السلام عليكم ورحمة الله وبركاته
انا عضوه جديده واحتاج مشورتكم
متزوجه لي سنتين ونص
وعندي طفل واحد
حياتي كانت مستقره
ولكن بدأت تدب فيها المشاكل بشكل ملحوووووظ
واتمنى التفاعل من العنصر الذكري لعلي افهم مايفكر به زوجي
انا ولله الحمد زوجه ناجحه بشاهدة زوجي وكل منهم حولي
نظافه ونظام وعلم وخلق ودين وجمال وسنع
وفوق كل هذا امي وابي متوفيين رحمهم الله رحمة واااسعه
يعني ماعندي احد يتدخل بحياتي ابداااااااا
ومره سمعت محاضره للشيخ المنجد ان كثرة اسباب مشاكل الزواج ام الزوجه الا من هدى الله
زوجي طيب ووسيم وحنون وملتزم ومقتدر ماديا يغلب عليه الطابع البدوي
مشكلتي زوجي كثير الخروج لشغل واحيانا مع اصحابه
واذا زعلت او عاتبته يتصرف تصرفات غريبه
ويدخل الناس بمشاكلنا
وانا ضد هالتصرف
جدااا يخجلني
واذا راضاني اعترف بخطاه ووعدني يتغير
وانهال ع قدمي يقبلها كالطفل
وهذا الشيء يضايقني فهو زوجي وحبيبي وتهمني كرامته
واصبحت حياتنا مشاكل لاتعد ع الخروج والاهمال والتهميش
واذا زعل طين عيشتي بكلامه وهددني بالطلاق واحيانا يطلب مني اروح لبيت اهلي
ولكني احاول ان اتجاهل تصرفاته لاني اعرف انها راح يرجع ويراضيني ويقبل قدمي ويطلب مني اسامحه وابقى معاه
وش معنى هالتصرفات
عجزت افهمه
وتعبت من كثر مايغلط علي ويرجع يراضيني
مرات اقول حب واحيانا اقول يكرهني
انصفوني فأنا اعيش في دوااااامه اثقلت كاهلي