بسم الله الرحمن الرحيييييييييم

السلام عليكم ورحمة الله وبركاته
اخبارك جميعا ان شاء الله بخيييير
والله يكفينا ويكفيكم بظل التغيرات ولمصائب بهذه الدنيا ....

الاهم احبابي
من بداية زواجي للان اريد التخلص من هلمشكله ..ومع الايام والسنوات اقول ابتغير وابتجرء ووووالخ !
وللاسف انا مثل ماانا ....
ماادري انا اللي فيني هلخجل
ولا زوجي بطيبته هو من جعلني كذا ...

هي مشكله ومو مشكله ...وهي
اخجل من اطلب منه (اكثر من شيء )...!
استحي ينخفض صوتييييييييييييييييييييي ...يعني اليوم نزلنا (بنده ) محل كبير للغذاء اكيد الكل يعرفه
وكتبت ورقه بها كل طلبات المطبخ النااااقصه ....وكلفت 300 وشوي ومع الغداء 400 ريال
الاهم
وحنا نتقضى !
نمر مثلا ع اشياء مو ضروريه
يعني مثلا شيبس بطاطس او كرتوون كاكاو او او خراااااااابيط ......
فيسلني زوجي ....هنا الكارثه الدائمه ل همس
تبين اجيب لك هالشيء (كاكاو او اي اي شيء )
ردي الغبي (((بكيفك )) ومنخفض صوتي
وهو عباره عن خجلي .....
والله العظيم خجلي اخجل اطلبه اكثر مما كتبت واللي كتبته وربي ضروري جدا للمطبخ !
قالي
ياهمس وش فيك ؟؟انتي انتي انتي تبين ولا لا ؟
قلت
بكيفك !
اااااااااااااااااااااه ياقلبي وربي بردت اطرافي اكتب وانا منحرجه حسيت اني غبيه امامكم الان
وربي مو دلع ولا شيء
كذا
اخجل اطلب اكثر !
ورحنا للمطعم وخذنا وجبه وخلصنا وكنا ننتظر ولدنا يخلص اكله ثم نقوم فكنا نسولف
فقالي

همس ليه انتي يوم اسئلك تبين كذا قلتي بكيفك ليييييييه ؟
قلت وانا بقمة الخجل
خفت انه غالي ...........خخخخخخخخخخ ششوفو العذر
المفروض قلت ماحبيت اثقل عليك اكثر او اي شيء
هو يحظ اني انحرج وغالبا ان قلت بكيفك يااخذ هالشيء ويحطه ..ويقول اخذته لخاطرك ؟ماادري فهمني لكن احيانا مايااخذه مايتحمس مع ردي
بكيفك !!!! اتمنى ان اقول نعم او لا

الاهم
بعيدا عن اليوم
من بداية زواجي للان ولي 3 سنوات ومعي ولد وحامل يعني مادري هلخجل من هلاشياء ليييييييييييه ؟؟
اصارح نفسي واقول لازم لي رئيء
ويجيء موقف وترجع حليمه لعادتها القديمه ......

حتى المبس مثلا العيد اشتري اللي يكفيني من بلوزه تنوره جزمه اكرمكم الله واكسسوار
والسلالالام بس
فنستمر نتمشى وارى العجب الحلا
فيسئلني تبين اخذها لك ...فااقول مادري ؟
ونفسي وقلبي يقول تجنن ....وتليق علي

واحيانا يقول والله لااخذها وبلفعل اخذها والسبب لاني اخذت هلبسه وقعدت اقلب فيها واشوف السعر صح نار احيانا فااقول مره 2
فياخذها واشتريها وافررررررررررررررح بها ...

وهذه معنة همس مالها رئييء بس في اللي اشتريه او حتى بلغداء مثلا يقول بنغير اليوم تبين كذا ولا وجبة كذا
اقووووووووووول
بكيفك

يتنرفز يقول وش فيك يابنت اختاري يالله فااختار بسرعه وخجلانه !
انا ماادريي ومتعذبه كيف نظرته لي ؟؟
وبلاخص بعد اليوم
وسواله الصريح لي ؟؟تفاجئت
خلاص زعلت من قلبي ع نفسي طبعا !!
ماادري اتمنى ادخل قلبه واشوف نظرته كيف ؟؟!
لايكون نظرته امراءه مالها رئيييء
!ابمووووووووووت من قهري وحسرتي
والله انا لااتصنع فهذه مشكلتي والله ...

