفترة

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الله يحي الغالية ..

بخير الله يحلي ايامك شفتي بس

الحمدلله .. الله يسعدك و يحفظك يا سمو

ليه ما قلتي لحرمة اخوك هههههههه والله من التبلد اللي صابني لما تكلمت

ماتوقعتها لكن يلاا المواقف تعلم ثاني مرة ما اسكت

اعوذ بالله لو هو قطع ارزاق ينقطع رزق اخويا ولا نتعدى على احد
ما ينفع حطي نفسك بمكانها حتقفلي على نفسك الباب و تقولي اللي جابهم يجيب غيرهم
وبلاش ارفض واحد و اقبل نسيبه



اهلين عذوبة ..

احس كذا جرأة أكبر يعني ولا كأنها كلمتني و طلبتني

هي مو ناقصها سلايف ياشيخه

عموما بشوف طريقة مع اني فكرت اخطبها لاخوها عااادي جدا

و نصرف نظر عنها خلاص و ربي ييسر لاخويا وحدة غيرها

بس انا ابغاها و امي مررة مقتنعة فيها

الله يكتب لها اللي فيه خير ..

__________________

‏
الوعي هو الملاذ ..

أستغفر الله العظيم ؛
( الفردوس غايتي )

يختي انتي مرا مصعبة الموضوع

اخطبي البنت وبعدين لو ووافقت كلمي مرة اخوك وقولي لها انك خطبتيها لاخوك قبل ماتكلمك
وماقلتي لها عشان لسا البنت ماردت منكم ..

واذا ماوافقت لا سمح الله يعني خخخخخ قولي لها عن اخو مرة اخوك

وان شاء الله لو لاخوك نصيب في البنت بتكون له
وربي يسهلها

__________________
-

" وَلسوف يُعطيك ربُّك فترضى "

قولي لها علي الاثنين والله يوفقها

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن

كلام سليم