مرحبا اخواني واخواتي .. راح ادخل ب الموضوع على طول ..
عندي مشكله مع زوجي وحابه تساعدوني ﻷني في حاجه ماسه لنصائحكم
اللي ما استغني عنها في هالمنتدى المميز ..
انا متزوجه من ست سنين وعندي بنتين الله يحفظهم .. عمري 27 و زوجي 35
خلال هالسنوات الست صارت مشاكل كثيرره ف حياتنا الزوجيه
وماحسيت بأي استقرار وكنت كل شهرين ثلاث عند اهلي ( لانه كان هو اللي يطردني )
زوجي انسان عصبي وعنيددد وعقله صغير بمعنى الكلمه ويبغاني اكون كامله مكمله ..
ويدور الززززله واي غلطه مني يسوي منها مشكله ويكبر الموضوع وينتقدني كثيرر
ف لبسي وشكلي وكل شي .. طبعا انا ما اقول اني انسانه ملاك وماعندي عيوب ..
بس المشكله هو ما يشوف عيوبه ابد ودايما يحط ف باله ان كل الناس يتحدوه ويعاندوه
وما يسكت عن اي زله او غلطه لحد ما ياخذ حقه سواء مني او من غيري حتى من اقرب الناس له ..
وحاولت عدة مرات افهمه انه هالشي غلط بس للأسف ما يقتنع ويقول لي ( اللي ملعون لازم اكون العن منه )
ويتعامل مع اللي حوله على هالاساس . .
والشي الثاني اللي خلاني اكتب مشكلتي هنا هي ( الخيانه )
زوجي من 3 سنوات وهو يعرف وحده ويراسلها بين فتره وفتره ..
قبل سنتين اكتشفت اﻷمر وواجهت زوجي وصارت مشكله وكان يدافع عنها وما يبغاني اغلط عليها .
وبعدها صار حريص اني ما امسك جواله وحط له رمز سري وهددني بالطلاق لو كلمتها
ولا راسلتها .. وقطع علاقته فيها فتره وانا فرحت واستبشرت خير ﻷن زوجي كان وقتها ما يعجبه
مني اي شي ونتقد جسمي وشعري ولبسي .. وعرفت بعدها ان البنت هذي فيها مواصفات
جماليه وزوجي يتمناها فيني وهالشي احبطني كثير وحطم نفسيتي رغم اني ولله الحمد
مهتمه ف نفسي واناقتي بس ماكان يبين ف عينه واو افرش له الارض ورد راح يشوف الورد
شوك لانه ماكان يتقبل مني اي شي اسويه . . استمر زوجي معاها فتره بس ماكان دايم يتواصل معاها
حاولت اعرف طبيعة العلاقه بينهم وكانت مجرد رسايل وصور ومكالمات بس مافيها
لقائات او مقابلات وانا اتأكدت من هالشي ..
وللأمانه زوجي يخاف من الحرام وانا لمست فيه هالشي ولله الحمد بس المشكله عينه طويله
ودايما يطلب مني اسمح له يتزوج ويبغاني اكون راضيه تمام الرضا في حال انه قرر ف يوم
من الايام يتزوج .. وبعد فتره صارت مشكله بيني وبينه وطردني من البيت وجلست
عند اهلي 5 شهور ماكان يسأل ولا يتصل وخلال هالفتره زوجي خلا له الجو مع اللي يعرفها .
واكتشفت انها كانت تراقبني في الواتس وتبغا تعرف اذا انا متواصله مع زوجي او لا ..
وكأنها كانت تعرف اني عند اهلي مو ف بيتي ..
وبعد مرور 5 اشهر من غياب زوجي عني عشت خلالها ف قهر وألم وعذاب نفسي
ومادي ومعنوي رجعني زوجي لعش الزوجيه ورغم كل شي رجعت معاه عشان بناتي اكثر
شي .. ولاحظت ان زوجي ولله الحمد تغير لﻷفضل وصار يعاملني ويحترمني اكثر
من قبل وزادت بيننا الموده وحمدت ربي على هالشي لانه من قبل ماكان يعجبه مني
اي شي مهما سويت .. واﻵن لي سبع شهور من بوم رجعت لبيتي وحياتنا ولله الحمد
مستقره نوعا ما وهذي اول مره من ست ستين اعرف طعم الاستقرار لاني من اول كنت كل
شهر والثاني عند اهلي بسبب زوجي اللي كان يدور الزله ويفتعل المشاكل عشان
اطلع من البيت ..والحين بعدما حسيت بالتغيير من ناحية زوجي وحسيت انه صار
يشوفني بعين حلوه ولكن لﻷسف ( يا فرحه ما تمت ) والسبب انه هذيك البنت
رجعت تراسل زوجي واكتشفت هالشي قبل اسبوع لما رحت اصحي زوجي للداوم
وصلت رسالتين على جواله وانا بشكل عفوي طاحت عيني ع شاشة الجوال لقيتها مرسله
كلام ب اسلوب مزح وكأنها ردت على مزحه قالها زوجي واخر شي كتبت له ( رد يادب )
هالكلمتين قهرتني كثيرررر وأجعتني كثيرررر لاني دايما اقول هالكلمه لزوجي وانقهرت
كيف تجي وحده غيري تقولها له .. طبعا حاولت اخفي حالة الغضب والقهر اللي كنت فيها
وصحيت زوجي ووحاولت ما ابين له اني شفت الرسايل .. بس كان مبين اني متضايق
شوي .. سألني ايش فيني .. قلت مافيه شي .. زوجي شك اني شفت
شي رغم اني ماعرف الرمز السري بس الرسايل تظهر ع الشاشه .
وبعد شوي طلعت من عنده وحاولت اخلي نفسي عاديه . هو لحقني وجلس يسولف
معي ب اسلوب غريب شوي ويضحك شوي .. كان يبغا يجس نبضي ويشوف اذا انا
عرفت شي او لا .. والحين لي كم يوم وانا غرقانه ب التفكير ومحتاره هل اواجه زوجي ب اللي
صار ولا اطنش .. رغم اني ما انصدمت باللي شفته مثل ما انصدمت قبل 3 سنوات
ﻷني اتجرعت كؤوس من المر واﻷلم منه كانت كفيله انها تخليي صدمتي اخف بكثيرر
من قبل .. بس بنفس الوقت خايفه ان زوجي ينجرف وراء هالبنت اكثر واكثر
خايفه ع بيتي وبناتي .. لا اخفيكم زوجي ما شاءالله ذكي ومكار وداهيه ما ينلعب
عليه بسهوله .. بس استمراره مع هالبنت وانقطاعه عنه لفتره وبعدين يرجع معاها .
هالشي يخوفني ويقلقني .. ماني عارفه هل اطنش وامثل دور اﻷعمى واعيش
حباتي ولا اواجه زوجي بكل شي ..
انا انسانه هادئه بطبعي وطيبه جدا ومسامحه واحب زوجي وبيتي وبناتي واكره
المشاكل .. بس مشكلتي افتقد حسن التصرف معاه .. على طول اعصب وابكي
واقول له كلام وارجع اتندم عليه بعدين ..

