السلام عليكم ورحمة الله وبركاته
كثرت شكواي ومواضيعي في المنتدى ولكن والله لاني اعتبرتكم اخوه واخوات لي اشكركم من كل قلبي على وقوفكم بجانبي واتمنى ان اجد لديكم مايزيح الهم عن خاطري فليس لي بعد الله سواكم انا الزوجه الثانيه واعيش بعيده عن زوجي عندما كنت في بداية مراحل الزواج كنت ارفض فكرة تعدد الزوجات لقناعه في داخلي انها خيانه لجميع الاطراف يعني كيف الزوجه الي تحب زوجها تتخيل وهو مجرد تخيل ان زوجها على الفراش مع امرأه اخرى... وكيف الزوج الي يحب زوجته يستطيع ان يعاشر غيرها ؟؟ وشاء رب السماء ومررت بضروف صعبه حدتني على ان اكون زوجه ثانيه حاولت التغلب على موضوع الغيره ولكن شيء بداخلي تاااااااعبني زوجي اذا تكلم عنها احس اني بموت من الغيره حتى لو قال موضوع عادي بس اتخيل انه مع وحده ويتكلم معها قلبي يعورني لما يرجع لبيته بدري ويقول تاخرت انقهر وتجيني افكار كثييره انه بيروح يعاشرها الحين اي موضوع له صله في زوجته يقهرني واحاول اخبي بس من القهر ما اقدر تكفووون ساعدوني كيف الزوجات الثانيات متعايشين مع الوضع وكيف بيكون وضعي بعد فتره ؟؟ يعني بتغير ولا بتزيد غيرتي الله يستر |
لما يرجع لبيته بدري ويقول تاخرت انقهر وتجيني افكار كثييره انه بيروح يعاشرها الحين
كان يجيني نفس الشعور كنت احس بالم يقطع قلبي يمزقه يحرقني اختي ماراح اقولك غير شى واحد انه من لا تستطيع الزواج من معدد فلا تقدم على هذي الخطوة وخاصا اذا كان المعدد لا يملك الحكمة بل يتلذذ بحرق زوجاته المعدد الحكيم هو الي يطفئ نار الغيرة بين حريمه ولكن ماعاد في حكمة الحقيقة انا تعبت من الدخول الي مواضيع المعددين مابي اخسر قلوب حبتني وحبيتها سواء من الزوجات الاولات او الثانيات مااعتقد انه في زوجة اولى او ثانية تدخل الي المنتدى وتشكي الا وهي حاسة بالظلم لان الظالم مايحس انه ظلم ولا يشتكي بل يزيد في عماه قد يقع الظلم على الاولى والثانية وقد تكون كلاهما ظلموا بعض ولكن يرجع كل شى الي حكمة الرجل استمدي القوة من عقلك واعطي اشارة لكل جوارحك بالنسيان لا تقولي ماقدر تقدرين اذا عزمتي انا الان عند اهلي ولا افكر بانه معها ومستانس بل نسيت واجبرت نفسي على النسيان لانه مافي حل غير ان الوحدة تنسى وتتماشى مع الظروف يوم يروح لها انسيه واعتبريه ليس له وجود بهالوجود ويوم يكون معك اعتبيره انولد يوم جاك وهكذا... حتى تتعود نفسك كثر مواضيع التعدد سببت الحقد والكراهية بين الاخوات ولو كان التعدد مشروع للنساء لما شفنا رجل يحارب رجل ..ليش احنا نحارب بعض سواء الزوجة الاولى ولا الثانية والامر مايعني ولا وحدة فينا فكلن منا تحس بالظلم ولا نعرف ظروف بعض بغض النظر عن من فينا المظلوم او الظالم بالنهاية الرجل هو الي يظلم وانا واصلة للنتيجة هذي من زمان انت ايها الرجل من تستطيع ازالة الحقد والبغض بين زوجاتك بل تستطيع ان تجعلها زي الاخوات اول لقاء لي مع ام عيال زوجي ولن اقول ضرتي ..تبادلنا الهدايا وفرحت للقائها وصرنا نتكلم كاننا نعرف بعض من زمان شعرت بنوع من الامان اتجاهها ..وتكلمنا على اساس اني بسكن بنفس الحارة عشان نكون قريبين من بعض ..