السلام عليكم ورحمة الله وبركاته

احب اطرح مشكلتي وابي اشوف الحل منكم يمكن تساعدني على الحيره اللي انا فيها

انا متزوجه من ثلاث سنين ونص لايوجد لدي اطفال الله يرزقنا ويرزق كل المتاخرين
الحمدلله احاول قد مااقدر مايكون بيني وبيني زوجي مشاكل ابي الحياه تكون حلوه بدون منغصات
انا جداً وبشكل غير طبيعي صريحه مع زوجي لازم اقوله كل شي عن طلعاتي عن وش اسوي ووش سويت اليوم يكون عنده خبر بكل شي حتى وصلت وش شربت اليوم عندي فكره انه يعرف مني قبل مايعرف من غيري ويكون بالصوره المهم خلال ذي الثلاث سنوات حصلت مشكلتين بيني وبينه المشكله الاول والله وبعزته وجلاله مالي دخل فيها وانا والله عند الناس جياتي قليله وغامضه مستحيل اسولف شي عني وعن زوجي عند الناس بس المشكله الاول كلام حريم قالو نبي نكلمه يسمح لزوجته تجينا عندهم فكره انه طاردني منهم هالعايله وقال ليش الناس قالو كذا وقلت له ورب العزه والجلاله ماعمري تكلمت عندهم بالاخير طلعت بنتهم هي اللي قالت هاللكلام مررتها وجيته وراضيته وهو المخطي وانا اقول لاتخلي الناس تشكك فيني اي شي بخاطرك تعال قلي بدون زعل ولاشي والمشكله الثانيه كنت بالرياض حاظره زواج وتاخرت وزعل علي وجيته وراضيته قلت مايصير كذا ووالله والله اني احبه وادري يحبني بس هو مدري كيف
مشكلتي اللي بتكلم فيها وابي حل صايره لها اربعه ايام كنت طبعا انا اروح للمستشفى عشان تاخر الحمل يعني اتعالج المهم هالشهر ماوداني للمستشفى وخلاني اروح مع اخوي وتعرفون علاج النساء الخاص بالحمل لازم كشف من تحت وخرابيط المهم انا عند دكتورتي يعني حرمه مارحت لدكتور لاني لوحدي ومع اخوي المهم رحت اسوي اشعه من تحت والاشعه طبعا مو عند الدكتوره في مكان الاشعه واللي بيسوي الاشعه دكتور المهم طلعت اخوي من الغرفه ياناس صعبه يكون معي ويكشف علي من تحت وطلبت ممرضه هي اللي تساعدني والدكتور بالاخير يجي بس يقيس التبويض ويطلع المهم وجيت ووالله علمته مابيه يكتشف من وراي اني اكذب عليه وقلت له السالفه المهم كتم وسكت وثلاثه ايام ماكلمني وانا على النيه يعني بس قلت له وش صار معي بالمستشفى وجيته رابع يوم وقلت انت ليه زعلان عشان شي لابد منه قال لامنقهر ليش سويت كشفيه قلت الممرضه هي اللي سوت كل شي والدكتور بس جاء بالاخير وشاف الاشعه قال لاالمفروض طلعتي مو لازم سويتي قلت هذا الاشعه مهمه ولازم بنفس اليوم قلت طيب وليه زعلان قال منقهر من حركتكي قلت طيب ليش تزعل وانا قبل ثمانيه شهور خليتني اروح لحالي مع اخوي للمستشفى وسويت ابرة تفجير ومتابعة تبويض والكشفيه من تحت عند دكتوري الاول اللي كنا نتابع معه قال انتي ماقلتي لي وانا ورب العزه والجلاله قايله له كل شي ولاقال شي ولاصار منه ردت فعل يقول انتي ماقلتي لي انتي تراوغين بالكلام وتكذبين يعني بعد كل هالصراحه طلعت اروغ وكذابه والحين لي خمسه ايام ماكلمه انا امر بحاله نفسيه صعبه عشان تاخر الحمل وهو يزيدها وبكيت الين قلت بس وتنفخت عيوني وهو يدري ولاجاءني ولاقالي شي يعني يبيني انا اللي اجي واراضيه بالنهايه انا تعبت بعد كل هالسنين اكتشف انه يشوفني كذابه واروغ وانا والله حتى طلعتي مع اهلي استاذنه واعلمه وين طلعت معهم وين رحت حتى مع امه اذا طلعت ولاشي اقول له كل شي صار ومستحييييييييييييل احد يعرف شي عني وعنه حتى امي اقرب الناس مستحيل اقولها لها شي عن حياتي وشي خاص فيني ليش اقول لهم عنها
وربي مقهوره ونفسيتي بالحضيض اني بعد مابنيت الصراحه في حياتي وكل شي مكشوف قدامه اكتشف انوه يشوفني اراوغ واكذب
ابي مساعدتكم بعد الله واللي بتقولونه لي بسويه عطوني الحل قولو لي وش اسوي

واسفه اني طولت عليكم بس من حر مابي ونفسي افضفض

و الله تألمت لحالك يا أختي
طيب ما تفكرين تروحين كم يوم عند أهلك تهدين فيها نفسك و تغيرين جو
يمكن هو يحس على نفسه شوي
إنت ما غلطت فلا تراضينه و عزي نفسك

الواضح إنه متسبب و ما عنده سالفة و قاعد يتلكك ... الله يهديه

طيب لو في إمكان أبوك يكلمه بهدوء يعاتبه فيها شوي ..