اعتذر منكم ع اﻷطاله .. ياليت تشوروا علي وتنصحوني ب كيفية التصرف
معاه .. والعذر لو فيه اخطاء املائيه لاني داخله من جوالي .

اختكم .. أتألم بصمت ..
مستجدات
الرد 24
http://www.66n.com/forums/showpost.p...2&postcount=24

الله يعينك ويفرج همك ويبعد بنات الحرام عن زوجك ويهديه
شوفي اختي انا عندي إحساس أن زوجك يحبك لو مايحبك
كان تزوجها وعندي إحساس انه اخذها تسليه ولو يحبها مايقدر
يفارقها والدليل يكلمها فتره وينقطع فتره
ولما زوجك يلاحقك ويبغى يعرف ايش اللي مضايقك لأنه حريص مايزعلك
انا اشوف انك تتجاهلين وحاولي تعوضينه وتهتمين فيه أكثر
لأن لو واجهتيه راح تصير مشكله زي كل مره وادعي له بالهداية واكثري من الاستغفار

مرحباً أختي

لا تتألمي بصمت... بل تكلمي بصوت

أعانك الله

السلام عليكم ورحمة الله وبركاته ..
ماشاء الله تبارك الله أنتِ وصلت إلى مرحلة جميلة ورائعة بعد مر وتعب رأيتيه ، لا أنصحك بالمواجهة خلال هذه الفترة ..
وركزي على تقوية الوازع الديني ولكن بالقول الحسن وادعي في قيام الليل بأن يصرف الله هذه المرأة عنكما ..
بالنسبة لفقدان أعصابك احرصي دوما عالوضوء وانشغلي بأشياء تُسعدك ..
ثقي بأن العصبية لاتُحل المسائل بل تزيدها ..
فرج الله همك ..

اشياء كثيرة لما نتجاهلها ونتغاضى عنها تقتلنا من جواتنا بهدوء وبرود ..وتموت فينا نظرة الحياة الحلوة ..ونصير نتامل انفسنا بالمراية بدون مانعرف انفسنا . اختي مالك غير الصبر انا عشت مواقف اسوء من هالمواقف الي عشتيها مع زوجك ..وللاسف كل يوم اموت ببطء بداخلي بدون احد يحس . حتى الدموع تحجرت بعيني وماعاد تنزل ...وفقدت الاحساس بكل شي حلو حولي ...

مدري يختي
اخاف تسكتين وتنقهرين
تخاف تتكلمين ويقلب الطاوله عليك

ارى اختي الغالية افضل طريقة التلميح وفيه موضوع جدا ممتاز اطلعي عليه
http://www.66n.com/forums/showthread.php?t=256138

والله يستر عليكم

صحيح كلامك وهذا اللي جالسه اسويه ( التجاهل ) مع انه هالشي يقتلني
بس افضل من المواجهه بكثير ﻷنه زوجي راح يستغل الفرصه ويقلبها ع راسي ..

ياليت ي أخوي اقدر اتكلم بصوت وثقه ياليت ..
لكن لﻷسف هالشي مش لصالحي ابداا..
أشكرك . .

الله يجزاك كل خير ع دعواتك .. والله عارفه العصبيه ما منها فايده
بس المشكله عصبيتي افرغها مع نفسي .. بدون علم زوجي ..
اجلس طووةل الوقت مشحونه ومقهوره واذا جاء الليل ادخل غرفتي
وابكي بحررررقه واحيانا اصرخ بصوت عالي عشان افرغ القهر اللي احس فيه
ﻷني ما اقدر انفعل عند زوجي ..مجرد ما اشوفه اعصابي تهدأ واذا سألني
ايش فيني مرهقه اتعذر ب البنات انهم طفشوني او اتعذر بأي شي
واحيانا والله من الضيقه اقوله نفسي اضمك واروح اضمه واقول ف قلبي ليه
كذا تسوي وفيني وتروح لغيري.. لكن .. الحمدلله