بسم الله .. ولا حول ولا قوه الا بالله


اللهم اجرني في مصيبتي واخلف لي خيرا منها


ارجوكم لجات اليكم بعد الله سبحانه وتعالى ارجوكم


ابي الشووور من اصحاب العقول الراجحه .. انا خلااااااااااااااص


خلاااااااااااااااااص وصلت حدي وبطلب الطلاق من زوجي هذااااااااااا


بقولكم مشكلتي بختصار انا عمري 25 سنه وربي من دون كبر اني جميله والكل يمدحني بكل مكان والله ما ابالغ


وانيقه جدا واهتم في زوجي لكن هو اللي ما صاني ولا صان عشرتي معه

انا من تزوجته وهو خاين خااااااااااااااااااااااااين بكل ما تحمله الكلمه من معنى

انا لي خمس سنين متزوجه وعندي بنت وحامل الان وهذا اللي كاسر ظهري ومحزني اكثر واكثر

المهم من تزوجته وانا اكتشفة انه يكلم بنات صبرت وصبرت ووواجهته اكثر من مره وكل مره يقول

اسف ومدري ايش واعديها له واقول الايام بكره بتجيب الفرح .. لكن كل ماله يزداد حقاره وسسوء

المهم كل عشرتي معه وهو يخوني عمره ما تاب وانا عارفه لكن صابره ومتحمله

لكن اللي خلاني انهار اني اكتشفت انه يتكلم معهم بامور جنسيه بحته وقذره جدا وانا والله ما قصرت

معاه بهالامور ابد ابد


تخيلو العيد اللي فات دقت علي وحده من هالقذرات اللي يكلمهم على فكره مو اول مره يدقون علي

من يوم كنت عروس وتجيني مكالمات كذا

قالت لي عن كل قذاراته معها وانه يحبها وانه جايب لها هديه بهالعيد وانه دايم يشحن لها

وان كلامه قذر قذر جدا وانه دايم يطلب منها ترسله صورها وهي لابسه قميص نوووم تخيلو الحقاره بس



انا قلت كذابه قالت خلاص مو مصدقه انا اوريك قامت دقت عليه من جوال ثاني وكلمته قدامي

وقام يتكلم معاها باسلوب قذر وياعمري وياحياتي وقامت تقوله انت وش تبيني ارسلك قووول

وقال كل شي انا انهررررررررت لحظتها خلاص وقلت اشبكيني معه ابيه ينصدم

شبكتنا بخط واحد وقاعد يقولها يا عمري منهي هاللي شابكتها معنا قلت له ما عرفتني قال لا ما عرفتك

قلت خلاص بدق من رقمي عليك يمكن تعرفني ودقيت من رقمي وشكله انجن لما عرف انها انا

المهم جلست ابكي وسويت مشكله طول بعرض وقلت لامي خلاص ابي اطلق صبرت عليه بما فيه الكفايه

امي رفضت طبعا وتكلمت معه وهالكذاب قام يبكي عند امي ويقول اسف والله ما اعيدها

ووعد مني لك لو صار شي لا اجيبها لكم مره ثانيه المهم امي خذت وعد منه ورجعت وانا والله مكرهه

لكن املي بالله كبير .. المصيبه انه رجع لنفس حقاراته وقذاراته

اخرها قبل شوي تخيلوا سمعته قبل لا يروح للدوام يكلم وحده من بنات الشوارع ويقولها

عطيني بوسه وانا بعطيك من عند شف ..؟ عشان اروح للدوام مبسوط وكلام قذر قذررر ما ينقال


خلااااااااااااااااااااااااااااص انا بموت صبرت خمس سنين من القهر الى متى بصبر


الي قاهرني لو تطلقت من بيتزوجني وانا عندي طفلين اااه بس وربي الالم مقطع قلبي


شوروا علي وش اسوي انا في مدينه ثانيه غير اللي موجودين فيها اهلي

وافكر احاول اروح لهم هالاسبوع واذا رحت ابكلم امي وبطلب الطلاق بشكل رسمي

ادعولي ربي يرضى عليكم لعل احد منكم ربي يستجيب دعائها


يارب فرج علي يا ارحم الراحمين

__________________


ارجوكم لكل من قراء كلماتي ...ادعوا لي انا وزوجي بالتوفيق والسعاده

وان يهدي زوجي ويرزقني بالذريه الصالحه ...اللهم اميين

الله يهدي يارب والله يكتبلك الا فيه الخير ويسير امورك حبيت ادعيلك بس ان شاء الله المتزوجين يفيدوكي اكتر