وما كتبتها الا اني ابي الحل ارجوكم
ونااااااااااااويه غدا
اقول له
ترى اخجل اقول ابي وابي وابي ....واخجل اطلب مره ومرتين وثلاث !!
وما قد صارحته بهلامر ...
وصح الاهم والاهم
ان زعلت مثلا مه يوم اكتفي فقط بلسكوووووووووووت او انطق كم كلمه واذهب ودموعي تنزل ..!خجل اناظر به واجرح به او ارد عليه او حتى قول سامحك الله مثلا
اذهب ويجيء هو ويبين ويوضح ويتاسف وابكككككي وهو يندم جدا جدا وتنتهي مشكلتنا بغضون ساعه ساعتين بلكثير والحمد لله ام اذا زعلي كبير وغالبا
تخيلوا نقاشنا بلمسجات افرغ مابداخلي من كلالالالالام لانه يعرف اني لااستطيع مواجهته الا بمسجات فقط
وهو يرد ويبادلني ويهديني واهدء ويهدء ثم نترضاء
اما اذا انا اخطئت بتصرف العكس تماما يعاتبني كئي زوج غاضب وانا اتاسف واعتذر وافعل الاهم يرضى الان ....
واما عن شخصيته فالحمد لله مرتاحه بحياتنا لاتوجد مشاكل الا نادراااااااااااااااااا جدا جداااا
وطيوب ويحترمني كثيرا .......

طبعا ماانسى لي رائيء بالامور الاخرى بحياتي معه ونتشاور الا
بموضوع نزول السوق او اني اطلب اي اي شيء اكثر من نوع او اواجهه بلؤؤم والعتب او التهزيء وقت الغضب اكتفي بلسكوت وان ارسل لي اعتذار افرغ مابداخلي وهو يقرء وتنتهي باعتذاره امامي .


افكر واقول السبب وهو انه لايقول لا ....مامعي فلوس او لا مابشتري لك هلشهر انتظري علي ......
لايقول لا في اي اي شيء
الا نادرا جدا جدا ...فهذا جعلني لااستطيع ان اتكلم واقول له اريد او لي نفس اكل هالشيء او البس هالشيء
او ناقصني هالشيء
اسكككككت !!!وقلبي متعلق جدا جدا بهلشيء واتحسر بقلبي بلبيت اذا رجعت انا غبيه ليه مااخذتها هو قالي ليه قلت لا ....وقلبي يقول نعم .

ارجوكم
انا لي رئييء كأي زوجه بئي شيء بحياتنا الا بموضوع شراء
وبموضوع زعل لااستطيع مواجهته او النظر بعينه يمكن كم كلمه واقوم ابكي بغرفه اخرى بدون صوت وياتي يضمني وانفجرر من قهري وارضى وحتى نادرا جدا جدا نتراسل لنقاش وجه الاختلاف بلزعل يخليني افضفض برساله اكتب قهري او مسج لانه يعرف اني اخجل ان اوجهه عتابي وانا امامه واصبح هو كذلك كم كلمه ويسكت ...

عطوني حل
وربي اليوم طفح الكيل بقلبي عندما صارحني من ناحية السوق اليوم وربي زعلانه من حالي .

الله يستر من التجريح ارجوكم اللي يجرح ولا يهزء لايرد ارجوكم في بعضكم متهورين ...
انا لااتصنع وربي هذا انا من 3 سنوات مدة زواجي
وزوجي يعاني اتوقع من اني لااقول نعم اريد او لا لا اريد !
يتنرفز يقول بسرعه اختاري يالله ..!.

__________________
اللهم فرج همي وهم كل مسلم ...

ما شاء الله عليك أختي ,, أرى ردودك على بعض الأعضاء ,, طويلة عريضة صريحة ,,

تخيّلي مُشكلتك - وليست مشكلة - لدى إحدى الأخوات ,, فماذا كنتِ ستقولين ؟؟؟...

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

اخي
جزيت خيرا......
يمكن عندك او البعض ليست مشكله
لكن عندي تعقدت من لساني وقت سواله تبين شيء لا حبي خلاص!! واناابي
او تبين ازيدكك بهلبسه حلوه ! بكيفك واناابي
يعني تخيل
انت تريد هالشيء ولكن تقول لا !!وقلبك معلق بها
واصلن
زوجي امله بان يسئلني واقول نعم لي نفس اكل كذا و ايوه ابي هلبسه .
بس هلمشكله بمسالة شراء لاغيييييييييييييير

وشكرك من اعماق قلبي لانك نبهتني لو ان اخت بلمنتدى نفس هلمشكله وش كنت بنصحها !
كنت ابقول
عادي هذا زوجك حبيبك
اذا ماقلتي له وش تبين ووش نفسك فيه من تطلبين !

