السلام عليكم

بدخل للموضوع

انا متزوجه من سنة وشهر و ولدت من اسبوع وجبت بنوته
زوجي سافر امس الخميس ولم يخبرني
اتصل علي بعد العشاء ع ساعه 9ونص يسألني عن أحوالي ويسأل إذا كنت ابغى شي او لا وكان ذاك الوقت مسافر وماقال لي
اتصلت عليه الساعه 11 ونص وحسيت كأنه بطريق
سألته وينك ؟؟
رد قال انا بالسيارة !!
قلت له : ادري انك بالسياره بس وين ؟
قال : بالسياره
قلت ادري بس وين ؟
قال : مدري مو عارف وين !!
قلت : انت مسافر ؟؟؟!!
قال : لا انا راجع من السفر
قلت له : طيب وين ؟؟
قال : هو تحقيق ؟؟

انا انقهرت وحسيت اشوي وبصيح
قلت : لا مو تحقيق وخلاص مع السلامه وسكرت
مدري كان سمعني او لا

وبعد نص ساعه ارسل لي رسالة يقول (لية تقفلين في وجهي ... طيب يصير خير )
ومارديت عليه وعرفت انه زعل
وجاني اليوم يسألني انتي متعمدة تقفلين في وجهي
قلت له انا قلت مع السلامه وسكرت
قال انا ماقلت مع السلامه عشان تسكرين
ولا جاب طاري سفره خير شر
شاف غلطي ولا شاف غلطه

سؤالي ؟
هل إني إذا سألت زوجي وين هو مسافر يسمى تحقيق ؟؟
يحق لي اتضايق ولا لا ؟
وهل اسلوبه صحيح ؟
وحسيت من اتصاله إلي يسألني عن احوالي وإذا كنت ابغى شي ولا لا كأنه يستغفلني عشان ما اشك انه مسافر !!

ليس تحقيق
لا أعلم ماذا أقول.
ربما ساعلق لاحقا ..

الله يصلح لك زوجك وجميع المسلمين

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

مسافر وماقالك ويسألك ليه سكرتي بوجهه -والله البجاحه! اعذريني

لاماهو تحقيق ومن حقك ياغاليتي تسألي وتحاسبي اول زواجي كانت هذي مشكلتي الكبيرة السفر
والحمدالله والشكر كأنو بدأ يتغير - كثر الدق يفك اللحام

ولما جا لك ليه ماسألتيه ؟

غاليتي هذا من ابسط حقوقك لكن الافضل خليه هويقول وين يسافر ووين يروح ويجي الافضل

يمكن كان حوله احد وما قدر يتكلم معاك بحنية.. تحصل كثييير
تقفيل الخط مو شي طيب والمفروض تكونوا اثنينكم ارقى من كذا..!!
ممكن ترقعينها باي شكل بس موسبب كافي للزعل..
مرات اكون مسافر بالسيارة واجي اسلم ع الست الوالدة ربي يحفظها
وما اقولها اني مسافر.. لانها تتوتر وما تنام الين اوصل..
فاضطر اني ما اقول لها عشان لا اشغل بالها.. وهي تعودت على كذا
وانا احرص اني اودعها قبل لا اسافر بساعات بس ماتدري متى ابنطلق في سفري
فيمكن زوجك حبيبك مايبي يشغل بالك ..!!
ليش فسرتيها بشكل سلبي وما فسرتيها بشكل ايجابي

نصيحة لك.. بلباقة ودهاء ودلع انثوي حاولي تمييع المشكلة البسيطة
وحوريها انها من باب الحرص والخوف عليه..

__________________
ان انت اكرمت الكريم ملكته.. وان انت اكرمت اللئيم تمردَ!!

آميين
الله يجزاك خير
الله يعين
لأن الكلام معه بدون فايده
في رمضان سافر وارسل لي انه مسافر للمكان هذا والمشكله إن حنا تو رجعنا من هالمدينه
اتصلت عليه انت مع مين مسافر وليش لأني مستغربه تو راجعين ماكملنا يوم من وصلنا
قال هو تحقيق ؟
المهم زعلت وضليت بيت اهلي
وجا ويحاول يراضيني
قلت له برضى بس بشرط إذا جيت تسافر مره ثانيه تقولي وين ومع مين حتى لو برساله و وعدني إنه يقولي
والحين ماشفت شي من الوعد
إذا ماسألته ماراح يقول
هو كثير سفرة وقلت له انا مليت من سفرك هذا
انا كل شي امشيه إلا إنه يسافر ولا يقولي
لأن اول شهر من زواجنا سافر مع اخوه وتركني بالشقه وذاك الوقت كانوا اهلي مسافريين والشقه إلي ساكنين فيها شقة خالي يعني في نفس البيت بس لها مخرج خاص والبيت ماخلص وكان فيه عمال اذكر عشت بخوف ذاك اليوم

مو تحقيق هذا حقج
ضروري تعرفين زوجج وين رايح ومنين جاي

هو مسك سالفة تسكيرة الخط
عشان يلهيك عن موضوع سفره يعني يبي يشغلك عن موضوعه

قوليله اوكي انا اسفه حبيبي ماكان قصدي
مثل ماقالت وحده من الخوات رقعيها!!

وارجعي للموضوع الاساسي سفره!!

__________________
اللهم احفظ لي زوجي وسخره لي واحفظ لي اولادي

أعطي زوجك الثقه من هالناحيه
لاتحسسينه أنه يسوي شي غلط هالشكل تصير عاده عنده ومايعلمك
أذا هو يقدرك ويحبك يجي هو يقولك من دون ماتسألين
سبحان الله عكسي انا ماسأل زوجي هو بنفسه يعلمني ويخبي على أمه علشان ماتحاتي
وهو عارف طبعها كثيرة التحقيق
ويقول انا وزوجتي مسافرين وانا عند الوالده أخلص أشغالي مثل السوق والصالون وغيره

لا ما هو تحقيق

لكن لاتكبرين الموضوع ، واشوف انه عادي انك سكرتي في وجهه لأنك طبيعي بتكونين حزينه او منقهره

الله يوفقكم

لكن لا تكبرين الموضوع

__________________
استغفر الله الذي لا إله إلا هو الحي القيوم وأتوب إليه

لا مو تحقيق طبعا
المفروض يخبرك قبل من باب تطمينك ,,,
و هذا من باب التقدير لك عزيزتي

__________________