بسم الله الرحمن الرحيم
السلام عليكم ورحمة الله وبركاته
ساعدوني الله يخليكم أنا تايهه وضايعه وماعندي غيركم يساعدني أنا تعبانه نفسيا أفكر بالطلاق عشان أرتاح مني همي أنا عروسه صار لي خمسة شهور متزوجه من شخص مطلق وعنده 3 أولاد زوجي تقدم لي أكثر من مره وأقنعوني أهلي فيه وقالوا شاريك وباغيك وإستخرت ووافقت مدري شلون كل شي خلص بسرعه
وإنخطبنا وتملكنا وإتفقنا على حياتنا الجديدة وكان مدللني مو مخلي علي قاصر مايطيق فراقي حتى صاحباتي بالدوام يحسدوني عليه وعلى حبه لي وحرصه علي حتى والدته كانت تقول إني سحرته وتروح تصارخ قدام الناس تقول ساحرته ساحرته طبعا على بالها الكلام مايوصلني وقدامي غير مره
قبل زواجي بإسبوع تغير وصار إنسان غير مهتم فيني وكنسل سفرتنا ودور لي أرخص فندق وسكني فيه أول ليله وبعدين أخذني لشقتي قبل لاتتجهز وخلاني على بساط إشتراه من المحطه أجلس وأكل وأغسل وأطبخ ثاني يوم من زواجي وصار يعصب علي ولا كانت علاقتنا الزوجية إلابعد شهر وكان قاسي وعنيف ولارحمني ولارحم خوفي وجلس يضحك علي لما تآلمت
حارمني من كل شي حتى الشامبو يحسبه علي يقول وش تسوين تشربينه بالرغم من أنه مقتدر ويقدر يعيشني ملكه زي قبل الزواج تخيلوا قبل إسبوع قال إنتي إيش تسوي بالإريال خلصت علبته بسرعه ؟؟؟؟؟؟؟؟؟؟؟ يعني إيش أسوي جالسه أكررف لك ياحيوان
أخذ ملابسه وراح يعيش مع أمه وأولاده وتركني في البيت دون أن يسأل عني
يقول أولادي ماراح يحبوك كذا تقول أمي ؟؟؟؟ طيب في فترة الملكه كنا نروح المولات مع بعض وننبسط إيش اللي تغير؟؟؟
صار له يومين ببيت أمه يجي الظهر ويجلس شوي بالمجلس ويمدد رجوله بوجهي ويجلس نصف ساعه ويبوسني على راسي ويروح بدون مايشوف انا إيش أحتاج؟؟؟ كل راتبه يصرفه على أمه؟؟؟ بالرغم من أنها بخير وعايشه
قسم بالله حتى مصروف أبي أشتري ملابس أبي أروح الكوافير يقول مامعي فلوس أنا حالته الماديه زفت ؟؟؟؟ والله صرت كئيبه وحزينه ومتضايقه مدري إيش أسوي وليش يسوي كذا حاولت اتفاهم معه قال أعرف أنك منتي مبسوطه معي ولاسعيده وحزينه
قلت حياتنا موعاجبتني إيش صاير قال أمي محتاجتني وعيالي بحاجتي
قلت وأنا قال ماقصرت جيت وشفتك؟؟؟ أكرهه ياعالم والله ماأطيقه ولاأشعر بشي إتجاهه صرت أنبسط لما ينام براة البيت احس براحة غير طبيعية
يقول بطلع أسافر مع أولادي وأمي أسبوع ننبسط طيب وأنا المحرومه من تزوجته مارحت معه لأي مكان أشعر بكرهه لي ونفوره وأنا قايمه بواجباته لله كل الناس يقولوا حقريه بصراحه مقدر أهتم فيه كثير مجرد يجي يقول من له وحده زيك تعيشه هالدلال يقول ماكنت متخيل فيه وحده تسوي لزوجها زي ماتسوي لي ؟؟؟طيب ليه تتعامل معي كذا ؟؟؟
قولوا لي كيف أتعامل معه هل أنا غلطانه على سكوتي؟؟؟ على تعاملي الكويس معه؟؟؟ أنا أحب يكون لي بيت وزوج وحياة هاديه؟؟؟ ماأحب المشاكل ؟؟؟ قسم بالله فيني حاله نفسية وقولون عصبي بسببه ؟؟؟؟
قسم بالله من حالتي النفسية صارت فيني أمراض موطبيعية ؟؟؟؟ تعاملي الكويس معه غلط وإلا لا ؟؟؟
والله العظيم محتاجه مصروف
دائما يقول إلبسي وحطي وسوي طيب إيش أسوي من وين ياحسره؟؟؟؟؟؟