السلام عليكم

حياتي متّزنة وجميلة .. ولا تخلو من بعض الخلافات كأي حياة زوجية مستمتعة

ولكن في شي تاعبني .. دايم اذا اختلفت مع زوجتي اتنازل خوفاً من حساب رب العالمين

ان اكون قد ظلمتها ام لا !

اليوم اجازتي من العمل واول ما صحت زوجتي من النوم جلست على الجوال لمدة 3 ساعات

ولا كأني موجود وكل شوي اقولها ( اليوم ابي غدا كويس عشان كل يوم دايت اليوم اوف )

قالت اوكي .. ومطولة عالجوال ( وش تبين اغراض من البقالة ) ردت بشكل مزعج : اف مالي خلق

طيب دقيقة خلني اشوف وش ناقص .. نست نفسها عالسناب شات وعدت لها السؤال وردت بصراخ

بس ازعجتني بكثرة كلامك وأسألتك .. وقالت اول شي اخلص شغل البيت وتالي اسوي لك غدا

على كذا راح اتغدى 4 العصر ! وهي جالسة من 11

واللي حرق قلبي اني مواعدها نطلع وننبسط .. وغير كذا جلست قبلها ومن باب المساعدة

كان عندها اختبارات فاينل وماخليتها تطبخ وساعدتها بكنس البيت ماخليتها ترتب ولا تنظف خلال

الاسبوع الماضي لتراكم الاختبارات ..

ممكن انا فعلاً ازعجتها نوعاً ما بس هي ما حطت لي قدر انا ووقتها كلو عالجوال

(( انا شخصيتي قوية ومتزنة وحكيم وجامعي علم نفس اعرف لها لكن يوم اجازتي ماحب اتشادد معاها
حتى لو هي الخطأ عشان لا اضايقها و))

والآن انوي اعتذر عن عدم الاجازة بكون عندي شغل كثير والأساس رايح اطلع اتونس مع نفسي والشباب

لأن مالي نفس اطيب خاطرها ..



ماهو رأيكم هل أظلمها أم اكون صارم ؟؟

(تم تعديل العنوان ليتناسب مع المضمون)

الظلم انك تتعدى عليها بغير وجه حق
لكن من اللي كتبته انت تنقصك الصرامة
3 ساعات و هي عالجوال و انت و لا عبالها
و لا حتى حطت لك اعتبار


(( انا شخصيتي قوية ومتزنة وحكيم وجامعي علم نفس اعرف لها لكن يوم اجازتي ماحب اتشادد معاها
حتى لو هي الخطأ عشان لا اضايقها

معلش الكن الكلام الملون تناقض
و اذا كملت بهذه السيرة رح تتمادى اكثر لانها عارفة انك ما رح تعمل لها شئ

لا تكن لينا فتعصر

اعذرني اخوي انت السبب انها تاخذ 3 ساعات على الجوال وانت عندها
وانت السبب انها تصرخ عليك .. الحزم ثم الحزم غير كذا راح تنفلت منك الامور
وحسب ما خطتة يمناك انت ظلمة نفسك قبل تظلمها

__________________
سبحان الله وبحمده سبحان الله العظيم

اول خطوة
صارحها بما يزعجك في تصرفاتها و موقفها هذا .

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

عزيزي
خلك حازم .، تصرفات زوجتك معاك هذي نتاج ما تتنازل به انت من حقوقك وهيبتك .،

واضح انك تحب زوجتك وانت انسان طيب .، لا تظلمها لكن لا تظلم نفسك

أوقات الزوجة تعرف الصح من نفسها لكن أوقات لازم أنت تعلمها .، لا تظلمها لكن خلك حازم شوي وواضح في عقوبتك لا تكذب وتقول بقطع إجازتي وتطلع مع أخوياك لكن وضح لها إنها قصرت وبتطلع لوحدك