وانا احادث نفسي واقول مالي دخل بكره ان سئلني بقول وارد !
واعود لعادتي والخجل

__________________
اللهم فرج همي وهم كل مسلم ...

عزيزتي اتوقع لازم تروحين لاخصائيه تفضفضين لها وهي بتعطيك مهارات تخليك تتغلبين على هالخجل لان بصراحه اول ماقريت موضوعك احسبك توك ما لك الا شهور بس ماشاء الله لك3سنوات وعندك طفل وحامل الله يهون عليك فأستغربت هالشي الي معك مو طبيعي

انا اول ماتزوجت كنت تقريبا مثلك لكن الحين بعد سنه وزياده وعندي طفل قدرت بعزيمه واصرار اني اتغلب على هالشي لدرجه اني اطالع نفسي في المرايه واعاتبها والحمدالله ماشي الحال

عادي اختي والخجل مرغوب فيه وهو يزين الشخص بالعكس

وانتي حياءك طبيعي تعذرين به زوجك ليش نتصنع دايم شئ ونفتعل اشياءعادي

بالعكس مشكلتك النفس الوامه ليش وليتني الايام تمضي وقولي بالعكس موقفي حلو وراعيت مشاعر زوجي
وان استحييت فهذا من الاخلاق والتربيه والايمان الي يميزني عن غيري واقدر ان امنعه اذ اصبح يضرني

واكيد انت اعلم بمسؤليتك فلاتكبري المساله

حواء الله يسعدك
انا ماادري قلبي غير ولساني ينطق بكيفك لا خلاص حبي واذا اذا وقعت بقمة الاحراج اقول ....بكيفك !
وباذن الله يبي لي اضغط ع نفسي بصراحه اكثر من كذا رغم اني والله كم مره فعلت وقلت وبوقت الحاجه ارجع
اخصائيه لم افكر ...توقعت اجد احد مثلي ....

تمت الخطبه ..
الله يرزقك حبيبتي
الخجل محمود لكن كعاده لالالالالا
يعني تبين وماتقولين والله احس تأنيب ضمير

وكأني خائفه من زوجي وكأنه وحش .
ولكن الحمد لله ان صفاته يراعيني يفهمني من اسلوبي وينقذني غالبا .
عندي الخجل اللي ابيه وهو افعله عن قصد يعني مثلا خسر هلشهر بمبلغ وقدره ....مثلا
فاأجل طلب احتاجه كمكياج للشهر القادم رغم حاجتي ...وعادي الشهر القادم اقول له حبي ناقصني كذا ؟؟لكن بوقت السوق اشتري حاجتي فقط ولا ازيد خجل
ومن ناحية امس ببنده والمطعم !
احرررراج متكرر ولكن ماجعلني اكتب وهو ملاحظة زوجي ...
لااريد يفهم ان ليس لي رئييء بهلامور ابي لي رئييء مشتهيه اكل
انا حامل واشتهي ساعات اكل من برا
مره مشتهيه من الصباح من 8 الصبح اكل اكله معينه تخيلوا ماقدرت اقول له ابي كذا ؟؟!
واذن الظهر وراح يصلي فكتبت مسج وقلت حبي ابي الاكله هذه لي نفس وبقوه ....

فااتصل يضحك قال الان الظهر الساعه 12 ونصف وسكر محل الفوااااااااال !!لكن ابدور لك من عيوني ..وبعدين تعالي من الساعه 8 صاحين ليه ماقلتي لي قلت انشغلت بلنت معك ومااشتهيت الا الان ..
وتصدقون الان ورب البيت ابي اقوله ع نفس الاكله ولكن ماادري وش يمسك لساني لااتكلم اخجل يمكن لانه غدانا امس ولا كعادة همس .

__________________
اللهم فرج همي وهم كل مسلم ...

شوفي ياعزيزتي جربي في البدايه انك تزيدين من ثقتك بنفسك وقفي قدام المرايه وقولي انا خلاص راح اتكلم ماراح اخجل وادعمي نفسك بعبارات ايجابيه بس انتبهي لايشوفك ابو الشباب ثم يقول الله يخلف زوجتي تكلم نفسها

وحتى لو خجلتي في موقف عادي قولي مره ثانيه راح اتغلب على هالشي


واذا حسيتي بعدفتره انك ماقدرتي انصحك والله تزورين اخصائيه تدردشين معها وراح تفيدك ان شاء الله


