بل اكتب مشكلتي
لن اظلم زوجي
اول شي زوجي طيب كريم في العطاء بقدر لاباس به ولو كان يملك الكثير لأعطاني مايكفيني
ولكن انا من يمتنع عن طلب اشياء كثير في حاجه لها لاني مابي اكلف عليه او احرجه
قايمه بواجباته الشرعيه كالفراش والطاعه في بيته والعفه عن سواه في نظرة محرمه او فعل محرم
لا اخرج الا باذنه ولا احد يدخل في بيتي الا بعلمه
اقيم بأكله الذي يطلبه وبشربه
مرتبه في شكلي ماحب يشوفني بشكل مو مرتب او يشم مني ريحه ماهي حلوه
ماسكه بيتي ونفسي وبيننا بنت الله يصلحها
هذي حسناتي اما سيئتي الوحيده معه عصبيتي بسبب احيان بروده وبسبب احيان تعدي على غيرتي
فقط مقابل هذا كله
وبقي الوقت هاديه معه ومطيعه له
صبرت على ضعفه المادي احيان
يعني من طلعت من النفاس من بنتي ماشفت هديه نفاس
كان اول استقبال في شقتي بعد النفاس هوشه
وعدني بسفر وعدني شاليه اوك ماهمني هذا كله ماتحقق لان ماديته مب مضبوطه
مشيت الوضع
وعاااادي
كل مشاكلنا تقصيره وتقصيري اتركوه ع جنب راح نصلح فيه

لكن انا اهتزت ثقتي بنفسي بعدماكنت امتلك ثقه عاليه
السبب دايم ينسب لي اني رجوليه
يقول دايم انتي رجال انتي رجال
ماعليش قلت عشان يمكن اذ عصبت ارفع صوتي بسبب الحمل اللي كنت اعاني منه وعصبيتي فيه
بعد ماولدت خلاص اهتزت ثقتي بكلامه انتي رجال
صرا ازيد ماصرت اتحسن لاني كم مره قلت انا تجيبني الكلمه الحلوه
انا ياعالم كلي نعومه من شافني بشهاده الكثير قال ناعمه ملامح بريئه هاديه عاقله الكل يقول ملامح انوثه
يجي. زوجي واغلا ماعندي يقول انتي رجال
ليش يعني مافي ابد انثى تعصب مافيه انثى ترفع صوتها اذ زعلت مع العلم سنه مارفعت صوتي الا اربع مرات بس من كثر ماسمع رجال صرت اتمادى لهالشي لانه حطم انوثتي حطم جماااالي الناعم اللي الكل يشوفه الا هو
.. صرت اكره اكلمه زي اول بعد ماكان لي روح وحياه
صرت افكر كثير انا كلشي سويته ليش مايتحملني شويات
يعني كم مره قلت له انا مكتومه ماتخليني افضفض تجيني فجاه وانفجر
كل ماقلت ابفضفض اجي اقول له ابيك بموضوع يقول يووه بعد موضوع
ماتخلص مواضيعك
جد ياعالم تعبت لمن اشكي لصرت طول عمري اتمنى شخص يفهمتي ويحسسني بانوثتي وجمالي يحسسني انه صديق مب بس زوج
تمنيت حب عفيف طاهر
انا لي مشاعري مثلي مثل غيري يعني اقل شي يقدر اني احتاج لحبهً واهتمامه مابي وساويس شيطان وتفكير لطريق حرام
انا مواقع تواصل غير واتساب ماعندي وفاء له وحب له فكيف يهملني من باب التاديب مثلا
هذا اسلوب خاطئ جدا
دايم اقول له اذ شفتني معصبه هدني بكلمتين تلاقيني نسيت كل افعالك الشينه
ولا يبي يفهم صاير يزيد علي بكلام انتي رجال صوتك جسمك
انا صوتي ناعم مره لكل من سمعه قال صوتك كله طفوله
جسمي مافي اي معالم رجوله
انا ابي افهم ليش حطمتني يازوجي ليش خليتني انسى حبك شويه شويه
كل شي ينحل بالكلمه الزينه ولا على ايش الرجل اسمه رجل او يستحق كلمه رجل لانه ضروري يحتوي انثاه ويتحملها
انا اشياء جواتي مكتومه منه وافكاري وحلولي عاقله بس مايبي يسمع لها مثلا اقول له خلي كل شهر بينننا جلسه هاديه نتاقش فيها عن كل شي ضايقنا بهالشهر عن كل شي يفضفض الشخص الاول للثاني
ولاسمع لي
صار يواجهني بالصمت والنظرات الحارقه لما اتكلم وياه
كرهت حياتي كرهتها انا احتاجه يفهمني مابي اكتم واتضايق وع اتفه سبب انفجر
كان يتلفظ علي الفاظ متعبه جدا مثل انتي مريضه انتي رجال انتي موسوسه ويقول كلي....كلي ....
انا كنت اقول الله يجزاك خير
ويهدد باللطلاق
كل هذا صبرت عليه بس خلاص ماعاد صرت اتحمل ولما اعصب مايفكر انه كان كاتمني ومتعبني بالفاظه اللي مازالت تحرقني ويقول قلبك حقود ماتنسين
طيب انا ماجلستً اقول ليش تقول وتقول بس اكلتها بقلبي
والله ياعالم تحطمت انوثتي
والله حسيت فعلا انامريضهً
ويقول مريضه عشان غيرتي
غيرتي كغيرة النساء والله وبالعكس اشوفهاع حق مثلا سلفاتي اغار ان زوجي يجلس وياهم وهذا شي من حقي
خصوصا ياجماعه الخير اني مايبان مني ظفر لاي احد من اخوانه ولا يسمع لي صوت الا لحاجه ضروري
مو يحق لي اغار؟؟
هم كاشفات عيونهم اصواتهم يتغنجون بعضهم بها امام زوجي واخوانه
وايدنهم يزينوها بالمناكير والاسوار والاكمام واسعه والعطر فايح
بالله مايحق اغار والمفروض يعطيني قدر اكبر لاني محترمه نفسي لاجل الله ثم لاجله
وفوق هذا لو كشف الغطاء عن سلفاتي كان تعلق فيني اكثر
النقاب وشكل العبايه احيان يعطي شكل اجمل من الداخل
وبشهاده الكثير انا اجمل منهم
ونظرة الناس تختلف لكن الاغلبيه يمتدحون جمالي بالنسبه لهم
وزوجي اغار عليه من الجميله والقبيحه
ولكن انا كالنساء في غيرتي ولربما تكون يوم القيامه ف حسناته في صحيفة اعماله لانني اعينه ع غض البصر
انا ولله الحمد اثق بنفسي بالنسبه لهم لاني امتلك في شكلي وصفاتيً مالايملكونه
ولكن زوجي متى يشعر اني كذلك ومتى يشعرني بالحب المفعم بالاهتمام
لا اريد كلمة انتي رجل انا بحاجه لمن يحسسني بانوثتي قبل ان ياتي الغريب فيشعرنيً بها فاموت غيظا والشيطان لايموت حتى يبعث معنا
الست ع حق اجيبوني فانا مقصره وهو مقصر ولكن هو يمتلك ايجابيات كثير وانا كذلك
...؟؟؟؟؟؟ للعلم اذ اغضبته لا ارتاح حتى ارضيه واحيان ارضيه وحتى هو الذي اغضبني
الست زوجة استحق التكريم ام زوجة تستحق التاديب