زوجي اغلب وقته ع الجوال وانا جالسة جنبه ومطنشني واحيانا اعيد السؤال كذا مرة واذا قلت بسك جوال يقول حاطه دوبك ودوب جوالي ماعليك مني ويزعل بعد 😳

ما الومك صراحة الحركة مستفزة وتطفش بس زعلك منها راح يعطيها درس بس مو تطول الزعل

بس بقولك شغلة

احيانا انا اصحى مالي خلق اطبخ ولا اسوي اي شي يمكن هي مرت بهذه الحالة يعني يمكن كانت تعبانه ومافيها حيل .. اللطف حلو برضو

والله يهدي نفوسكم وييسر لكم الخير

الله يهديها ثلاث ساعات ؟؟؟

ممكن تكون ملت من شغل البيت ولا لها نفس تطبخ تبي ترتاح


ترا الطبخ متعب لا تلومها 😓

طيب الغذا جهز متى؟
وهل كان فيه اغراض ناقصة للبقالة؟

__________________

تصرخ عليك!
خلك قوي و حازم معها الغلط لا تسكت عليه
لو استمريت على هذا الوضع النتيجة راح تطيح من عينها و تفقد هيبتك و صعب تستعيدها ثانية

تصدق لي ثلاث شهور او اكثر لم ادخل باليوزر كنت اطلع فقط
احتمل ردي واعتبرني اخوك

انت تقول انك صارم وقوي شخصية تسلك لنفسك
الرجل قوي الشخصية مرأته لاترفع صوتها عليه او تتأف منه وانت تقول شكلي بأتغدا العصر ههههههه اذا استمريت كذا ممكن في الشهر وجبه وبعده انت اللي بتطبخ لنفسك
وكلمة ازعجتني بكلامك تدل على عدم احترامك بتاتا
الرجل قوي الشخصية مرأته لاتتجرأ على تقليل احترامه
انا ما اقول لك اللحين رح اذبح واصلخ وليس كل النساء مثل زوجتك
الزوجة اللي تحترم زوجها تدري ليش تحترمه
لإرضاء ربها - تربية اهلها - قوة شخصية الزوج
انت تاخذها من منزل اهلها وانت تطبعها والخيل من خيالها
تبي الحكمة ع قولتك
المرأة الللي ترد ع زوجها بغير احترام يعاتبها في البداية واذا كررت يوبخها واذا كررت يهددها بالضرب لانها تجبره على ذلك
بعضهم يجيبها كاش يا بالضرب وانا لا افضله بتاتا
لكن بأسلوبك انت رايح تفرض احترامك بغير ضرب المراه وانا اخوك تقدر انت بكلامك واسلوبك تمشيها ع العجين
والمرأة لاتفضل الرجل ضعيف الشخصية
تحب الرجل قوي الشخصية حتى لو وبخها وحتى لو ضربها في موقف يستحق ذلك
رايح تحبه لانه ذراها
الزوجة ما رايح تصرح لزوجها بحبها لقوي الشخصية لكن أسأل احد غيرها من قريباتك او في اي موضوع رايح تلقى الجواب ( بأن المراه لاتفضل الرجل اللذي لاتحترمه ويتركها على هواها )
مصدر المشكل عندك الجوال من الاساس اسحبه يا اخي في موقف كذا هذا منزلك ولاتسحبه للابد اسحبه ساعه ساعتين حتى تحس المرأة ان لطلباتك تلبيات يجب ان تنفذ
شوف ردود الاخوان قبلي خلك حازم وخلك حازم لان الخلل منك

شد عليها شعرين ثلاث هي خلاص رايح تبقى كذا على طول والسناب وغيره وانا اخوك تراها مفسده للاسرة لانك ماتدري زوجتك صديقاتها كيف اخلاقهم اللي بالسناب او غيرة
الوضع ماعاد هو مثل اول بالتقنية تختلط مع جميع شرائح البشر واصابع اليد ماهي وحده فهذا منزلك وانت مسؤول عنه امام الله

بالتوفيق