موفقه

أمي الله يحفظها عايشة مع بوي فوق 30 سنة وكلما سألها الوالد وش رايك في كذا ..... دايم تقول بكيفك ,,,
زوجتي الله يخليهادايم تقول بكيفك او مدري وأحيانا تقول لا إذا شافت السعر غالي مع اني ما راح اقول لا ولا راح اقصر معها لو بغت أي شيء.. أحيانا تجيني وساوس انه انا ممكن اكون بخيل او انه ممكن ظروفي صعبة وهذا غير صحيح ..
لنا ثلاث سنوات...مع الوقت كل مالها تقل لكن لازالت موجودة وبشكل كبير.. بالنسبة لي طبيعي ولا عاد صرت افكر في هذا الموضوع.
أتوقع انه الزوجة الي تسوي كذا تكون طبيعتها حساسة مره وتخاف من الفشلة او يمكن تنجرح لو رفض زوجها طلبها.. او ماتبي تثقل عليه.. يعني حتى لو رفض مش راح تكون نهاية العالم..
من وجهة نظري كزوج.. هذي الحركة تبني الرسمية وتزيد الحواجز بين الزوجين فلازم تعودين نفسك على ترك الحساسية الزايدة لأنه السبب الرئيسي لمشكلتك في الحساسية الزايدة (أتوقع انه جميع مشاكلك مع زوجك هذا سببها الرئيسي , خصصوصا انه طبيعة الرجل انه ياخذ راحته بالكلام فا تبداء مشكلة مع اي كلمة يقولها زوجك).. أكيد انه زوال الحساسية راح تاخذ وقت لأنه الأنثى خلقت حساسة و مستحيل أنسان عاش طفولته ومراهقته حساس وبين يوم وليلة تروح هذي الحساسية الزايدة . بس حاولي تطلبين من زوجك يساعدك في الموضوع وممكن تقولين له انا ترى كان نفسي في الشغله الفلانيه بس كنت مستحية او مثلا تقولين له بأذن الله المره الجاية إذا سألتني راح أقول ايه وبأذن الله مع الوقت تروح.

يا زينك وزين مشكلتك
انا معاك انها مشكلة لكن الحمد لله شئ ولا شئ
المهم انا كنت زيك وأردى.
تخيلي اول زواجي جلست 6 شهور ما أشرب لبن مع اني امووووت فيه والسبب ان زوجي ما يحبه وانا استحي اطلبه يشتريه و اشربه لوحدي. .إيش رايك بس
وكلمت "كيفك و أي شئ "
دايم على لساني. لكن مع الايام تعودت ونطقت والحمد لله ما اخلي في بالي حاجة
تدرين اتوقع السبب الزواج المبكر. لاني تزوجت بعمر 17
ولما نضجت فكرت ان لنفسك عليك حقا
واكثر شئ ساعدني تخيلت نظرة زوجي لي فبديت حبة حبة اطلب واتوقع انه الحين يتمنى أرجع زي اول ههههه

__________________

أختي الكريمة/ همس
اطلعت على مشكلتك، وأجدها بسيطة عادية.
لا بد في البداية أن تعرفي أن التوسط في كل الأمور مطلوب.
فالخجل أو الحياء إذا زاد عن حده فهو مذموم.
آمل منك ما يلي:
1) التحدث إلى نفسك إيجابياً بأنك وثقة من نفسك، وقدرتك على الحديث.
اكتبي هذه العبارة على ورقة خارجية، واقرئيها كل يوم 14 مرة.
العبارة هي (أنا أطلب من زوجي ما أريده بكل ثقة).
2) اكتبي هذه العبارة أيضاً (أنا اترك الخجل أمام زوجي).
3) قبل طلب أي شيء من زوجك حاولي قبلها أن تغمضي عينيك+تخيلي أنك واقفة أمام زوجك+تطلبين منه ما تريدين، وتقولين ما تريدين بكل ثقة+خذي نفساً عميقاً+ثم طبقي ما تخيلته.
4) ابدئي بذكر رأيك وطلبك منه في الأشياء الصغيرة حتى تتدرجي للأشياء الكبيرة.
مثلاً: أنا أريد هذه الحلوى، أو أريد جوالك للاتصال، وغير ذلك.
5)إذا لم تنجحي المرة الأولى فتأكدي أنك ستنجحين المرة الثانية بإذن الله.
6) لو واجهتِ في البداية صعوبة بنطق ما تريدين فاستخدمي يدك للإشارة؛ لأن ذلك سوف يجبرك على الكلام بما تريدين.