أخي الكريم ممكن تكون لحظة غضب قال فيها هالكلمتين وبس راح البيت إنتهى الموضوع.. الحياه الزوجيه مليئه بالمشاحنات والنقاشات الحاده.. ومشكله صغيره تخلي أي واحد من الطرفين يقول من الكلام إلي ما تحب تسمعه..وفيه من الناس من يهدد ويصرخ ليريح نفسه ويخرج طاقة الغضب في داخله.. وبس يتلاقون مره ثانيه سبحان الله ولا كأنه صار شي.. وتلاقي الشعار المرفوع بينهم "طاح الحطب"..
الكره ممكن يكون له أسباب عديده.. لكن لحالة صديقك ممكن تنصحه إنه يحاول ياخذها باللين والكلام الحلو..
إسأله هل هو يهتم بالمناسبات الخاصه بينهم..؟
هل هو يرضيها بالهدايا والورود البسيطه بمناسبه وبدون مناسبه؟؟
هل بينهم حوارات هاديه وجلسات ناعمه ورومنسيه؟؟
هل حاول يوم يرجع الحب الكبير ويشوف شو سبب إختفاءه؟
إذا كان حبها كل هذا الحب في الماضي معناه إنها "على ذوقه" وتعجبه في كل شي.. طيب شو تغير؟؟ وهل سأل نفسه ليش تغير؟؟
إسأله إذا كان هو نفسه ما تغير وخلاها تتغير عليه..
بس إسأله وشوف..
ممكن تنصحه في إن العلاقه الزوجيه أبعد بكثير من علاقة جسد.. هي علاقة قلب وعقل ورورح وثم جسد.. لازم يوصل لعقلها عن طريق قلبها.. لأن المرأه إذا لبى زوجها حاجاتها القلبيه راح تلاقي عقلها وكل مافيها لزوجها وبس..
الله يهديهم لبعض..