زوجي بعيد عني مقصر معنويا وماديا وهمه الخروج من البيت ويقضى اغلب يومه برا البيت شتكيت وبكيت وذكرته بالله وحذرته من مغبة اهمالي فانا اول شي عمري 24 سنه وام لطفله واحده وهو مانعني لدراسه والانجاب عشان ابقى الانثى الجاريه التي تسعى لتدليله والاهتمام به فقط يريد كل حقوقه كامله وحقوقي اغلبها ناقصه مايجلس معي كفايه وحياتي كلها غسيل وطبخ وانترنت وزوج غائب ومقصر علي بالمصروف احبه ولكن بداخلي نار لاتنطفي يحبني ويموت فيني ويضيع لو ابعد عنه لكن اهماله وكلماته لاتتصلي علي لاتزعجيني انا مابغى اجلس معاك بالبيت انا مرح امشيك ولارح عطيك مصروف كلماته هذي تذبحني من الوريد الى الوريد واتمنى بداخلي اخونه عشان تبرد ناري طبعا اخونه مااخرج ولا اكلم بس ابي ادردش بالشات ابغى اهتمام ابغى كلام حب يشهد الله اصد نفسي واتعوذ من الشيطان ولكن نفسي انتقم منه واخلي اهماله لي ينفعه نفسي اخدعه والقى وناستي من غيره وش اسوي بقلبي نار ماتبرد ادعولي ترا والله باقي ماسويتها بس اقول مافي شي يبرد ناري من اهماله لي الابالطريقه هذي

من اتقى الله أحبه الناس وإن كرهوا ودع ابن عون رجلاً فقال: عليك بتقوى الله، فإن المتقي ليست عليه وحشة. وقال زيد بن أسلم: كان يقال: من اتقى أحبه الناس وإن كرهوا. وقال الثوري لابن أبى ذئب: إن اتقيت الله كفاك الناس، وإن اتقيت الناس لن يغنوا عنك من الله شيئا...

اختي....

شخصية الرجال تختلف وهم شطارة كل وحدة فيكم تختلف. عن الاخري ... الزوج كذا لاتتهاوني بحقوقك ماأقول صارخي ولا تخانقي لا كل شئ بالهون
بدل دخولك للشات ...ادخلي مواقع وطوري من شخصيتك

واعرفي شخصية زوجك من خلال المواقع المتخصصة

أختي الكريمة : وفقك الله ... إن كان زوجك لا يراك فرب زوجك يراك ؟؟؟

أعرف أنك محروقه لكن الذنب ذنبك الله بحاسبك انت ماراح يحاسب زوجك بالخيانة "" ولا تزرو وازرة وزر أخري"" يعني أهم شيء انت كيف مع الله مع القران مع الدين مع قصص الصحابة ...

حاولي تكتشفين وش الشي الي يحبه زوجك ؟؟؟ كورة .. أخبار .. قصايد .. شعر .. وبعدين حاولي أنه يصير بينكم نقاط تقاطع ... وبعدها ان شاء الله تشوفين نتائج مرضية ...

بالنسبة للشات فأرجوك أن تقرأي موضوع يال عظم مصيبتي قد أنتحر ... علشان تعرفين وش بداية الدردشة وش نهايتهاااااا والخيانة تعتبر خيانة بتفكير بدردشة بجوال وبرسايل لو بالخيال تعتبر خيااااااااااانة...

والله اذا بتخونين ماارايحه تخونين الا نفسك حطي هذا الشي في باالك وماتنتقمين الا على نفسك

الرجل لو يعرف انك خنتيه ياااخذك ويرسلك بيت اهلك مع ورقة الطلاااااااق وكذا هو ابراااء ذمته ويشيلوون عيبك اهلك

لاكن اتقي الله في نفسك وفي بنتك تراااا ماهو انتي الوحيده الي هاااملها زوجها

هذا عذركم يالرجال انها موالوحيده اللي زوجها يخرج نسيتم اننا امانه عندكم ولو الرجل اهملته زوجته قلتم وش مصبرك طلقها والا تزوج عليها ولكن تاكد ياخي من مجتمعي ومن نظرنا احنا النساء اي واحد مهمل زوجته يستاهل انها تلعب وتخددددددددددعه ويعيش سي السيد مخدوع طول عمره وهذا جزاه واقل من جزاه

هذا من قل الواازع الديني الي فيك

والله ثم والله لو انك زووجتي وربي ماتجلسين دقيقه في بيتي حتى لو مااخطيتي لاكن لو هذا تفكيرك الله لا يبلاانا بس

::
راح تنتقمين من نفسك وليس منه
وستحتقرين نفسك كثيراً ولن تحترميها بعد ذلك
غاليتي كوني أقوى من كل الضغوط وكل المغريات
* *

فالجنة حفّت بالمكاره والنار بالشهوات

* *
وحاولي بذكاء الأنثى جذبه إليكِ
وإذا لم يميل عيشي حياتك وتمتعي بها
لكن تحت مظلة رضى الله فهناك في الحياة
أمور أهم من الزوج لتقومي بها
من دراسة وعمل وتربية الابناء وتنمية مواهبك
والإنخراط في عمل تطوعي إجتماعي

::
وفقك الله

كم عمر زوجك ..؟
وهل هو مدخن ..؟
لان المشكلة أخت / جرح
الزوجة تأتي وتطرح المشكلة ولا نسمع من الطرف الاخر
اكيد عنده اسباب تجعله يهجر البيت ..
راجعي نفسك هناك سر ما .. مختفى من هذا البوح
عملية خيانة الزوجة او الزوج .. اى انسان يقدر يعملها لكن
هناك رادع ذاتي ... قبل كل شي .. ياليت نعرف ما لدى الزوج من سبب ..
مستحيل يطلع من البيت الا لسبب ..
واعتذر من ذكر بعض الاسباب هنا .. قد تكون من الزوجة او الحياة الاسرية
بصفة عامة ... وفقك الله ..

المرااه الي يذهب تفكيرها في هذا الطريق للانتقاام فهي لا تنتقم الا من نفسها

أختي/ياجرح
حاول تتقربي من ربك أكثر وأكثر والله الذي لا إله إلا هو تذكري جداتنا في الماضي
كان الرجل جلسته قليله جداً في البيت وأسألي إن شئتي
لو ما جلس معاك زوجك تفقدي نفسك شوفي إيش يحب زوجك وإيش يكره
ادخلي داخل زوجك إدخلي داخل فكره وقلبه وكيانه وخلييك قريبه منه
والله إن فكرتي بطريقه سيئه ثقي تماماً إنك ماتلومي غير نفسك وماتضري غيير نفسك
ولاتشوهي غير نفسك ولاتهزي غير سمعتك إنت وسمعة أهلك
وإن كان زوجك مايجلس معاااك خير ياطير؟؟؟؟
ولو كل زوج ماجلس في بيته كل زوجه تخوون والله قوييه من أمّ مثلك!!!
لاتحذفي موضوعك واجلسي مع نفسك جلسه هادئه أي بمعنى تفقديها،،،،،،،،،
.
أسأل الله أن يصلح حالك ومألك،،،،،،،،