السلام عليكم

تتهامس الأم مع أحد أفراد الأسرة عن سيـرة خاطب وتشعـرين بذلك ولم يصارحـــوك !!!

ابتسامات الأم لاتخـفي سـر ولم تخبر بـه ، كم تتلهف نفسك لمعروفة مايحاك بالخفا !!!

ولأنهم لازالوا في مرحلة التأكد من الشخص وصلاحه لايريدون إشغالك الآن ، ولاتستطيعي

السؤال لأنك شبه عارفه ولكن الخجل يمنعك 00

تتراقص أحلامـك وتتأملين ترفعين بصرك إلى السماء سائلة الله أن يكون هوالذي يناسبك

تبحرين مع خيالك وتتسائليـن ( أعزب ، مطلق ، أرمل ، متزوج ، وسيم ، مقبول ، طويــل

قصير ، مثقف ، ) وأخيرا يالله بكرا تكبر وتبان 00

تعيشي ترقب وتوتر وقلق ليوم أو أثنين لكنك لاتستطيعين مقاومة الانتظار خارج غرفــة

ولادة الـخـبر ، تتجهين للوالده ( أشوف عندكم شي خير إن شاء الله وش فيـه ؟ )

تبتسم الوالده ابتسامة عريضة خير إن شاء الله يابنتي الله يكتب الخير ، أصبري نشـوف !!

تسألين وكأنك لاتعرفين : متقـدم أحــد ؟ تجيبك الوالده إيه بس ماندرى للحين اصبري !!

تسألين وش هو من يقال له وش حالته ؟ تجيبك أمك والله مدرى اخوك ماقال بس يتـأكد أول !!

ثم تقولى الله يكتب الخير وفي نفسك تقولى ما استفدنا شئ !!!

تعودي للترقب والتأمل وكلما عاد أخوك للمنزل توترتي وزادت نبضات قلبك وأخيرا لاجديد!!

أخوك ولا على باله ( يابرده ) !!!

تعودي لأحلامك تتخيليه يخاف الله أعزب ، ووسيم وطويل ومثقف وفي وظيفة مرموقة ثم

تقولى لالا أكيد مطلق أو أرمل بس عسى ما عنده أولاد ؟ لو واحد أو اثنين صغار مو مشكله

اه بس لايكون متزوج ويبغاني زوجه ثانيه من الحين لا لا !!!!

وفي الغد لاتستطيعي أن تبتعدي عن الوالده لحظة لعل لديها ماتقوله لك ، ولكن 00

أوف من أخوى لو يجي يقول وش السالفـه ويريحنــي !!

وأخيرا جاء الأخ وتكلم فلان متقدم لك إنسان يخاف الله وسألت عنه والناس كلهم مدحوا فيه

ماعليه رجال ماتفوته الصلاة حتى صلاة الفجر بالمسجد ماشاء الله وعنده امكانيات ومرتـاح

لكن !!!!!! وأه من لاكــن 00000000000000

مهما يكن بعد لاكـن من خـيبـة أمـل فلا تتـخذي قرارك بلحظتهـا حين يقول أخوك هاه وش رايك ؟


أمنحي نفسك فرصة لتتـأقلمي مع ردة الفعـل وتهدأ نفسك ثم تعامل مع ما بعد لاكـن بشــئ

من العقـل والحكمــة وأدرسي الوضـع بتـأني وهدوء 0

قارني بين سلبيات العرض وإيجابياته وبين مصلحتـك ومضرتـك ، استشيري من تثقين بعقلـــه

وحكمته ، ثم استخيري الله مره واثنتين وثلاث حتى تجدين نفسك مطمئنة للقرار ثم توكلى علي

الله باتخاذه دون ندم أو خوف 00

أسأل الله ان يرزقك الزواج الصالح الذي يسعدك في الحياة الزوجية الهانئة 0





أخوك الكـبـيـــــر