كما توقعت..ابوها اتصل وطلب يقابلني ولمن قعدت معاه يبي يصلح بينا لكن بدت الافلام ثام يقولي زوجتك دشت المستشفى اول امس ومدي شنو واليوم اللي انت كنت تبي ترد فيه مانت زوجتك ناطرتك ببيتك وراحت الصالون عشان تزين نفسها لك لاستقبالك لكن انت ما جيت بموعدك قمت رديت وقلت يعني ما وصلت مو لازم زوجتي تدق وتطمن ليش ما وصلت ولا اشلون !! قالي لا هي تضايقت منك لمن ما رجعت وراحت بيت اهلها .. مدري احس مو مصدق ان زوجتي سوت جذي..وما نطرتني اصلا..قام يقولي تحمل زوجتك عشان الحمل وما الحمل نفسيتها تعبانه لكن ظل طول القعده مركز على الكلام على بنته واشلون انا ارضيها .. والله مدري كنت محضر كلام كثير اقوله لمن شفته نسيت نص الكلام..نهاية الكلام خل يجي ابوك من السفر ونقعد كلنا نتفاعم وخلي بنتي عندي لين يجي ابوك وان شالله بنصفي الامور .. لكن الصراحه حسيت اني مهزوم واهم شي عنده بنته مركز على بنته حيييل ورد يقولي نفس كلام كل جلسه صلح معاه وبالاخير قالي عشاني تحملها وتحمل افعالها وعصبيتها عالاقل هذي الفتره عشان الحمل..افففف .. والله انا زوجتي متحملها بس دلها زاااااايد..والاصول ما تسويها

يا اخي ارسل هذي الرسالة لابوها انا ابغاه تحمل عندي وابوي ما راح يجي واعطيها اسبوع اذا ما جات البيت بنفسها
انا لي تصرف اخر وفعلا اذا ما جات ابدأ في البحث عن زوجة اخرى بس لا تطلقها هذي قرصة مؤلمة لها
(انا ادري انك ما راح تسمع كلامي بس صدقني ما راح تتعدل الا بمثل هذا الاسلوب ولو طلبت الطلاق فهي لا تستحقك هناك الملاينن اجمل منها واحسن اخلاقا )

سبحان الله وبحمده سبحان الله العظيم

باين فيك انسان مسالم و ما تحب المشاكل و لا تعرف تتفاوض على حقك
فلا تدهب له وحدك أبدا أبوك مو هون خد معك قريب منك واحد من أعمامك أو أخوالك و ادا ما حصلت حتى امام المسجد
هدا زواج و بناء على ميثاق غليظ مو لعبة كل شوي و هي رايحة عند أهلها و أنت الغلطان دائما الدنيا دروس و لازم نتعلم من غلطنا و نصلح و ندارك ادا لا فهده هي السفاهة بعينها

هو طلب مني المقابله وحدنا رجل لرجل .. ومع الاسف ما عرفت اطلع كل اللي بقلبي لاكن كلامك صحيح راح انطر الوالد لين يجي من السفر عشان مو كل مشكله تروحلي بيت اهلها ومشكوره مرورك

الحمد لله أخبار طيبة و أسلوب التجاهل جاب لك نتيجة طيبة

الله يوفقك و يكتب لك الخير

وأسأل الله تفريج الهموم و تيسير الأمور

نعم اخوي مع الاسف اسلوب التجاهل جاب نتيجه..والله الواحد يقول مع الاسف ما يحب الاساليب هذي .. الواحد يحب المسالمه مو الشر .. الله يسامحها زوجتي هي اللي سوت هذي الفجوة واضطرتني اني اتبع الاسلوب اللي اكرهه

