ابيض وجه .. كلامك صحيح ... والله يعوضني بأحسن منها
ومستحيل اكلمها او اراسلها . وأنا اصلاً حذفت ارقامها . وأخرجتها من حياتي
فليش اذبح نفسي بالهموم لأنسانه لاتستحق . الله يسامحها

اخوي ساري نصحتك الين انفضخ قلبي بموضوعك السابق
وانا كنت متأكد انها فترة وتعدي وتزين امورك انت بس محتاج لبعض الوقت

انصحك من كل قلبي اذا نويت تتزوج بعد فترة اترك خيار عودتها مفتوحا الى ان تبدأ بالبحث عن زوجه
اذا كنت تريدها لو طلبت الرجوع ففكر جيدا هل انت مستعد لمسامحتها على مافعلت بك طول هالفترة من حرمان للجو الاسري والسكنى لها والاستقرار
اذا لا فأغلق الباب تماما كما اغلقته هي

ابحث عن زوجة صالحه وجميله وهاديه وتذكر ان طليقتك احتمال تعطيك الاولاد بس مغثه فحط خبر ان الاولاد احتمال ينتقلون للعيش معنا حتى لاتتمشكل مع الزوجه الثانية وتقولك العيال عند امهم و.و.و.و

بالتوفيق

ياجماعة الخير ، اذكرو الله وصلو عالنبي
والله العظيم وجهات النظر منكم رجال ونساء أنا اعتبرها وسام على صدري
لكن فيه شيئ ابغى اقوله . هي تظل ام عيالي . ماهي عدوه لي . فهي تمثل نفسها وأنا امثل نفسي . مختصر الموضوع انتو تعرفون بأن عدتها تنتهي في ٢٣رمضان يعني بعد ٣ أيام . والبارح جالس ابحث في شقتي عن جوالي مدري وينه . وأثناء البحث وجدت بداخل المستودع بالشقه صورتي وصورتها لما تزوجنا وكذلك كوت حق البرد تبعها . صحيح الذكريات تحركت بقلبي فهي تظل ام عيالي مهما حصل.وبما انه العده بقى لها ٣ ايام وتنتهي وبعد انتهاء العده تصير معاد تحل لي إلا بعقد ومهر جديد لاني اعطيتها طلقه واحده فقط وليس٣طلقات فهي تعتبر زوجه رجعيه . المهم ارسلت لها رساله
وقلت فيها :
سلام عليكم،لو سمحتي،البارح كنت بالمستودع ادور لجوالي ولقيت اغراض لكي وأنا تذكرت اني حطيتها داخل الكيس،هذيك الايام لما انا رميت غرفة النوم القديمه قبل ٣شهور و٢٠يوم،وياليتني ماشفت الأغراض
وشفت الأغراض وهي الكوت حقك والصورتين الخشبيه حقت زواجنا اللي كنتي تحطينها بقرب التسريحه
وخلي السواق حقكم من بعد الساعه ١١بالليل يجي يآخذ اغراضك،وأنتي من بعد٢٣رمضان يصير معاد تحلين لي إلا بعقد ومهر جديد وترجعيلي إذا بغيتي ترجعين
ولازلت احبك واشتاقلك


وشالت الحضر من الواتس . لان الشيخه مسويه لي حضر بالواتس والله المستعان
وردت مني وقالت :
السلام عليكم… ابو ؟
لعاد تحن او تحزن… خلاص
ولابرسل السواق وايي شي تلقاه لي اتلفه امانه معاك واحملها بذمتك..
اما انه انا لي رجعه فهاذا شي مستحيل… كنت بين ايدينك… ومالي طلب كثير ف الدنيا غير حشمة وقدر
ولا لقيتها… لاني كنت اخس الحريم
فنظرك..وكنت تتوعد بانه اجلي قرب
والحمدلله علئ مانحن عليه… شبعت ذل وتقصير وحقران… .انحرمت كثير بسب الظروف وصبرت… بس الحرمه وبنت الرجال ماتنذل..والحر حر
مصيرك بتنسئ والله يعوض الجميع
اتمنى كل ماعندك لي تتلفه… وقبل كل شي اتلفني من نفسك…
واوصيك واحملها امانه* بذمتك…
الله الله ب البزوره…مالهم ذنب الا انهم عاشو بين اهل ماهم متفاهمين بحياتهم..احملها بذمتك لاتقطعهم
وان اخذتهم بعيد وقريب حافظ عليهم لين بكبرون ويعتمدون علئ انفسهم..
هاذي الحياه وهاذي تصاريفها..


