السلام عليكم ورحمة الله وبركاته

عندي موضوعين واحد منهم حاس بتأنيب الضمير والثاني محتار كيف اتعامل معاه بطريقه ذكيه

الموضوع الاول واللي بصراحه حسيت بتأنيب الضمير ولكن انجبرت عليه
وهو انه اتصل علي واحد اعرفه معرفه سطحيه وهو من نفس القبيله ولكن معه جنسيه اماراتيه وعايشين في الامارات من قديم
المهم اتصل علي ويسألني عن اصل واحد لانه تقدم لهم وقايل لهم انه من الفخذ الفلاني والحقيقه خلاف ذلك
والمشكله اني اعرف الانسان الخاطب ونعم فيه اخلاق ودين وحاولت اني اتخلص من الرجال وقلت له دور غيري اسأله ورفض واصر علي وقالي بذمتك واعتبرها اختك لو كانت اختك تزوجه والا لا فـ اجبرت اني اقول الصحيح وتفركشت الخطبه
والله اني زعلت وحسيت اني قطعت نصيب الرجال والبنت ولكن وش اسوي

الموضوع الثاني وهو ان تقدم انسان محترم لبنت اختي اليتيمه وانا اللي قايم فيها بعد الله عزوجل والرجال محترم ولاينقصه شي ولكن حالته الماديه ضعيفه شوي وساكن في نفس المدينه اللي انا فيها بالصدفه
المهم فكرت اني اعطيه شقه لان الايجار في المدينه اللي انا فيها مرتفع جداً ولكن مدري كيف اوصل الفكره بطريقه مااحرج الرجال وبنفس الوقت اخليه يشيل المسؤليه ومايعتمد علينا ولايحس ان البنت بايره ورامينها عليه
فـ انا حاب اساعده عشان ترتاح بنتنا ويقدر يعيش اهله ابن الحلال عيشه كريمه وبنفس الوقت خايف تصرفي يكون خطأ ويترتب عليه امور ثانيه

انت مدحت في الرجال بس علمتهم حقيقة اصله
لو الرجال و النعم فيه ما اخفى حقيقة نسبه لان هالشيء حرام

الموقف الاول اشوفك ماغلطت انت عطيت رايك والقرار بيدهم
الموقف الثاني ماعرف ايش اقول لك بس ماعجبتني الفكرة 😞

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

ماضيعنا غير الحكم على الناس بالمظهر، اخلاق ودين يعني لبس معين ويصلي بالمسجد وو إلخ...

أبسط الامور ان الواحد مايكذب في شي مثل النسب، بالله هل هذا شي من الأخلاق او من الدين؟

بالعكس انت تصرفت كما ينبغي والمشكلة في الخاطب الي جاي يكذب في شي "تافه" والمثل يقول من يسرق بيضة يسرق ثور،، انقذتها جزاك الله خير


واما بنت اختك، جميل انك تساعدها لكن مخاوفك كذلك في محلها، خليه يعتمد على نفسه اول سنة على الاقل وحسب معاملته معها بتعرف اذا بينفع معه الكرم او لا.. نحن كبشر عموما كل شي نحصله بدون تعب مانعرف قيمته ونستهين فيه.. خليه يتعب شوية

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

موقفك الأول سليم

فلا تستطيع الكذب

الموقف الثاني

لدي سؤال

هل أنت تصرف على بنت أختك ؟

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

اتفق مع من سبقني في الموقف الاول
اما موضوع بنت اختك ما اتفق معك
الشقة الي كنت مقرر تعطيهم أجرها على غيرهم
وإيجارها خصصه مصروف لبنت اختك
مثلا لو الشقة إيجارها 24الف أعطها مصروف ألفين ريال شهريا أودعه في حسابها
اشوف انها تكون مصروف في يد بنت اختك
أفضل

__________________
((عندما سكت أهل الحق عن الباطل توهم أهل الباطل أنهم على حق ))
علي بن ابي طالب
منعا الالتباس أنا رجل !

موقفك الاول
هذي مشكلة اغلب الناس يحس اذا قال الصدق وتفركشت خطبة انه هو المذنب

موقفك سليم 100٪‏

الثاني

ونعم الخال انت
اشوف انك توصل لبنت اختك فكرة ان عندك شقة للإيجار وهي تقترح ع زوجها

و انت برا و بعيد اللهم انك تلمح للبنت و اذ هي تبي قربك راح تقنع الرجال
اما حكاية المصروف الشهري اشوف مالها داعي أبد و راح تسبب تتش بينها وبين زوجها

هلا أخوي ..لا يأنبك ضميرك ولا شيئ .. والمزوج الله سبحانه .. وعسى بالأمر خيره ..
وانت ما قلت إلا الصدق .

بالنسبة للموضوع الثاني أنا مع رأي الإخوان .. اجعل الشاب يعتمد على نفسه كبداية ، ولا بأس بأن تساعد البنت بمصروف .. ومستقبلاً إن رأيت أن الوضع متأزم ربما تعرض على الرجل الشقة أقول ربما وبأضيق الحالات .. وجزاك الله خيرا .

__________________
كيف اقاوم الهم والألم. بالسجود راحة واطمئنان.

نهاية نوال..!

الموضوع الاول
كان نصحته أول انه لا فرق بين عربي ولا أعجمي الا بالتقوى.
وبعدين انت ما كنت السبب ، ماصار نصيب معناته (قضاء وقدر) وربي يرزق البنت والرجال بالأفضل ان شاءالله.

الموضوع الثاني والله هذا خير وشيء جميل منكم ماشاءالله ومين يرفض الخير..
خل احد يلمح له من بعيد انك (ناوي) تعطيه شقة وتفكر بالموضوع مو (أكيد ) هنا اعتقد الرجال راح يفرح وراح ينتظر الخبر الأكيد ولما يجي الخبر الأكيد منكم بإذن الله راح يقدر هذا الشيء لأنه ما جا بسهولة (من وجهه نظرهه) .
طول بالتفكير شوي يعني خذ وقت أسبوع أسبوعين الوقت اللي انت شايفه مناسب..
والله أعلم ،، الله يكتب لكم الأجر..

__________________
-

الموضوع الاول

شيء مكتوب وخارج عن ارادتك, ولو كانت مكتوبه له ماصار اللي صار. والكذب لايجوز. دائما الصدق هو النجاح. ربما سويت خير فيه وفيها؟

الموضوع الثاني

اقترح تأجر الشقه عليه بسعر رمزي, ولا انصحك بمساعدتها بعد الآن الا عند الحاجة القصوى ومايكون زوجها على علم بمساعدتك. والله يجزاك خير ويكثر من امثالك.

.

__________________
الجنس: ذكر