اخواني ابغى اقول كم سعر تكلفة الزواج انا انسان مقبل على زواج والحمدلله متوظف
ابغى سعر التكلفه كم

ابغى مساعده منكم وشكرا

وعليكم السلام والرحمه ، حياك الله اخوي
مبروك ألف مبروك ، والله يوفقك ويتمم عليكم
والله على حسب الناس وعلى حسب المنطقة واهل البنت ، بالنسبة لي انا زواجي بشهر 7 ان شاء الله ، دفعت المهر 70ألف مع الذهب والحوسة طلع 100ألف طبعاً الزواج على اهل البنت ، والله يعين ويسهل ان شاء الله
موفق خير ان شاء الله

الله يوفقك يارب ولد حائل ويتمم عليك

بس سؤال 100الف تكفي لطقم الالماس واثاث البيت وتجهيزات العرس

بالنسبة لمنطقتي إجمــآلي تكاليف الزوآج كله تقريبا 70 ألف ريـال
والزوآج على العريس وأهله

نقول طقم الألماس بحدود 25000-30000
الأثاث بحدود 50000 ويادوب يغطي من أثاث وأدوات كهربائية ولوازم المطبخ

يعني ما بقى معك إلا 20 ألف
وهالمبلغ ما يوفي معك
الذبايح ألحين الوحده بكم؟؟؟
وإذا بوفيه مفتوح كم سعر المتر؟؟؟
والقاعة نفسها بكم؟؟
وغيرها كثير من لوازم الفرح من طقاقة وقهوة وشاي وسكر ومعجنات وحلا وحلويات وعود وورد وتغليفات
هذا غير اللي يجهزون القاعة والطاولات والكوشة
يعني عد واغلط

لذلك استبدل طقم الألماس بطقم ذهب
أو ارفع مبلغ الـ 100000

أو فيه حل ثالث
سوي حفلة زواج بسيطة
الفلوس انت أولى بيها دامك لسى في أول الطريق وإذا مديون حرام ترهق نفسك وتتكبد بلاوي

سما يعطيك العافيه على مرورك
بالنسبه العقد فريد اشكرك جزيل الشكر بس احب اقولك انا ماعلي ديون عمري 19

اللهم آمين ويوفقك ويسهل آمرك ، اولاً انت تبي تسكن عند اهلك والا بشقه برا
ومن اى منطقه انت ، لان خبرك المناطق تختلف ، ممكن تقترح على اهل البنت يكون الزواج عائلي وبكذا تقل التكاليف عندك نوعاً ماً ، احد زملائي من اهالي الزلفي مهرهم 40ألف ومع الذهب يوصل 70ألف والزواج عليه وكان حاطه زواج عام ، طبعاً مع امور الشقه والاثاث والايجار وصلت معاه 160ألف احد الزملاء برضو زواجه كان المهر 40ألف مع الذهب 60ألف والزواج عليه ، زواج عائلي كلفة 16ألف طلع المجموع 116ألف
ان شاء الله بسيطه اهم شى التوفيق

تختلف من منطقه إلا منطقه وعائله إلى عائله فتكلفت زواجي عندما تزوجت قرابة 130 ألف ولله الحمد على كل حال بدون الشقه وأجارها وتأثيثها بسبب العادات التي لم نجني من ثمارها إلا المصائب فأنصحك بالزواج العائلي المختصر ومبلغ الحفله
روح فيه شهر عسل لتركيا مثلا أو ماليزيا أو جزر المالديف بس شوي مكلفه جزر المالديف الله يوفقك يارب .........شااااب

__________________
لا تكن عبد مملوك كن حر حتى ولو كان الثمن روحك

اشكرك ولد حائل ماقصرت الله يوفقك بحياتك يارب

شاب بالنسبه لكلامك حلو بتزوج من العايله ويعطيك العافيه

:*

حسب المنطقة والبيئة الإجتماعية

المهر = 40 ألف محدد عند كل العائلة + 10 شبكة

يعني المهر= 50 ألف

تأثيث شقة يمكن يكلفك 50 ألف مع الإيجار

الزواج من حفلة وخلافة ومأدبة طعام
يمكن يكلفك 50 ألف
هذا إذا كان متكلف وإذا مختصر بيكلفك أقل بكثير

* *

يعني تحتاج إلى 150 ألف

+ + + +

__________________