كان كل يوم يجي زوجي وكان يبلغ لي سلامها وكنت ابلغه سلامي لها ومع الوقت انقطع السلام وعرفت انه في شى تغير كنت كل ماصار بيني وبينه مشكلة اقوله ترى انا مااغار منها لا تزرع الغيرة بينا بس الي كنت احسه انه كان يسعى لزرع الغيرة جاهدا مرة من المرات دقت عليه وصار يكلمها عندي ويتبادلون الضحك وكان يضحك من كل قلبه وانا انقطع الضحك بيني وبينه بكثر المشاكل والهموم انفجرت واخذت الجوال منه ورميته فووووووووق السرير وقلت لاعاد تكلمها عندي لا تكلمها عندي مع العلم انه اول بداية زواجنا كان الكلام بينهم جدا عادي وحتى لو دقت عليه يرد عندي ولا كنت اشعر بشى ..بس المود تغير مع الوقت ووصلني شعور ان زوجي يبا يزرع الفيرة بقلبي اتجاهها يوم كنت او واياها بالسوق كان ثوب زوجي ولا شماغ ماذكر مو معدل وكنت ابي اعدله له من الخلف بس راعيت شعورها وقلت لها عدليه انتي ويوم نزلنا عشان نركب بالسيارة معه كل وحدة فينا وقفت عشان تسمح للثانية انها تركب بالمقعد الامامي ولكن حلفت ان هي من تركب بالمقعد الامامي وتكلمنا كثير وقلت لها حتى لو تزوج عليك تبقي انتي ام العيال واول فرحة لها دعيت الله ذاك اليوم من كل قلبي انه ينزع الغيرة بينا ونصير فعلا زي الخوات بس زوجي غيرها وغيرني نعم هو السبب مهما سوت هي ولا انا يبقى هو السبب انا انسحب من مواضيع المعددين فو الله ليس ضعف ولكن مابي اخسر خواتي ولا ابي اوسع مساحة الحرب بين الزوجة الاولى والثانية نبقى احنا اخوات ايش مايكون وضعنا ويبقى هذا المنتدى هو دائما الي يجمعنا كما اسال الله ان يجمعنا بجنات النعيم ونتقابل بدار الاخرة اعتذر من كل من صار بيني وبينهم جدال اعتذر وياليت نلتمس لبعض عذر اعتذر لجداوية واحلاهم واقول لا تاخذنا العزة بالاثم ونحرق بعضنا بعض مابي الي شاركوني همومي بيوم من الايام اكون انا سبب اساءة لهم او يكونون سبب جرح لي عمتنا الغيرة وصرنا نقطع ببعضنا بعض عشان ايش عشان رجل لم يعرف الحكمة ولا العدل بحياته السموحة لكل من حسوا اني جرحتهم او تماديت بكلام عليهم عذرااا لقلوووووووب احبها وتحبني فها انا جيت ارجع للقوب صفائها من جديد احبكم |
ما يحس بالنار الا قدم واطيها!!!!!
كلامك يعور جميع خلجات وجوانب وفتحات ومساحات وزوايا القلب بس للاسف محد بيحس فينا الا زوجات المعددين امثالنا ولو شكينا قالوا تستاهلين ليش اخذتيه من زوجته!!! كأن الزواج ليس قدر ولا هو بشيء مكتوب منذ يولد كل انسان في هالدنيا وهو مكتوب له مين بيتزوج وكم عدد اولاده وسعيد ام شقي!!! الله لا يجعلنا من الاشقياء بسبب رجل فعلن لا يوجد انسان على وجه الارض يستاهل القهر والاهانه ولكن قلوبنا ضعيفه ومهما حاولنا ننسى مانقدر والله اني اموووووووووووووت من الالم وانا اسمع زوجي وعشيري وحبيبي يظحك مع زوجته في الهاتف احس بحرقه في داخلي ولكن ما باليد حيله اعلم انها زوجته ولكن مثل ما انا اخترت ان اكون زوجته هو ايضا اختارني ليه اختارني اذا بيعذبني؟؟؟ المفروض كل رجل يراعي شعور زوجته ولكن لا حياة لمن تنادي اتمنى يجيني وما يفتح موضوعها او اقوله سالفه عن نفسي وهو مايدخلها فجأه في الموضوع ويقول: ذكرتيني بأم فلان الله يذكرها بالخير كانت كذا وكذا وكذا كلامك اثر فيني كثيير بس انا ما اظن ان يوم بيجي ونجتمع نحن الثلاثه في مكان واحد انا وهو وهي لاني ما اتحمل وهو مايستاهل اقهر نفسي علشانه الله يفرجلي ويفرج همك ويمسح على قلب كل زوجه مقهوره من زوجها اللهم لاتشغل قلوبنا بغير طاعتك |
تكفووون ساعدوني كيف الزوجات الثانيات متعايشين مع الوضع وكيف بيكون وضعي بعد فتره ؟؟
يعني بتغير ولا بتزيد غيرتي الله يستر |
اعتذر لجداوية واحلاهم واقول لا تاخذنا العزة بالاثم ونحرق بعضنا بعض |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|