السلام عليكم

يعلم ربي اني ماقدرت اكلم احد بالموضوع لانه حساس
لكن وجدت اني اكلمكم قد القى منكم الراحة والعقل والمنطق ..
الموضوع مو كبير وعادي لكن شاغلني وانا انسانه عندي قلق عالي
واعاني منه من فوق العشر سنين .. عشان كذا قلت بكلمكم افضل

متزوجة من اربع سنين .. لي طفله عمرها ثلاث سنوات..
حياتي اقدر اقول عنها طبيعيه روتينيه .. مافي أي مشاكل مصيرية
او امور كبيرة بيني وبينه ..

الأمر المستحدث اللي صار انه صديق زوجي الروح بالروح تزوووووج...
وبطبيعة صديقه يحب ان يتكلم عن كل شي!! بدون مبالغة عن كل شي!!

زوجي كل هالفترة كانت نوعا ما متغير ومنعزل بالمجلس لساعات..
وكنت اقول عادي... فترة وتعدي... كثير سمعت انه اذا تزوج اخو الزوج
او ابو الزوج او صديق الزوج القريب ,, يفز قلب الزوج لفكرة الزواج!!
وكنت اتوقع هالشي , لكن قلت انها مرحلة وتعدي

فعلا صديقه تزوج الاسبوع اللي راح والله يوفقه وييسر اموره..

الامر اللي صار انه امس بنتي عطتني جوال ابوها وقالت ماما حطي لي قرين قرين ( مقطع تحب تشوفه كثير )

مسكت الجوال وضغطت على مربع البحث وقبل مااكتب طلع لي اخر ماتم بحثه من قبل زوجي
تدرون وش كاتب؟؟؟
( سناب شات خطابة) !
(حساب خطابات للزواج ) !!

الله وكيلكم انهز عالمي اكتب لكم وانا من امس مانمت!ّ
بكيت بحرقة بضيم بقهر....
حتى لو تزوج وش فيها؟؟ ما انت ذايق كل شي رح يذوقه!
بدال مايحمد الله علي جالس يدور غيري!!
بدال ما يكون اقوى ..!!!!

هالشي بالنسبه لي مصيري
لاتقولون حق من حقوقه وعادي
اعرف هالشي
لكن انا لااا مستحيل اكمل معه
وهو داري
حتى حبوبي كنت فاكتها ابي احمل
قبل مااطلع رحت شريتها
مستحيل حتى افكر احمل وهو ناوي يتزوج!

هل تتوقعون ان اللي صار محض صدفة؟؟!!
حتى لو صدفة , يمكن مالقى شي باليوتيوب وراح يدور باماكن ثانيه؟
خصوصا ان زوجي متاكدة منه ما يحط الشي براسه الا مفكر فيه الفين مره!!!!
التعب ذبحني , ومارح اقدر اكلمه او اتناقش معه!

كنا مخططين على اشياء كثيرة
واللحين حتى وجهه مالي نفس اشوفه
متضايقه منغبنه
بخاطري اصد جد اصد
اعطيه واجباته وابعد
يحس بوجودي شوي!
يحس بقيمتي شوي!

ما ذبحني ان وده يتزوج
قد ماذبحني انه ماجا بباله اني فعلا رح اتركه؟
حسيت اني صغيره بقلبه وعيونه
عجزت القى سبب راجح يخليه يفكر كذا!!!
لو فيه اسباب كان قلت عادي
لكن شعوري يذبح

وش رايكم
اريحوني

وساوس ياأختي، حسستيني إنّو مملك ، انتي طنشي وبيني حبك له مو العكككس
بالعكس اقربي منه واحتويه والأهم انك تجددين في شكلك ، لبسك ، البيت.
لو تسوين حفلة انتي وياه وتلبسين فستان ابيض وتصيرين انتي العروسة

المهم اشغليه ،
اعتقد والله اعلم اللي زوجك فيه يسمونها أزمة منتصف العمر الكابتن جرانة متكلم عنها باليوتيوب ✔
تفائلي كلها فترة وتعدي بس اهم شيء حسسيه انه عريس
بالتوفيق

__________________
-

Ms. Spectacular

واذا قلت لك لي خمس شهور جالسة اسوي ترانفورميشن لكل شي!
يبي لي سنه على بال ما اخلص كلش , لكن جالسه احاول وربك
بس مو كله عشانه صراحة عشاني انا وعشانه
يمكن الروتين يتخلل , لكن تونا مالنا سنين طويلة
وغير كذا مافي منتصف عمر
عمر زوجي 29 لسى صغير

اختي انت تبالغين في مشاعرك لانه لم يحصل شي يستدعي ذلك
وعشان ترتاحين اكثر ما في رجل سوي ما يحب يعدد لكن مش كلهم عندهم الشجاعة لفعل ذلك
يعني زوجك طبيعي ان فكر وكل الازواج مش معقولة انك تدخلي حتى في احساسه

لكن انت في كل مرة حسسيه انه سيخسرك ان فعل من خلال قصص

اختي الله يهديك انتي جالسه تفكرين بتسريع موضوع زواجه هذا لو كان فعلا يفكر بالزواج
وماتفكرين كيف تمنعين هالشي انه يصير او على الاقل تحاولين
فـ بدال تفكيرك بتركه وهالكلام حاولي انك تشوفين وين النقص
وابعدي عن موضوع ماني مقصره والكلام اللي كل الحريم يقولونه كـ تخدير لنفسها
شوفي وين الخلل
جددي حياتك
اكسري الروتين
كل الرجال تقريبا اذا راح لعرس او شاف عريس يطري على باله الزواج ويحن للتجديد
ولكن كل هالافكار تتبخر مع اهتمام الزوجه فيه

اذا بغى يتزوج فراح يسلك نفس الطريق اللي سلكه صديقه

مايحتاج يبحث عن خطابة بالنت وصديقه عنده

__________________

الرجال يحبون أنهم يحلمون ويسعون رغم أنهم يدركون بوعي أو بغير وعي أنهم لن يصلوا
خليهم ياخذ جوه وكأنك ماشفتي شيء
لو اطلعت كل زوجة بما يفكر به زوجها أو يحلم لما بقيت زوجة مع زوجها..
عاد يالله هذي معلومة مجانية من وسط الرجال

__________________
ياصبحِ لاتِقبل !!
عط الليل من وقتك..

سؤال
هل صديقه تزوج على زوجته قصدك ولا اول زواج له ؟

حبيبتي اتركي الوساوس
بيتزوج عن طريق سناب شات خطابه يعني

مرحباً أختي

بما أنه يبحث في النت عن طريق خطابة .. فالظاهر أن صديقة تزوج بهذه الطريقة وأخبره أن الخطابة لديها الكثير من المواصفات .. فكل مافي الأمر هو فضول من زوجك لأن صديقة أدخله في حلم جميل

فكوني طبيعية ولا تتأثري .. وأعلمي أن الله لو قدر زواج زوجك فسيحدث سواء بمعرفتك أو بدون وسواء برضاك أو بدون وسواء الآن جعجعتي وقلتي سأفعل وسأفعل أو سترضي وقتها .

كل ذلك في علم الله .. فتطمني وأدعي لنفسك ولزوجك ولطفلك بالخير والتوفيق والسعادة وأن يحببكم في بعض


بارك الله فيك