اللي متابع مشكلتي راح يتذكرني انا زعلان مع زوجتي صارلي شهر عند بيت اهلها ما نتكلم كلش..ما تعرف عني شي ولا اعرف عنها شي انقطاع كامل..انا غلطت وهي غلطت بس الصراحه غلطها اكبر بل هي مقابل خطءي سوت مقابله اخطاء وايد ومن يومها عند اهلها..واهلي يدرون عن كل السالفه وانا الحين ببيت اهلي من فتره ما رحت بيتي..ابوها قعد معاي اتفقنا ان لمن يرد ابوي من السفر اول شهر اكتوبر نقعد مع بعض ونصفي الامور..واهلي مصممين ما تدق على زوجتك لانها ما سوت الاصول وتركت بيتها حتى لو زعلانه ما يصير وطلاما هي تبي كده انت لا تسال خليها هي تدق عليك تراضيك ولو ما دقت عليك ما تبيك..المهم انا الحين قلبي يعورني كل اللي يدرون سالفتي من الالف للياء يقولي لا تدق عليها الا لمن هي تدق عليك وتراضيك وهي حامل لازم تخاف عاللي ببطنها عشان ما يولد بين ابوين مفككين..وانا حاس مو قادر انطر اكثر من جذي وبغيت اكلم زوجتي واروح بيتي .. لكن مشكله بزوجتي مو ضامن ردت فعلها لو دقيت..يمكن ما ترد..يمكن تقولي ليش دقيت خلك مدى الحياة بروحك..ممكن تقولي سالفتك مع ابوي مو معاي..حينها سانصدم .. لانها غلطانه وانا اللي بديت معاها..وانا قاعد صامد صارلي شهر ما دقيت عليها المشكله ان يزيد العناد وهي كمان ولا حتى مسج واحد ولا دقت تلفون جنها قطتني بالزباله وما صدقت تخلصت مني..والله اعلم شي اللي بخاطرها..لكن اللي ظاهر ان زوجتي عنيييييده وما تتنازل ابدا..ابوي يرفض تواصلي معاها الا لما يرجع ويقعد مع ابوها يقولي لو دقيت عليها راح تضيع حقك ونرجع لنقطه الصفر وترجع لنفس الاخطاء خلك ثابت وخليها اهي تحس انها مخطءه وتدق عليك تراضيك لكن زوجتي ما دقت ولا عبرتني مدري شنو معناة هذا..وانا كما ذكرت اخاف ادق واندم واحس اني تنازلت عالفاضي وزوجتي تفكر اني راجعت نفسي واكتشفت اني غلطان .. انا لو ضامن ترحيب زوجتي وتفصل كل شي ونرد لبعض ولبيتنا كنت دقيت من زمان..الصراحه صرت مدري وين الصح من الخطأ وشسوي ابي اسولف ويا زوجتي حتى لو مخطءه كلنا خطاؤون ابي نرد لبيتنا ابي حياتنا الزوجيه ترجع .. مفروض من يتنازل هي ولا انا بس انا اتنازلت كثييييير وكثيييير انا ابدا يوم ما تصير خلافات بها الشكل هي ما تدق على زوجها كل هالمده ارشدوني يرحمكم الله

شفت موضوعك السابق المني
كثير مما صدر منها ومن اهلها
بكون معك صريح لاتطلع عن شور اهلك
وكسبهم بصفك مراكضك وراها خلاها
تمرد عليك ..بقولك قصة اخوي مع زوجتة
بختصار وتحصلها من ضمن مواضيعي للاطلاع
اخوي سلمك الله خريج شريعة اصغر مني
بسنة وحبيب ومحترم وملتزم والكل يحبة
مايبي المشاكل وعندة زوجة تزعل علي اتفة الاسباب واذا زعلت ماتجي الا بهدية لها ولمها وبواها تعذب المسكين دريت عن
السالفة قلت اسحب عليها وغير رقم جوالك
ابوها يدق علي جوالي مارد علية بعد خمس شهور جانا ابوها للبيت وتفاهمنا معة مضبوط وقال البنت تبي ترجع حطينا شروط ارجعتها وشفها الان زي الالف ومن بعدها ماقالت بروح بيت اهلي

__________________
سبحان الله وبحمده سبحان الله العظيم

هلا فيك ادري انك متابعني واشكرك على هذا..والله كلامك عطاني دفعه ورفعت معنوياتي..اتمنى بعد كل هذي المده زوجتي تعقل والله اخاف زوجتي تزداد جنون وتاخذ الموضوع بتحدي ايهما اقدر على البعد والفراق انا ام انت !! قسم بالله زوجات هاليومين راسهم يابس