ما ادري ليه باكتب الموضوع مع اني تصرفت و اغلقت جميع الابواب لكن اللي اعرفه اني الى الان تحت تأثير الصدمة
و يمكن يفيدكم في توعية ابناءكم و اخواتكم من مثل هالحالات او ع الاقل يكونون يعرفون انهم ممكن يطيحون بمثل هالحفر


عندي حسابين بتويتر حساب باسمي الصريح و حساب اخر باسم مستعار ، المستعار اكتب فيه من قبل لا يشتهر تويتر و لا يعرفه الا صديقاتي و الصريح فيه كل من يعرفني

وحدة من قريباتي توصلت لحسابي المستعار عن طريق صديقة لي شاعرة كنت اتابعها بكل حساباتي و طبعا في اشياء مشتركة مثل اخبار الجامعة و التخصص و كذا خلتتها تعرف ان ذا حسابي و دخلت عليّ بحساب جديد ع اساس نكوّن صداقة بتويتر " قريبتي هذي سوت نفس الحركة في بنت عمي قبل 4 سنوات و استمرت سنة ونصف ثم ربي كشفها و م زالت حتى الان تدفع الثمن لأن الكل صار يبغضها و يخاف منها وكنت الوحيدة اللي معاها لأن امي الله يهديها اقرنت رضاها بعلاقتي مع هالبنت ولاعتقادها ان الانسان يخطئ واذا انكشف تاب "

المهم الحمدلله كشفتها من البداية وواجهتها و انتهى كل شيء و من فضل ربي اني امتلك ملاحظة قوية جدا و قوة في الربط ، طبعا هي انكرت و لما وريتها الخيوط اللي وصلتني لها اعطتني بلوك !!

في المواجهة قلت كلام قاسي جدا جدا و بعدها ندمت و اليوم ارسلت لها رسالة مفادها اني ما ابي استقبل شهر الخير و في نفسي غل و شحناء ع احد سامحتك ابتغاء فضل ربي و راحة لي اني بافتك منك طول حياتي لكن مسامحتي ما تعني اني نسيت فعلك ---

اللحين انا من قلبي مو مسامحتها بس ابي اسامحها و لا اقدر مدري كيف اوصل لكم يعني تخيلو نفسكم مكاني الانسان اللي وقفتوا معاه يجازيكم بطريقة رخيصة و --- و كأنه يبي يصيد عليك غلطة !!
بتسامحونه ؟ علموني شلون

و كيف اتصرف اذا قابلتها بالمناسابات ؟ خصوصا اني كثيرة توزيع ابتسامات و شايله هم فوق ما تتخيلونه اني اناظرها بالغلط ابتسم لها و تقوم تحسبني اشتقت لها

حاولت اختصر قدر الامكان

اعتبريها مثل اختش وانصحيها وعطيها الثقه يمكن تحس بالعزله من البعض والنفور منها وهالسبب خلاها تتمادى بأغلاطها

اظن محتاجه احتواء وحد يفهمها

__________________
وهل من مصير اخر ؟

اهم حاجه السلام بعدها اذا مومتقبلتها كأنها مو موجوده

__________________
اللهم صَل وسلم على نبينا محمد

حاولت تصيدك يعني وتشهر فيك عند بنات جماعتكم كذا قصدك
والله لو أنا منك بسامحها بيني وبين نفسي ليه ارسلتي لها مره ماله داعي
ولو أشوفها استحقرها وانا الي أشهر فيها وأخليها تندم إنها سوت معاي كذا

حصل معاي انا مشتركه في منتدى وجاتني خاص تسولف معاي وطلبت رقمي ورفضت طلبت حسابي في التويتر أعطيتها وبعد مده حاولت تجرني في كلام وطنشتها بعدها قالت أنا ولد مو بنت هنا شكيت قلت والله انها وحده تعرفني وبديت رحلة البحث ههه
دخلت ع تغريداتها القديمه مررره ولقيت الردود الي عرفتني عليها وصورتها وكل كلامها الي ارسلته لي ماحذفته وخليت زوجي يشوفه
ودقيت ع أمها وعلمتها وزوجي أرسل لأبوها كل الي سوته ورجعت تتحسب علي كنت أمزح معاك بالهبله وانا أعرفها حقوووده جداً الله يهديها قلت لها أسكتي ولا كل ردودك الي في المنتدى بخبر زوجك عنها هههه تحش في زوجها حش مو طبيعي توصل للعن أحياناً

المهم انتي ياعسل لا تعطيها وجه أبداً وإسفليها

ما كانوا ينفرون منها الا بعد غلطتها مع بنت عمي و في غلطتها قلت نفس كلامك و وقفت معاها واحتويتها

بس ما فيها طب

اخاف اني حتى بالسلام اصدها و اتجنبها لكن ربي يمسح ع قلبي

لا ما تبي تشهر فيني هي بس تبي تكشف الناس تعرف وش وراهم

انا ممكن اسامحها اذا كنت ما اعرفها و لا خسرت اشياء عشانها يعني انا بنات عمي كان في خاطرهم شيء عليّ لأني معاها و حتى بأي مناسبة تنشب لي و يشهد الله ما ابالغ اذا جيت بروح للبنات تجلس تبكي و تقول اهون عليك ؟ اقوم اكمل جلستي معاها

يعني ما اشوف في شيء مني يستاهل انها تحاول تتجسس عليّ و اشوف اني ما استاهل هالفعل منها
لو من غيرها ممكن انسى بس هي غابنتني

و قريبتك ذي خليك دايم حذرة منها الا ما يجي يوم و ترجع لك بطريقة ثانية لأن للي يوصل هالعمر و الحركات ذي فيه بشيب راسه و لا تركها

الله يشغلهم بانفسهم

الله يصلحها وحد فاضيه
تظن السالفة لعبه مش مدركه حجم تصرفها
طنشيها سلام وانتهى

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

انا اشوف ردة فعلك جدا مبالغ فيها حتى لو تضايقتي من الفعل..

بالذات انه ماجاك منها اذى بطريقة مباشرة وكله من باب اللقافة..

بالنهاية هو حساب منشور كل الناس تشوفه حتى لو كان باسم مستعار

__________________

اختلافي عنك لا يعني اختلافي معك

ما ادري يا فانتي انت شلون شايفه الموضوع ما يستاهل !
انا ما كانت ردة فعلي كذا الا لأني عرفت انها لا يمكن تتغير و رجعت لوضعها السيء

الآن من بداية السالفة و انا تجيني اضافات ع السناب من حسابات نقاطهم قليلة يعني حسابات جديدة و سنابي مو فاتحته برقمي حتى اقول احد ملقوف يخزن ارقام و يضيف

المهم اخر سناب كان اليوم العصر سويت اضافة كمان و ارسلت " اهلا " ع طول حذفني
الانسانة ما منها خلاص ربي ابتلاها بكذا و ابلشتنا معاها