ياراعاك الله ...
تمسكي برأيك واحرصي عليه .. ﻻن اذا فات الفوت ماينفع الصوت
ولترتاحي من وسوسة المراقبة الﻻ ارادية .. منك ومنها
حاولي باقناعه اكثر ..

ظلي على موقفك... لل تتنازلي.. من حقك أن تسكني وحدك.. وليس له أن يجبرك على ذلك

اثبتي على موقفج
لا والف لا
لما راح وتزوج مافكر بعياله
ولما توهق وين يسكنها تذكر انه عنده عيال!!

العدل مسؤوليته مو مسؤوليتج!!!

خلي يتحمل نتيجة قراراته!!!

__________________
اللهم احفظ لي زوجي وسخره لي واحفظ لي اولادي

غاليتي المعذرة منك ماأسعفني الوقت أرد على موضوعك اﻷول،،،لكني مازلت عازمة الله يوفقني لماينفعك.

حبيبتي أحييك وأهنيك على موقفك من زواجه الثاني،،ترى موقغك مو أي حرمة تقدر تسويه،،
الله يربط على قلبك بالصبر الجميل،،ويزيدك ثبات ويؤجرك ويعطيك أحسن من نيتك..
غاليتي
بما أن زوجك رجل،،كل الرجال طريقة تفكيرهم واحدة مايختلفون عن بعض(يحبون راحة أنفسهم)
لذلك هو يلح عليك بتسكينها في الدور العلوي...
في حال إذا استمريتي في الرفض هل زوجك سيخضع؟؟
أم أنه سيحاول معك وإذا ما رضيتي سيسكنها معك ويضعك أمام اﻷمر الواقع؟

إذا كان سيخضع لرفضك،،ارفضي،،وهو المسؤول عن العدل بينكما،،لست أنت مسؤولة لتهيئي له أسباب الراحة
ليعدل هو.... هو من يتحمل تبعات زواجه،،لا أنت...

أما إذا سيجبرك فخليها تجي الموافقة منك هذا أفضل برأيي..

استخيري والله يكتب لك الخير حيثما كان.

من تجربتي واللي شفته عند أخوان تجاوروا بالسكن واختلفوا وصارت بينهم مشاكل من بعد ما كانوا أحباب فما بالك بضره وضرتها ..

ما انصح الشراكه بالسكن لأي شخص .

يقدر يستأجر لها بنفس شارعكم لو يريد القرب من عياله .. الزواج الثاني يحتاج قدرة مادية غير المسؤوليات والأعباء الثانيه ..,ارجع واقول الله يعينك على ما بليت نفسك فيه يا أخونا زوج الغريبة

وأختي الغريبة الله يثبتك ويبرد على قلبك وما يحرمك أجر صبرك .
حاولي ترتبي ليوم زواجه تكوني مشغوله بسفره اسبوعين او ثلاث أو عمره مع عيالك

__________________

خليك على موقفك
انا مع الاخت مكلومة ربما يجيبها بالغصب اذا كان ماراح يخضع لارادتك
بس اسال الله ان يكفيك شرها
فالحين بس بالتعدد مدري وش عالم هالرجال

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

مشكورين اخواتي ماقصرتوا الله يعطيكم العافية
هو الان يخيرني بين انه يسكن او ارجع له مبلغ اعطاني هو رضوه ويقول بروح بهذا المبلغ استاجر شقة بعيد عنك
انا طلبت رضوه مبلغ معين اعطاني نصفه بعد مشاكل ومحاولات كثيرة وتدخل امي والان يريد يسترجعه مني اذا رفضت سكنه عندي مع انه قبل الزواج قال خلاص مااناقشك في السكن ... !!!
زوجي مع الاسف ماله كلمة دائما يقول لي راح ارضيك بكل الطرق الين ترضين باي شي يرضيك ...... ولما اطلب اقل شي يرفض ويقول لا هذا مااقدر عليه .. راح ارضيك باخلاقي وحبي وعدلي ... سبحان الله الا الفلوس لاتطلبيني
هو فعلا يبحث عن راحته فقط ولاتهمه راحتي ولايبغى يعطيني هدية ولارضوة ويبغاني اتحمل اذا ماعدل بيننا بسبب اني مامكنته من الشقة !!!
اسال الله يعينني عليه
اتمنى مزيد من الاراء خصوصا الرجال والحكماء لاتحرموني نصحكم الصادق

هذا قاعد يبتزك
اذا ماتبين اعطيني الرضوة
شفي بحكم اني لي ضرة وانا زوجة ثانية بس ما اشجع التعدد ابدا وخاصا بزمنا هذا
اول كنت انا وضرتي نتقابل ونسولف وندق على بعض بس بدت المشاكل تكثر
قررت اني اسحب نفسي وقطعت العلاقة وصرت ماشوفها ابد
كان موقف جدا حرج لمن نجتمع مع بعض قمة الاجراج وتنفتح الجروح علي وعليها
هي ماكنت تبين بس انا الثانية وكنت اتعذب
الله يكون بعون الجميع ترى مايستمتع بسالفة التعدد الا الرجل
من الاحسن لا تشوفينها ولا تشوفك ولو بالاحلام
لو تشوفين سالفة الفلوس راح تحل مشكلتك اعطيه ترتاحين مرة وحدة احسن ماتجي تسكن فوقك وتتنكد حياتك
اهم شى لا تقبلي دخولها للبيت لاول مرة اذا دخلت خلاص انسي انها تطلع
سالفة العدل لا يقعد يتحجج هو وراسه اذا مايعدل ليش من الاساس يتزوج ويقدم على الخطوة
حلوة يتزوج ويتحجج انه اذا ماسكن قريب يخاف مايعدل والله خوش
قولي له اذا ماعدلت بكرة راح توقف امام ربك وشقك اعوج ههذه مو مشكلتي
واهنيك على صبرك واسال الله كما سعيتي ان ترضي الله ان يرضيك ويرضى عنك
الله يربط على قلبك الله يربط على قلبك ويهون عليك كل شيء من قلبي ادعي لك وحاسة فيك

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

تسلمين ياقلبي يالمسة غروب والله مايحس بالنار الا رجل واطيها وانت مجربة الضرة الله يكفيك شرها ....
يعلم الله قد ايش في قلبي حسرة والم لكن اكبته واصبر لعل الله ياجرني ويرزقني الجنة وش بناخذ من الدنيا دار البلاء..
لكن زوجي الله يهديه ويصلحه يارب يحب نفسه كثير ولايهتم لمشاعري ويوهمني انه يحبني وحاسس بي وانا والله اعرف انه لو شافي اتقلب على الجمر مقابل اقل شئ يسعده لاختار نفسه وبس..
لكن وين اروح عندي اربعة اطفال وجالسة اصبر عشااانهم وبقاووم عشانهم لين الموت وبعدين بارتاح منه