ربي يفرح قلبك و يهدي لك زوجك و يرزقك بالذرية الصالحة قريب

__________________
الدنيا يمكن تكون حلوة ... بس يا ريتيني أقدر أفهمها !!!

اولا الله يرزقك بالذريه الصالحه ولا يخيب تعبك يارب
والله يسخره لك احيان الصراحه والوضوح ماتنفع مع الرجال
بس اختي انتي لا تعتذرين ولا تسوين شي هو تعود اذا زعلك انتي اللي تراضينه حبي نفسك قبل اي شي
وتري النفسيه له دور كبير فيه العلاج لازم تكون نفسيتك كويسه
كويسه وتبعدين عن اي ضغط نفسي وانتي فهميه هالشي
انا أنصحك تعطين نفسك فترة راحه ونقاهه
ويمكن هو مضغوط الحين ماتدرين يمكن انه جد مضغوط حاولي تريحن نفسك وتعطينه فرصه
والله يالف مابينكم

السلام عليكم ورحمة الله تعالى وبركاته
ونعم الزوجة الصالحة ، والله بعيداً عن مشكلتك فقد أعجبني فيكِ " برُكِ لزوجك " أسئل الله أن تحذو جميع نساء المسلمين حذوك .

أختي في الله
الحل بسيط ، هذا طبيب ويجوز له مالا يجوز لغيرة ، وتوجد فتاوي كثيرة بجواز الكشف عند الدكتور إن لم تجد الدكتورة " الشاطرة " ، وقولي له ماذا لو حملت وحانت الولادة وتعثرت ولادتي وأحتاج الأمر إلى طبيب فهل ستقول لا؟؟؟

أما بموضوع الكذب ف تستطيعين حمل المصحف الشريف والحلف أمامة والدفاع عن صدقك ، وصدقيني سينتهي موضوع الكذب هذا .

الحمل يحتاج إلى نفسية جميلة وهادئة مع العلاج ، لا تُزعجي نفسكِ بالبكاء والهموم ، يوجد ربُ أكبر مما تعانينة .

أسئل الله العظيم رب العرش الكريم أن ينولكِ ماتريدين ويسعدكِ في الدنيا والآخرة.

__________________
استغفر الله واتوب إليه

رياحانه الرياحيين
الله يرزقك من حيث لاتحتسبين مستحيييييل ادخل ابوي بحياتي ومستحيل احد يعرف عن مشكلتي شي ماابي ادخل طرف ثلاث

مجنونه الله يوفقك ويرزقك يارب الحمدلله على كل حال لابد من التنازلات هذا حياه ولازم تمشي السفينه الله يسخرنا لبعض هو صح مضغوط من شغله بس شغله برا البيت مو يحطه علي

المتفائل باالله الله يسعدك ويوفقك يارب ومشكور على كلامك ماا ابي احلف على المصحف انا واثقه بصدقي ولاابي استهين بكتاب الله
والله يكتب لي هالشهر رزق من عنده وموعدي الثاني تركته وكرهت المستشفى وكرهت المتابعه
الله يكتب اللي فيه الخير ويصلح اللي بينا

عزيــــــــــــــــــــزتي..

بداية أدعو لكِ ولي ولجميع المنتظراات الذرية الطيبة المباركة .. ربنا ألهمنا الصبــــــــــــــر والسداد ..

:::

برأيي .. الرجل بشكل عام لا يحب سمــــــــــــاع التفاصيــــل من الجميع
وحتى زوجته .. أي أنه يفضل سماع الموجز ..
بعكسنا نحن معشر النساء نحب سمااع النشـــــــــــــرة .. ويا حبذا إن دعمت ببعض
المراسلين ..!!


عودتِ زوجك منذ البداية سرد كل تفصيـــــــــــــل .. لكن بدون قصد منك .. نسيتِ إخباره بهذا
الموضــــــــــــوع ..وهو بنظره أهم من التفاصيل الأخــــــــــــــرى ..

عزيــــــــــــــــــزتي .. إنت لم تخطئي .. ولم تقصــــــــــــــري .. لكن بعض الرجـــــــــــــال "تجيهم حالات زي كذا" ..
ما عليك سوى أن ترتاحي نفسيا وجسديا ..

هم الإنجاب يشغلنا جميعا .. لكن لا تجعليه يشغل تفكيركِ كلــــــــــــــه ..
البكاء لن يجدي ... والقهر لن يتعب سواك ..
مثل ما قالت بعض الأخوات استريحي مع أهلك عدة أيام ..

وبإذن الله تعـــــــــــــود المياه لمجاريها ..

ليس بيدي سوى الدعاء ربي يسهل أمرك الغالية ::

__________________

اوراق ملونه جزاك ربي الف خير ويسعدك اللهم اميين زوجي واعرفه يحب ويعشق كل تفاصيل الموضوع يقول كل شي علميني فيه حتى اصغر شي

اتمنى من مشرف القسم حذف الموضوع لضروروه الله يسعدك

يغلق

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]