اجيبوني بكل صدق فلقد فاض الوجع ع قلبي ولا اريد ان اكره زوجي ويتلاشى حبه من
قلبي


(تم تعديل العنوان ليتناسب مع المضمون)


(مستجدات الرد14)

http://66n.com/forums/showpost.php?p...7&postcount=14

(مكانه الأنسب)

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

__________________

رَّبِّ اغْفِرْ لِي خَطِيئَتِي يَوْمَ الدِّينِ

في مثل يقول طبخن طبختيه يالرفلا كليه
انتي تنازلتي تماما عن حقك ك انثى وزوجه وخليتيه يتمادى خلف سعيك انك تكوني الزوجه الصالحه الخلوقه ايه تنفع بس مع الرجل الصالح الخلوق فقط ... اما اللي يهز ثقتي بنفسي ويسبني بطريقه غير محترمه هذا اتعامل معاه بطريقه اخرى بعيدا طبعا عن قلة الاحترام ولكنها طريقة خذ وهات
اولا المفروض محد يهز ثقتك بنفسك نهائيا وترى عادي عصبي وصارخي وصيحي ترى امر طبيعي كلنا نعصب بشر مو ملائكه بس في طريقه يمكن ماجربتيها نقاش الواتس ابد يفيد جدا في حالة كون احد الطرفين سريع الغضب والاستثاره ... جربي تكتبين له كل اللي بقلبك بالواتس اب وتطفينه وتنامين حتى لو رد عليك ردود جارحه ماراح تصارخي لانو مافي مواجهه فيس تو فيس ومرا عن مرا راح تقدرين تحتوين الموضوع وترتبين افكارك وتناقشين بشكل هاديء وترى اكثر شيء يكرهه الرجل تعال ابيك بموضوع ترى حتى بالمسلسلات الاجنبيه توترهم هالكلمه وتضايقهم فكيف برجالنا الشرقيين الحنونيين ؟! اي شيء تبينه وب اي وقت اكتبيه واتس وارسليه كان حاب بتناقش فيه معاك وجه لوجه ناقشيه مافتح سيره اغلقيه اهم شيء وصلتي له الفكره وخففتي من التراكمات بقلبك
نفس كلامك هنا وصليه لصاحب الشأن
وحده من صحباتي تحس زوجها مايشوف جمالها فصارت تقوله عن نقاط القوه فيها وصار يشوف فعلا مثلا جسمي يجنن كل من شافه ماصدق اني منجبه او جسمي يقطر انوثه شوف خصري كيف شوف كذا كيف بطريقه مغربه وايحائيه بطريقه انثويه بحته .. وبرضو عيوني حلوين وشرف رمشي قد ايش طويل بسم الله علي ومن هالحكي لين فتحت عيونه على مميزاتها قولي له الله يهديك حبيبي كل هالدلع والانوثه وتقولي رجال هل فيه وجال بقد دلعي وانوثتي ؟؟؟
هو يقصد بالرجال طريقة رفع صوتك وعتابك وممكن قوتك في امور ماتنفع فيها القوه
مو يقصد شكلك حتى لو قاله حاولي تصححين اغلاطك ممكن انتي دفشه او حركيه او طريقة مشيتك او هيك مافيها غنج ،.. تغنجي صيري زي سلفاتك هههه بس قدام زوجك طبعا وحطي مناكير والبسي اساور وخلاخل وملابس انثويه ومسألة المشاكل بكل بيت بس طريقة تعاطينا معاها هي المشكله الاساسيه انتي لا تصيرين دقيقه بزياده فوتي امور وسلكي امور وريحي راسك شوفي الدنيا حملي برنامج استقرام شوفي امور تهم الاناث انا استفدت بشكل خورافي منه في اكاونتات مختصه بالزواج مفيده جدا في امور نجهلها بسبب طبيعة بيئتنا المحافظه .. ماقدر اكتب لك الموضوع يطول انتي سوي بحثك الخاص عن انثى شكلا وفعلا وراح تلقين اللي يسرك بإذن الله


