هذي أول مشاركة لي في المنتدى؛ وبصراحة عندي مشكلة ولاتبخلون علي بارائكم

أن مملك على خطيبتي من شهرين؛ وباقي على زواجنا كمان شهرين:14:

والحمدلله ربي رزقني ببنت حلوة ومطيعة

وأنا وهي نحب بعض بالمرة

ومشكلتي هي إنه في آخر زيارة لها كنت جالس بجنبها وقربت من كتفها وشميت منها ريحة عرق ضايقتني

بالمرة مع إنها كانت متعطرة ة

بصراحة أنا للآن متضايق من الموقف واثر على نفسيتي حتى إهتمامي فيها قل عن الأول وأحس إنه حبي لها كمان قل

بالله عليكم إنصحووووني

الاشراف:
تم تعديل العنوان ليناسب النص.

طيب انت اول مره تشمه فيها ممكن هي من الشطه والحوسه عرقت شوي ياخوي مايمنع طيب كل مره تروح تشم فيها عرق ولا اول مره
اذاكان اول مره يمكن البنت نست تحط المزيلللعرق

سؤالك مره مومنطقي

كلام أختنا دمعة حنان صحيح .

وإذا كان هذا الشيء ليس بأول مرة يحدث فلا مانع من أن توصل لها ما تريد بدون أن تحرجها

بس إن حبك لها يقل عن قبل هذه كبيرة

حرام عليك بالصراحه هي انسان ومن الطبيعي تعرق
يعني انت تخيل نفسك مكانها
مثلاً يوم نسيت تحط مزيل العرق و هي شمت فيك الريحه
ترضى على نفسك انها تظلمك و تقلل مقدارك في نفسها مثل ما انت تسوي

اسمح لي اقول لك انك سطحي كثير

احسن ..


عشان تصحى من احلامك الوهميه .. وتعرف انها بني ادم مو (ملاك) .. البني ادم ربي خلقه وخلق معه العرق والرائحه وغيره ..

المفروض انك لا تقف عند مظهرها ورائحتها .. تعرف على جوهرها واعطه اهميه اكبر من مظهرها ورائحتها ..


اسمح لي اذا من الحين كرهتها عشان ريحه غصب عنها ..افضل لك روح اتزوج (قارورة عطر) ..

__________________
********

اخي العزيز بعض الفتيات لا يضعون مزيل للعرق لتفادي سواد الابط فيحصل هذا عكسي على الزوج او الاخ فلعلها هي من هذا النوع.
*
*
جانب النظافه هو جانب تعود منذ الصغر فلعل امها لا تهتم كثيرا بهذا الامر ولكن هذا الجانب بإمكانك ان تصلحه وذلك بمحاولة نصيحتها بطريقه غير مباشره.
*
*
كيف تنصحها؟ بإمكانك اخبارها قصه مثلا بأنك قرأت موضوع في منتدى بأن حصل نفس هذا الموقف والزوج شم رائحه غير طيبه من زوجته فأحس بالقرف و النفره من زوجته ( وبعدها اشرح موقفك من هذا الموضوع بأنك تكره هذا الشيء وبأنك تحب المراه اللي ريحتها الجميله تنشم من بعيد.....ويعني زي كذا).
*
*
ولا تشيل هم دامك تحبها علمها الطريقه واشتر لها هديه....... من اي المحلات هاذي عندهم سلات عطريه جدا جميله واحرص على ان يكون في المجموعه مزيل للعرق.
*
*
الله يألف بين قلوبكم ويجعل بينكم مودة ورحمه.

الاشراف:
قوانين المنتدى تمنع ذكر اسماء المحلات التجاريه.

__________________
أحبابي إتبعوا شرع الله فإنه الخير

الله !!!!!

كيف بتعيش معها وانت مجرد ماشميت ريحه ويقل حبك واهتمامك فيها ؟؟

تعوذ من الشيطان وهالمشكله بسيطه تقدر تحلها لو بعدين

وبعد ماتتأقلمون على بعض اهدي لها طقم عطور ومن ضمنها مزيل عرق

وياخوي سمعت وقريت كذا مره ان الرجال احيانا تثيره ريحة عرق المرأه

وبعدين فعلا يمكن نست تحط مزيل عرق و كانت حتى هي متضايقه

وخلك اقوى من كذا والله يوفقك ويسعدك يارب

اخواتي العضوات
*
*
الرائحه اذا اتت من الرجل فهي متوقعه بسبب عمله في الخارج وتعرضه للحراره وما شابه ولكن اذا اتت الرائحه من مرأه فهي جدا غير متوقعه لان المعروف بأن النساء هم مثل للطيب والرائحه الجميله.
*
*
حاولوا ان تحلوا المشكله مع الرجل والتعاطف معه وليس الوقوف مع الفتاة.
*
*
انا اعرف شخص مر بهذا الامر فكان جدا جدا جدا منزعج وشيء طبيعي بأن الانسان يكره الرائحه السيئه واصحابها.
*
*
الله يصلح قلوبنا.

__________________
أحبابي إتبعوا شرع الله فإنه الخير

والله ماأستغرب يدخل واحد من الرجل يقول اعرس عليها !!!! أشوفها صايرة موضة هاليومين بالمنتدى !!!

وياحبيباتي البنوتات شوي شوي عالرجال

شف أخوي الريحة غالبا تكون بسبب عدم ازالة الشعر من منطقة الابط، والبنت بعد ماتتزوج ماتخلي الشعر ينمو في ذيك المنطقة أبدا كل مايبدأ يطلع تزيله، يعني يتختفي هالمشكلة عقب الزواج ان شاء الله .. لاتشيل هم

ويمكن هي مسكينة من زود الحيا عرقت

والله يهديك ياEngineer صار لك شهرين تزورها وأول مرة تشم هالريحة، يعني مو شي متعود عليه عشان يضيق صدرك وتقول إن حبي قل وماأدري ايش !!! الحب أرقى من كذا بكثير ....

السلام عليكم ..


شوف أخوي الموقف الي هي فيه والاحراج هو الي خلا البنت تنحرج وتعرق بشكل مو طبيبعي ...


صدقني شكلها هي حتى حايمة كبدها من نفسها بس صعبة تطلع وتخليك ...


وبعدين أنت اول مرة تحس بالريحة هذي يعني يمكن اليوم بالذات انحرجت بزيادة منك ..

وبعدين ترى البنات يهتموووووووون كثير بالأمر هذا ...


لكن انتبه تقول لها قصة أو تلمح لها .. ترى بتحس هي وبتكرهك صدقني ... خل الامور لبعد الزواج تتفاهم معها بطريقة حلوة ..


ولا تصعب الأمر ... ترى الانحراج مرة يزيد من الافرازات العرقية ...



وعلى طاري مزيل العرق .. فيه مزيل مررررررررررررة خطير وطبيعي كمان ... يعني ماله ريحة لكن ما يطلع ريحة العرق أبد .. اسمه ويدمور بـ 50 ريال تقريباً... تلاقيه بالصيدليات ...



الله يوفقكم ويسعدكم ...