الســـــــــــــــلام عليكم

كيفكم يا امهات اتمنى تكونوا بتمام الصحه والعافيه
احب اعطيكم هالمعلومه واتمنى تفيدكم

اذا كان طفلك رأسه مغطى بقشرة بيضاء سميكه(ربّة) قليلا فما تخافي ويمكنك ازالتها
ببساطه وبدون ما تضايقي طفلك طبعا احنا بنعرف انها بتصيب الاطفال اللي عمرهم ببدا من يوم لحد 6شهور تقريبا..
وفي ناس تحلق لاطفالها حتى ما تعود لكنها احيانا ترجعلهم لكن ما في داعي تحلقي لطفلك شوفي اول
شيء لازم يكون عندك فرشايه شعر خاصه بالاطفال ومتوفرة بالصيدليات ..
وتانيا جيبي زيت زيتون وادهني رأس ابنك على مكان القشرة وكتري شويه زيت على مكان القشرة وافركي شويه الزيت على رأسه بلطف وبعديها اتركي شعره بالزيت مدة 4 ساعات حتى تتخمر القشرة ويصبح
من السهل ازالتها ..
بعد 4 ساعات بيكون الزيت خلا القشرة تصير سهله الازاله وبعدها مشطي شعر طفلك بالفرشايه الخاصه فيه واكرر متوفرة هذه الفرشايه بالصيدليات ياريت يا خوات ما تجربو على رأسه بالفرشايه خاصه الكبار او بالمشط لانك هيك بتعملي على جرح جلده رأسه وهو طفل راسه لسه طري وما بتحمل ..
وبعدين راح تلاحظي انه القشرة بدت تطلع لوحدها بالتمشيط وهيك ضلي مشطيله برفق لحد ما تشوفي انه القشرة راحت وبعدها حممي طفلك وافركي رأسه بلطف بالماء والشامبو (خاص بالاطفال) وبعدها بتزول تماما.
وهيك بتكوني ريحتي طفلك وما حطيتي على رأسه مواد كيماويه وانما زيت زيتون وبكفي انه مفيد ومتوفر بكل منزل.

ملاحــــــــــــظة:
انا مجربتها على ابني وراحت والحمدلله وما عادت رجعت .

** اتمنى انكم استفدوا من هالوصفه **