بالنسبه للماده اطلبي كل اللي خاطرك به سواء نفذ او لا اهم شيء يعرف ان لك احتياجاتك لان الرجل خلق معطاء ومايحب اللي تشيل نفسها عنه يبي اللي محتاجته دوما وابدا

اما بخصوص غيرتك انا معك ولكن كثر ماتضيقيين عليه كثر مارح يخترع الخطط والوسائل عشان يشوف نساء ههه
ي بنت الحلال خليه ترى الذنب ذنبه هو رجل حر بالغ عاقل تبين تسكرين عيونه ماحيتعب الا انتي
الغيره حلوه ولكن خلك ريلاكس بالاخير هم سلايفك ماراح يحلون له ابد وانتي اجلسي معاهم لو خايفه وسولفي وتغنجي اذا مافيه رجال الا هو ولا اذا يضايقك الموضوع لا تجلسين معاهم ولا راح يتعدون الادب مهما كان ... دامك واثقه اصلا وكلام المديح اللي قلتيه هنا قوليه له انا احلى وحده فيهمواكشخ وحده وادلع وحده واطعم وحده ههههه ترى كلنا نقوله ولا تنسين انك بكل مناسبه تنخطبين على بالهم سنقل هاه زيدي العيار عاد كل مرا اخترعي شكل خليه يحس بحجم الكنز المدفون اللي هو انتي

** بخصوص اهاناته لك اذا بداء لا تقولين جزاك الله خير لا حبيبتي ...قولي لو سمحت احترم نفسك انا محترمتك ولا ارضى تتكلم معاي بهالطريقه وقومي من المكان وخذي وضعية الزعلانه يومين ثلاثه المهم مره مرتين خلاص رح يحترم نفسه ومايغلط وايضا حاولي تبعدين عن اي موضوع او نقاش ممكن تطلعين منه بسب او شتم خليك بالسليم دائماووسعي صدرك اهم شيء وخذي الامور بطولة بال لا تصيرين مرره نارن شابه بالهداوه

__________________
أستغفر الله العظيم واتوب اليه

بصراحه ياختي حل مشكلتك ينبع من داخلك وليس من زوجك ..

لو كل ما قال لك انت رجل ..استعبطتي عليه مثلا حركتي شعرك بغنج وقلتي بعبط يوووووه كل هالشعر وكل هالانوثه وتقولي رجل

الزبدة خوذي ردوده باريحيه ولاتاخذينها بمحمل الجد وردي عليه ردود استعباطيه

اما بتسكتين طبيعي تؤثر على نفسك

بالعكس ياعميق الموج
انا دايم ابكي ومامشي شبر الا لازم اخبره
وماقدر استغني صفات الرجوله بعيييده

كلامك حلو يانوني الحزينه
بالنسبه لغنجي انا دلووعه حتى اهلي اللي عايشين معي يقولون دلوعه ولبس البس واساور ومناكير وهذا اللي رافع ضغطي ليش يقول رجال
كل الحريم يصارخون بوقت الزعل

ريماس شكرا لك
المشكله ميت على جمال شعري بس احسه يستعبط مايشوف الله يسخره وش قد اتعبتني هالكلمه

هههههههه
اعجبني هذا الرد...
الله يوفقك يارب

يا صاحبة الموضوع
حسب موضوعك انتي حساسة شوي مو كل ماقالك شي
هتزة ثقتك بنفسك وضاق صدرك طبقي كلام ريماس والله ماعد يكررها

__________________
سبحان الله وبحمده سبحان الله العظيم

ولا تهتز ولا شي
هل كل وحده سمعت كلمه من شخص اخر اهتزت ثقتها
معناتها ماراح نعيش
عيشي انوثتك مع نفسك قبل
اهتمي ودلعي
تعلمي البرود و التغافل
دوري لك وظيفه