وهذي رسالتها الثانيه اسفل وهي :
خلاص الي بينا انتهئ…
انا بس طلعت من حيات الذل ..وارتحت تماما.حمدلله...وكلمة احبك
الا الللان طلعت بعد ماخرجت والله معاد تعنيلي شي… 10 سنين ماسمعتها..اسمع الكلمة الي توجع وتجرح ولا اسمعها… خلاص ي ابو ؟ الكلام كله هاذا… معاد له معني اللان… اأسال الله انه يهديك لنفسك واولادك…
خلاص انا معاد عندي استعداد اعيد تجارب في حياتي… وكنت اقلك انه اذا خرجت معاد لي رجعه..بس ماكنت تحسب لكلامي حساب وتستحقرني
اللان كل هاذا الشي انتهئ
وابغاك تحن علئ اولادك ..ولاتقطعهم.

عندك 4ايام عمل ويومين لا
اليومين هاذي تعال وخذهم… والله يعوض الجميع

ورديت عليها وقلت لها اسفل
الحمدلله يآرب اللي جبتني من الطائف وتزوجت اغلى انسانه بقلبي . والحين افترقنا . فالحمدلله على كل حال

وردت مني وقالت
حمدلله علئ كل حال
والله يسامحك دنيا وآخره
ويعوضك… ويعوضني..ويووفق كل مين بطريقه

ورديت منها وقلت لها
مايدريك . لعل الله سبحانه بعد شهور أن يردنا لبعض . او نفترق طول العمر . فهي اقدار مكتوبه
مع السلامه يالغاليه
والله يسامحك دنيا وآخره يآرب
ورب البيت اني دايم اذكرك بالخير كلما جاء طاريك عند اهلي
تظلين ام عيالي .

وارسلتلها رساله اخرى وهي
وأحب اقول لكي مقدماً
عيدك مبارك ياأم عيالي
وبأمان الكريم

وردت مني وقالت

ع الجميع
وبأمان الكريم
انتهت الرسائل . وبما إنه عدتها بقى لها ٣ ايام . وبالصدفه لقيت صور زواجنا والكوت حقها . فصحيح أنا راسلتها . منها قصدي اعطيها صورها والكوت . ومنها اجس النبض بطريقه غير مباشره بترجع او لا . فأنا اترك التوقعات والتحليل بالموضوع لكم
هل فيما بعد تتوقعون تندم وبترجع
خصوصاً هي بالغت في الزعل الله يصلحها
او انها بتظل عنيده ومستحيل ترجع

فالشاهد الله مستحيل اراسلها لأن بعد ٢٣رمضان معاد تحل لي . الا بعقد ومهر جديد اذا بغت ترجع
فاللهم قدِّر لي الخير حيث كان يارب
وأرضني به

ملاحظه/بعد مرور ساعه من انتهاء المراسله بيني وبينها . رجعت وسوت لي حضر بالواتس لأن عندها خبر بتنتهي عدتها بعد ٣ ايام . فالحمدلله على كل حال
اترك التعليقات والتحليل والتوقعات لكم . والله يكتب بما فيه الخير والصلاح

واضح ان الحرمه طابت نفسها منك تماما
على كثر ما حاولت معها وتمسكت فيها, على كثر ما صدتك ومتمسكه بموقفها
الله ييسر أمرك وأمرها

__________________

الله يعوض عليك ويجبر بخاطرك .،

لازم تؤمن بقضاء الله وقدره الله يهديك والدنيا ما توقف على احد .، اتوقع بترجع تراسلها لانك للان ما انت مستوعب موقفها .. لكن تذكر لو ندمت او تراجعت صدقني بترجع هي بنفسها تكلمك فلا تنقص من قدر نفسك .

آمين يارب . وأشكرك على مرورك العطر

ونعم بالله . لاوالله اني مستوعب ومستحيل عاد اراسلها . والحمدلله اعطيت من نفسي بقوة الاجتهادات بقدر مااستطيع .ولازالت رافضه الرجوع والدنيا ماتوقف عشانها
وبخصوص مراسلتها او اني براسلها . والذي نفسي بيده معاد براسلها . خلاص اقتنعت بما فيه الكفايه وبالذات مراسلتي الأخيره لها البارح وردودها مني بالكلمات الواضحه والصريحه هي اللي خلتني اقتنع تمااااااااماً بأنها ماهي راجعه والعلم عند الله
انها لازالات رافضه الرجوع . فالحمدلله على كل حال

مثل ما قلت لك اخ ساري في موضوعك السابق انها كانت تريد وقت حتى شوف لما رسائلها الان تغيرت في الأسلوب عن الرسائل في السابق. الله يوفقك يارب ويسهلك كل خير.

__________________
-

ايش سويت لها ؟ ايش مشكلتكم ؟
شكلها زعلانه من شي كبير

أنا اشوف مافيه نصيب

شوف حياتك والله يكتب لك الخير

المساله مسألة وقت فقط وبتتعود على وضعك هذا الى ان يكتب الله لك زوجة صالحة ان شاء الله

بس طبق ماتعلمته مع زوجتك الثانية من هذه الدروس والله يوفقك