انا قريت قصة هالبنت في منتدى من المنتديات وتألمت فعلا لحالها يمكن كلنا نقدر نحتويها ونساعدها كيف تعتقدون ممكن نوقف معها ..

السلام عليكم ورحمة الله وبركاته

بنات أنا عضوة جديدة وماكتبت هنا واعلنت مشلكتي الا بعد ماضاق همي خاصة واني مااقدر اصارح اي شخص من الى حولي لان لي شخصيتي قدامهم والكل متصور اني جدية و ومالي في الخطأ بس انا كلي اخطاء ومو عارفه كيف ممكن ارجع للصواب ..

ابيكم تعذروني على الاطاله بداية وتتفهمون الى امر فيه وتساعدوني بليز ..

انا بنت عمري 24 سنة الحمد الله من عيله محافظة وله صيطها والكل يشهد بكرمها والتزامها / جامعية و جميله ولله الحمد / كنت دايما ارفض اني اكلم اي شاب واستغرب من البنات الى

حولي من يوم انهم بمتوسط يكلمون ويطلعون مع الشباب وانا اقول لا بحافظ على نفسي

لواحد بس وهو الشخص الى بتزوجة المهم وراحت الايام ودخلت الجامعة وطول السنة الاولى

لي بالجامعة طبعا في خطاب وفي شباب معي بالجامعه يرسلون لي بنات والي يجي يكلمني جامعتي كانت مختلطه لاني درست برا المملكة وانا قوية واقول لا مابكلم الين رحت سنة ثانيه

كان في شاب طول السنة الاولى وهو يحاول ويحاول الين بعدين ضعفت وبديت اكلمه بس كلمته اسبوعين وخلاص لاني حسيت انه مو مهتم فيني /بعدها ماقدرت ارجع لطبيعتي بديت اكلم شباب واحد ورا الثاني والله مااقدر حتى اعدهم من كثرهم والمصيبة الى اكبر انه الشباب الى كانوا مقربين مني مره كنت اطلع معاهم طبعا كل واحد مايعرف عن الثاني شيء ولو يدري ينصدم

صدمة عمره ماكان يصير بيني وبينهم شيء كبير والحمدالله مافقدت عذريتي طبعا بس القصة كلها خطأ

الين جه اليوم الى حبيت فيه واحد وظلت علاقتي به 3 سنوات اخلصت له لكن اكتشفنا انه معه سرطان يعني لازم اتركه وقفت معه وساعدته بس مافي فايده اهلي ما يبونه/ مرضه وهمي

معه خلاني ارجع اكلم غيره وتعرفت على شباب غيره من ضمنهم واحد اصبح الان كل حياتي والشخص الاول الى حبيته خلاص تقريبا ماعدت اكلمه مجرد سؤال لا اكثر لكن هذا الشخص هو

الي استمريت لمدة 3 سنوات اطلع معه وسويت معه كل شيء والله اني استحي اقول هالكلام لكن كان كانه زوجي لدرجه كنت احس انه واجب علي اطيعه وهو الله يشهد كان يخاف علي

اكثر من نفسه .. ومن بعده ما جلست مع غيره ابد الي اكلمه الان ماعمري حتى وقفت معه باي مكان..

مشكلتي اني مااقدر انسى كل اخطائي وكيف اقابل ربي الى الان اكلم الشخص الثاني

واحبه بس بعد اهلي رفضوه لان من ديرة بعيده عن ديرتي وانا بنتهم الوحيدة ومايبوني ابتعد عنهم

مدري احس اني ضايعه من يوم انه عمري 17 ويخطبوني كثير والله اكثر من 25 واحد

ماعجبني غير اثنين واحد اكتشفت انه ماله شخصيه والثاني صارحني انه عقيم اكتشفت انه مالي حظ انا الان على اقتناع اني اخطأت كثير ورجعت تقربت من ربي