__________________
ياررب ارح قلبي وعوضني خير

انا اريد ان اتكلم معك من واقع وحده تحمل اكثر مما تحملين ومصيبتك قد تكون اهون عند غيرك
أختي اولا: اين انت عن الدعاء له في كل سجده وفي قيام الليل فوالله ليس لك طريق غير الله مهما فعلتي ومهما سويتي اصلحي حالك مع الله يصلح الله لك زوجك اختي هناك زوجة تعاني من ان زوجها مدمن مخدرات فواصلت الدعاء والاستغفار فغير الله لها زوجها هذا الباب الزميه واستمري عليه خلي علاقتك بربي وسوف يغيره رب العباد مهما طالت المدة
ثانيا : اختي اعلمي ان هناك نساء دورها تخريب البيوت وهي سحرت زوجك بكلماتها فالشيطان يزين له ذلك لكن انت ضعي في بالك انك سوف تتنصرين عليهم انت اخطأتي عندما علم انك تعلمين لذلك اصبح يعلن المعصية امامك ادعي انك لاتعلمين شي وانه تاب حتى لو رايتي شي كأنك لاترين واستمري على ذكر قصص من باب من دق باب الناس الناس سوف يدقون بابه واسمعي شريط دمعة امل وعندما ينتحر العفاف وعامليه بالحسنى استخدمي الذكاء في جذبه لك
ثالثا: لاتطلبين الطلاق وارجعي بيتك طالما انه يتعامل معك بالحسنى
الله يفرج همك وهمي وهم كل مهموم

الله يهديه ويصلحه يااارب بس هذي اللي اتصلت المفروض انتي ماتتعاونين معاها اصلاً هي تبي تخرب بيتك حاولي بكل ماتقدرين انك تتفهمون بكل صراحه وشفافيه ولابد في حل وادعي الله وان شاء الله ربي بيصلح حالكم

أعانك الله.. أعانك الله.. أعانك الله
أكثري يا أختي من قول: إنا لله وإنا إليه راجعون. اللهم آجرني في مصيبتي واخلف لي خيراً منها.
قال سعيد بن جبير رحمه الله: (لم تعطَ هذه الكلمات نبيّاً قبل نبيّنا, ولو عرفها يعقوب لما قال: {يا أسفى على يوسف})
قوليها وأنت واثقة وأملك بالله كبير وأنا على يقين بأن الله سيعوضك خيراً..

__________________
قرأ وهيب بن الورد رحمه الله قوله تعالى {وإذ يرفع إبراهيم القواعد من البيت وإسماعيل ربنا تقبل منا} ثم بكى! وقال: (يا خليل الرحمن ترفع قوائم بيت الرحمن وأنت مشفق أن لايتقبل منك) تفسير ابن كثير1/167

ماقدرت أتمالك نفسي وأنا أقرى كلماتك حسبي الله ونعم الوكيل في كل ظالم
نسوا أن الله يمهل ولايهمل

__________________
أشتقت لكم جداً 💔

‏'‏ياواحد ياأحديافرد ياصمد ياالذي لم تلدو لم تولد ولم يكن لك كفوآأحدياملك ياقدوس ياسلام يامهيمن‏ ياعزيز ياجبار يامتكبراللهم فرج كربت أختي (حياتي أليمه‏)‏ اللهم فرج كربتهااللهم فرج كربتها وأختارلهاكل مافيه خيروأصلح لهازوجهاوأصرفه عن كل مايبعده عنهاوسخره لهاكتسخيرك الجن لسليمان ..آمين

