السلام عليكم


عندي مشكله


انا ما آخذ راحتي في بيتي ، زوجتي دايم يجونها اخواتها وانا ما آخذ راحتي في بيتي لازم اطلع

وانا انسان ما احب اكون بعد الساعه 12 برا بيتي ، ومن زمان متعود على هالشي حتى قبل الزواج


فأظطر اني أطلع من البيت واروح عند أهلي أو في الإستراحه مع اني ما احب الإستراحات بس مظطر

وإذا جا خميس وجمعه يا يجونها اخواتها يا تروح لأهلها وتنام عندهم ، وانا مابيها تنام عندهم

واذا قلت لها تقول مستحيل اجي انام في البيت خميس وجمعه انت رافض اخواتي يجون ما تقدر تمنعني من النوم عند اهلي

وش العمل ؟ ووش الحل ؟

وانت ليه ماتخلي خميس وجمعه نقاهه لك ولها يعني لازم تجلس في البيت خلها تستانس مع اهلها واخواتها ليش التنكيد
على العموم تقدر تجبرها وهي واجبها الطاعه واذا مارضيت لاتجي باقي الاسابيع عندك تكمل الباقي في بيت اهلها والا تحترم رايك وخلك حازم معها بتزعل فتره ومصيرها ترضخ اعجبها ولا مااعجبها

__________________
الحجاب عبــاده وليس عاده

أخي الفاضل..

التعلق بالأهل والأخوات شي وارد.. بالذات إذا لسه عرسان
اتفق مع زوجتك بشكل لطيف انها تحدد أوقات معيينة لزيارة أخواتها..
اكيد البيت بيتهم في اي وقت.. بس وضحلها انك ما تحب السهر وانك تشتاقلها..
وممكن ما تخرج من البيت وقت وجودهم.. ليه تخرج؟؟
اجلس في غرفة ثانية.. كدا انت في بيتك

والويك اند ممكن أسبوع تنام وأسبوع لا.. كله بالإتفاق والتراضي..
حببها في الجلسة معاك أكثر..
وعموماً التغيير مطلوب ولما تروح وترجع حتشتاقو لبعض..

الله يجمعكم على خير إن شاء الله..

__________________

>> لا إله إلا أنت سبحانك إني كنت من الظالمين <<

صراحه مايعجبني الوحده تعود الزوج انها تكون بعيده عنه

اكيد اهلها وعلى عيني وراسي بس مو كل اسبووووع تنام عندهم

يعني الويك اند احسه للازواج هو طول الاسبوع مشوا يبيها له بالويك اند

اقترح عليها الاربعاء لاهلها ولو تبي تنام بس الاربعا والخميس لكم تطلعون سوا والجمعه زياره اهلك

انا مااايد الزوجه كل اسبوع تنام عند اهلها معناته متى هي وزوجها يجلسون برواقه

وبعدين غريب الاهل كل اسبوع عند بنتهم كم لكم متزوجين وهي الوحيده متزوجه من خواتها ولا كيف


الاخت هدو انثي هو مقصده تنكيد الرجال يبي زوجنه يبي يحس بروعه الويك اند معها

تصدق ماحسيت بقرب زوجي لي الا بالغربه تعودنا على بعض اذا نزلنا الصيف زياره لاهالينا نتضايق ان كل واحد بمكان ومانستمتع لان تعودنا اننا مع بعض

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

المفروض إنك تقول لها إنها تتفق مع خواتها كل مرة تصير الجمعة عند وحدة إذا كانوا خواتها متزوجات مثلها أو انهم يتجمعوا باستراحة أو منتزة وبالنسبة لأهلها تزورهم الاربعاء وممكن تروح بدري وتجلس الى الليل وبعدين ترجع لبيتها

إحنا آغلبنا كذا نسوي خاصة اذا كان فيه أولاد وتكون موظفة وإذاكان على النومة ممكن انت تسمح لها تنام بين فترة وفترة الله يوفق الجميع

:*

يحدد لها يوم بالأسبوع لزيارة أهلها
ويوم لزيارة أهلها لها إذا هالشيء ضروري عندكم وبعاداتكم

:*

أضف لذلك زوجتك تشعر معك بالملل
فهل أنتَ من النوع الذي بالبيت طوال الوقت
ولاتحب أن تخرج معها للترفيه والتمشية
وتضطرها فقط للجلوس معك بالبيت دون خروج..؟!

:*

__________________

الزوجه الي تعود زوجها على بعدها غلطانه لانها تعطيه مجال للخيانه
تعطيه فراغ كبير في حياته يعني لاضرر ولا ضرار حلوه الاشياء المعقوله
مره كل شهر مش كل اسبوع
بس انت لازم تغير من اسلوبك بالطلب
يعني انت طلبت تجلس وقالت لك لاء
المره الثانيه خذها فندق ليلتين يعني الخميس والجمعه
غير جوها خليها تحس انك متجدد دايم

والله يسهل عليكم يارب

تقبل مروري.

اذا كان ماتقول حق فاني اتعجب من المبالغه في الزيارات سواء من الجانبين فالضيف مهما كان قريب فهو يضيف يقيد الحريه

لماذا لا تكون الزيارات وقت وجودك في العمل

وكيف انه يوم الخميس والجمعه تنام عند اهلها المفروض يوم الاجازه للزوجين
اما الزيارات فلا بأس


من رأي الا تترك المرأه بيتها وتبيت خارجه الا لضروره
كمرض امها او خدمتها او حتي من فتره لفتره لتستأنس بها او حمل او نفاس
هذا ما اراه
ولكنك لن تستطيع ان تمنعها فجأه عما اعتادت عليه
فقط ابدأ بتقنين الزيارات وضع النظام لها
فأنا لا أحبذ ابدا الزيارات المفاجأه من الطرفين فالبيت له حرمته واستئذانه

__________________
اللهم اجعل عملي كله صالحا واجعله لوجهك خالصا واجعله عندك متقبلا

عجيب أمرها ,
أنا من رأيي لازم يكون لك قوانين تمشي على الكل .
مثلا الضيوف لازم يمشون من البيت كحد أقصى 11 .
امممم يحدد يوم وسط الأسبوع ويوم بنهاية الأسبوع لزيارة أهلها ,
إذا كانوا أهلها معها بنفس المدينة ماله داعي تنام عندهم , عيب ,
أنا أهلي بمدينة ثانية , أروح لهم كل شهر تقريبا ,
أحيانا أجلس أسبوع وأحيانا خميس وجمعة بس
لازم تقوي شخصيتك وتتفاهم مع زوجتك بالطيب .
قل لها وش الفايدة من زواجنا إذا كانوا خواتك دايم عندك ونهاية الأسبوع تروحين لآهلك
موب أحسن لو انك ماتزوجتي

حاول أخوي تفهمها بطريقة غير مباشرة .. حاورها بود وبلطف وبحنان ..

الحريم ترضيهم هالحوارات ..

بين لها حاجتك لقربها منك خصوصا أيام الويكند .. عطيها حلو الكلام..

اوعدها بمفاجآت نهاية كل اسبوع .. طلعة تسوق مبيت بفندق ووو

مع الأيام راح تتعود عليك . وخلك مرن معها لا تحرمها من زياراتها لأهلها دامها

ما موظفة فهي تتونس معهم ..