مساء الخير شباب صبايا ..

بكل إختصار ... موضوعي هو عباره عن كلمتين قالهم زوجي ... وجرحوني وشايله في خاطري منه ... وللأسف هو ولا مهتم ...

يقول إن الزوجه تحسد زوجها ... يعني لازم يخبي الزوج عن زوجته كل شي عن راتبه وفولسه وكم يستلم وإذا عنده أي دخل ثاني لا يقول.. ليييييييش ... عشان ما تحسده وتقول عنده وعنده وتطلب منه ..

يا معشر الرجال هل هذا الكلام صحيح ؟!
هل هذا هو تفكيركم عن الزوجه والعشره الزوجيه ؟!
هل هذه هي المشاركه الزوجيه ؟!

والله العظيم صدمني ... ونمت وأنا زعلانه ولا حتى طيب خاطري بكلمه وحده .. ولازم يقرأ موضوعي هذا ؟!
وياليت أعرف راي البنات أيضا في الموضوع ؟!
وهل يستحق الزعل مني ولا عادي ... ؟!

لا والله هذا الكلام غير صحيح ..

ممكن بعض الرجال يخفــون عن زوجاتهم تـفاصيل أرصدتهم المالية حتى تظن أن زوجها غير مقتدر فلا تزيد الزوجـة من سقف طلباتها المادية ..

لكـن أن يخفي عليها ذلك بداعــي الحــسد ؟!
هذا الكلام غير معقول ..
الزوجة والزوجة كيان واحد .. ما يصيبه يصيبها
فكيـف يحســد المـرء نفســه ..

يجوز زوجـك قالها على سبيل المداعبــة مثلا ..
بعض الرجال يداعبون بعضهم بشكل ثقيل ومبالغ فيه ويظنون ان زوجاتهم يتحملون هذا النوع من المداعبة ..

والله هالكلام أول مرة أسمعه

أعرف أن الزوجة تحب يكون زوجها أحسن الناس وأعلاهم مكانة وتفرح لنجاحه

وتفتخر فيه أمام أهلها

أما إنها تحسدو فعجبي

طيب حسسيه أنك تتمني له الخير

قولي له أنا أتمنى تكون أحسن الناس

وأنك أمينة على أسراره

أما حسد

أنا ما أتوقع أبدا أن الزوجة تحسد زوجها مهما صار

الله يوفقك ويريح خاطرك ياااااااااااااااااارب

حارس الأزواج ....

أشكرك ... لأنك رجل ورديت على أسئلتي ... والحمدلله تأكدت إن من حقي أزعل وأشيل في خاطري وأبكي بعد ...

سلامات يا قلبي .. مشكوره عزيزتي ... والله كلامج كله صحيح .. بس ما أدري ليش زوجي ____

قسما بالله بكيتوني بكلامكم ... ما أدري زوجي يكرهني .. يحبني ... معتبرني غريبه .. ما أدري .. بس اللي أعرفه إني قلتله كلمه ما بتراجع فيها ..... ( مالي شغل فيك ولا في راتبك ولا في شي ثاني ) والله كلامه كان مثل السم ...

أنا بالنسبه لي يعلم الله أن كشوفات الحسابات عندها والارقام السريه تعلمها والدخول للحسابات عن طريق الانترت تعرفه وتقوم بالتحويل لحسابها فهي الامينه المؤمنه ؟

سمو الأميره مشكوره حبيبتي

وما يحتاج إني أنا أحسسه بأي شيء ..لأن أي رجل أكيد يعرف زوجته عن عشره مو عن كلام بس ... إذا كانت زوجته طماعه أو حسوده أو تخاف عليه أو تحبله الخير ...

شايب بس لذيذ

مشكور أخوي ... والله يهنيكم ويسعدكم ويخليك قرة عين لها ويخليها قرة عين لك يارب... ودائما إن شاءالله متفاهمين وقلوبكم على بعض ...

حبيبتي آسفة أن كان في كلامي ما أبكاك

والله ما كان قصدي


يا حبيبتي ما في زوج بيكره زوجته

يمكن ما حسن يعبر عن شئ

في مثل بيقول ما يحسد المال إلا صحابه

يمكن كان يقصد هالشئ

هوني عليك وعموما هو لمين بيشتغل ويكد

مو عشان خاطر عيونك إنت وولادك

أم وليد

سلامات يا قلبي ...
لا يا حبيبتي لا تتأسفين ولا شي .. بس أنا من حرقة ما في قلبي بكيت ...

عالعموم هو قالها إن ما يحسد المال إلا صحابه .. ولكن هذا مثل ينقال للحرص .. مو عشان يقولها لزوجته ويحسسها إن المفروض الزوجه ما تعرف شي ولا تسأل عن شي ...