واستغفرت وبكيت الم وحسرة على نفسي وقلت ماابي غير الستر ورضا اهلي لكن

ربي يمكن يعاقبي كل ماتقدم لي انسان احس اني مو متقبلته ابي ارجع الاقي نفسي

واحافظ عليها بس مو قادرة ابي اترك الى اكلمه الان بس مو راضي يفهم

ساعدوني ارجوكم

أعتقد أنه أهم شي انها تتوب الى ربها قبل ما يقبض روحها ... و لا يغرها شبابها فملك الموت لا يعرف العمر ... و هي بنفسها قالت أن أحد الذين كانت تلعب معهم أصيب بالسرطان .. فما أحد يضمن نفسه ..

اذاً التوبة ... ثم التوبة .. ثم التوبة

و اذا عدلت علاقتها مع ربها أكيد بتبتسم الدنيا في وجهها و تحس بطعم السعادة الحقيقية

__________________

صقر العروبة ... حبيب الشعب ..
ابو متعب سكن القلب

لو تابت الي الله توبه نصوحه فان الله غفور رحيم واما الشخص الذي تكلمه فلتقطع معه بموافقته او من غير موافقته ولتصلي صلاه الاستخاره وصلاه طلب الحاجه والله يوفقها

كفي انك فكرتي ابنفسك شوي لان كل اللي راح خرابيط وتفاهات ..صدقيني هي طريقه وحده بتغيرك مليون درجه توجهي للصلاة والتوبه اللي من قلبك وادعي ان الله يتوب عليك وانك تبعدين عن الغلط واهم شي توبه من قلبك وبتشوفين انشالله التغير شوي شوي ..ولا عاد تفكرين الا بعقل اتركي عنك هالعلاقات اللي ا وراها الا المشاكل وشوفي نفسك استمتعي بحياتك اطلعي وانبسطي كوني لك صديقات بنات غيروا جوا املي وقت فراغك باي شي ..نوادي ورياضه او منتديات حلوه تشاركين فيها زيارات.. بهالشكل انشالله ربي بيساعدك وراح تتغيرين بعد الاتكال على الله ومن ثم على قوتك وقناعتك انك قد هالشي وانك ما راح ترضخين لاشياء تافهه وممكن تضرك وتضيع مستقبلك...اهم شي تكون هالتوبه نابعه من عقلك وقلبك والله يوفقك ويهديك انشالله

إن الله كريم يقبل التوبة..وباب التوبة مفتوح للجميع اهم شيء العزيمة على ترك الأمور الغير جيدة والسير في

طريق الله وان شاء الله الله سيرزقها من يحفظها..ولكن لاتفضح نفسها امام اي احد لان الله ساتر على عباده فلما

نفضح انفسنا.؟؟..

والله يغفر لها ولنا ذنوبنا

__________________

الانسان بشر وممكن يغلط والسقطه امر وارد لكنه المهم فى هذا كيف تستطيعين انتشال حالك وترجعين للوقوف من جديد
فالضربه التى لا تكسرك تقويك
ولعلك دخلت تجارب تضررت منها لكنك رايتى بام عينك الى اين ممكن تؤدى علاقه رجل بامره
بدايتها رومانسيه وطاهره ونهايتها اكتشفتيها

الله يوفقها ويستر علينا وعليها وعلي البنات كلهم

التوبة ،، التوبة ،،

التوبة الصادقة النصوح النابعة من القلب ، هي فقط التي يقبلها الله ، مع الندم على ماسبق من أفعال مشينة بحق نفسها والخضوع إلى الله ، أما ذلك الذي يدعي الحب فليكشف عن أضلاعه ويتقدم لخطبتها مادام يحبها ولا يقبل أن يتركها ، هذا وإلا فليبتعد إلى الأب ويترك تلك الظالمة لنفسها لتلملم أوراقها وتبدأ حياة نقية تشتم بها رائحة العفة والطهارة ولاتنسى الصدقة فهي تطفئ غضب الرحمن وصلاة التهجد فيها مغفرة ورحمة بإذن الله

__________________