الله يصبرك ويعينك ويهدي زوجك

اختي ذكريه بالله والاعمال الصالحه يعني مثلا اتفقوا تصووموا يوم الخميس والاثنين

دائماقولي متىاخرمره قرات قراان

وقولي له مثل ينقاال من طق باب النااس طق بابه

قولي بكره بيجي واحد ويغويني او يغوي بنتك او اخت خاااف من رب العاااالمين

الله ييسر اموووورك ويوفقك ويستر عليك

__________________
لااله الا انت سبحانك اني كنت من الظالمين

مدري وش اقول والله نزلت دمعتي وانا اقرا رسالتك وحسيت بالم وانا مو صاحبة المشكلة ياربي مجرد التفكير بالخيانة يهد الحيل فما بالك لو صارت زوجك هذا مع احترامي مابي اغلط لكن انصحك انك تروحين لبيت اهلك لفترة من الوقت وممكن لو تحرقين قلبه توهمينه انك تخونينه عشان يفوق مثلا تخلي وحدة من صديقاتك ترسل لك رسايل عشق وغرام وتدق عليك تالي اليل لعله يحس بطعم الالم وخليه فترة عايشة بشك اتجاهك ولو تعدل صارحيه انك ماكنتي تخونينه بل كنتي تبين تصولين له ما شعرتي فيه من الالم وانصحك كذالك انك تغيرن كل شى فيك لوك شعرك لبسك ابيك تتغيرن كليا وتتغنجين وابيك تتركي له بصمة يندم عليه وبعدها روحي بيت اهلك وان دق عليك باليل لا تردي عليه ابد ردي متى مابغيتي ابيك تحرقين قلبك خليه بدل ماينشغل بالقذرات الي يكلمهم ينشغل بالتفكير فيك جربي الي قلت لك عليه وردي لي خبر
ولا تقولي لو تطقلت من ياخذني انتي لا تعلمين الغيب ربما تكون حياتك اسعد مع شخض اخر مااحرضك على الطلاق لا بل ابيك تشيلين فكرة اليئس من بالك لان ربك ارحم بنا من امهاتنا .الله يسعدك ويفتح لك ابواب السعادة وين ماتكونين

اختي الفاضله ...

اسألك سؤال :

هل أنت ترين ان ما يفعله زوجك يعد خيانه لك فقط ؟؟!1

أم ان ما يفعله هو ذنب و معصيه في حق الله - و العياذ بالله - ..؟؟

لذا اختي لأسف اقول لك انت المخطأه ...

وبعد خمس سنين و بعد انجاب و بعد عشره وبعد ....الخ .

تأتين لتعرضين المشكله !

اذا انت مخطأه لأنك لم تتعاملي منذ أول وهله مع تلك المعصيه ...

::

اختي الفاضله نعم زوجك مخطأ و يسلك طريق خطأ ولا شك أنني كنت منذ البدايه أتمنى ان تتعاملي مع المشكله بالاتي :

1 - معرفه لماذا زوجك يعصي الله عز وجل ويحادث الاجنبيات و يغازلهن بحلو الكلام ويهديهن و العياذ بالله ...

2 - معرفه صفات زوجك ..

3 - ما هي الاشياء التي يقصر فيها زوجك وهي من الواجبات الدينيه مثل الصلاه و الصيام و العمره و الحج و الذكر و الدعاء و ...الخ .

4 - ماهي الاشياء التي يفعلها زوجك وتزيد من شؤم المعصيه مثل سماع الاغاني و القنوات الهابطه ...الخ .

5 - نصح زوجك بطرق مباشره وتحديد موقفك منذ أول وهله و اخباره بأنك لا تقبلين هذا الخطأ منه ليس لأنه خيانه لك بل لأنه خيانه ومعصيه في حق الله عز وجل ...

6 - نصح زوجك بطرق غير مباشره من كتاب و شريط و قدوه حسنه ...

7 - ان لم يستجب فتحادثين أباه الذي هو عمك و تخبرينه سرا بذلك وليس أمك لأن المرأه لا تحل المشكله كما يحلها الرجل .

8 - تتقربين لله عز وجل بالذكر و الصلاه و الدعاء بصلاحك وصلاح زوجك ...

9 - تنصحين زوجك بالمحافظه على الصلاه و الذكر و الدعاء ...

10 - ان لا تسمحي بتلك الاتصالات التي تسمم البدن و تخرب البيوت بل تتركينها و تنتبهين لزوجك بدل الردود عليها .

11- اذا لم ينفع النصح معه و لم يتغير من نصح أبيه ..

فيجتمع رجل رشيد من أهلك ورجل رشيد من أهله ووالدك ووالده و يناصحونه بشتى الطرق و يعطونه انذار أخير و نصح ان كان رجل عاقل ..

حاولي الان بكل ماذكرت من حلول لك فان لم يجدي شيئا فانني عند هذا الحد اتوقف ولا افتيك بغير ذلك ..


أسال الله أن يهدينا و اياكم لطاعته ...

هذا و الله أجل و أعلم ..

__________________
سبحان الله وبحمده سبحان الله العظيم