السلام عليكم ورحمة الله وبركاته
اطرح لكم مشكلتي لأنه تعبانه ومحتارة.. متزوجة لي 10 سنوات تقريبا ومثل اي زوجين نمر بخلافات ومشاكل.. لكن زوجي بالسنة الأخير صار يضخم الامور ويفتعل الخلافات ويهجر بالاسابيع ويرفض الصلح.. احيانا ينام برا الغرفة اسابيع ويهملني ويتجاهلني ويعاملني بحقد ويحاسبني على الريال.. انا كنت اركض وراه بعدين تعبت ومليت وتركته براحته وصار يهجر بعدين يرجع من نفسه..
صار بينا خلاف تافه قبل 3 شهور.. طلب حاجة مني وانا اعتذرت.. اهاني وشتمني انا واهلي ورمى كل اغراضي عالتسريحة وكسرها.. تكسرت كل عطوري ومكياجي وطلع وتركني وانا خايفه وابكي.. رجع ثاني يوم صاد ومتجاهلني ومايكلمني وانا كنت متضايقه وجالسه بغرفتي.. مرت ايام واسابيع وهو معتبر البيت فندق وقت النوم وبس.. وانا لما شفته متجاهلني رحت السوق وشريت لي كم عطر ومكياج بدل اللي كسرهم.. حتى اقدر اعيش حياتي زي الناس.. وهو طول هذي المدة هاجر ومخاصم ومايرد السلام ولا يعطي مصروف ولا فسحني ولا مشاني.. مرت 3 شهور على هذا الحال.. يعني كل اجازة الصيف.. وانا خلال هالفترة جيته 5 مرات احاول اصالحه واتفاهم معه وهو رافض.. ويقول: جايه عشان مصلحتك.. عشان تقولي ابغى اتفسح وابغى اسافر بالعيد الخ الخ..

كنت اقول له لا والله حتى العطور اللي كسرتها فداك.. انا كل همي حياة سعيدة وكريمة ولا في شي يستاهل هذا التصعيد.. وهو كان يرفض ويمشي ويتركني ويعاند اكثر واكثر واكثر..
ظلمني وحرمني من كل حقوقي الزوجية من عاطفة من جنس من مشوار من فسحة من سلام او كلام او اي شي.. وبأي فرصة كان يرمي علي كلام زي السم.. وانا كنت صابره وساكته واحاول اتماسك حفاظا على بيتي واولادي.. واقول يمكن يراجع نفسه يمكن ويمكن..

مرت 3 شهور والحال على ماهو عليه من نكد وخصام ورفض للصلح او حتى التفاهم.. الى قبل امس كنت محتاجة شغله معينة وطلبت يسمح لي اروح اشتريها (من فلوسي انا).. قال لا.. سألته ليه؟.. قال بس مزاج لا وبس..
انا هنا انهرت وبكيت زي الطفلة.. بكيت بكيت بكيت وكان ممكن يغمي علي من القهر والبكاء والدموع.. حرام عليك حرام عليك خلاص خلاص انا تعبت ذليتني بما فيه الكفاية بدون سبب وقهرتني وانا ما اذيتك ولا ظلمتك.. بكيت واخذني عالغرفة بعيد عن الاولاد..
ولما خلصت بكاء وصياح وسكت.. قال لي: لأول مره احس في انثى بالبيت! شكلك وانتي تبكي حسسني بضعفك.. طول الفترة الماضية عامله نفسك قوية ومو هامك اي شي يصير..

بعدين قال خلاص نعوض الفترة اللي راحت.. لحد هنا ويكفي اللي جاك مني.. ويقول نفتح صفحةجديدة بشرط تنسي اللي صار.. وماعطاني مجال اتكلم وقال يلا قومي نطلع نتمشى.. قلت له اسفه تعبانه من البكاء.. كان جسمي يرجف ومسكني صداااع.. راح اخذ الاولاد يمشيهم وقال ارتاحي بالبيت وجاب اغراض البقالة ونوم الاولاد وبالليل قرب عشان العلاقة وقلت له اعذرني مصدعة ومرهقه.. نمت وانا مخنوووقه.. كسرني كسرني وذلني كثير وخلاني ابكي عند رجوله وانا اصلا ماعملت شي كبير ولا كنت استاهل هجر وحرمان واستفزاز 3 شهور.. تعبانه ومنهاره وحاسه اني محتقره نفسي ولا لي قيمه

ولا رد ???

الحمدلله ان جا واعتذر بس بعد وش يلا الحمدالله ممكن السنه هذي الاخيره ممكن يكون مضغوط في شغل في ضائقه ماليه ترا تاثر على نغسيه واسلوبه وعلى البيت انتي ماقصرتي عملتي الي عليك ولاكن هو كان جاف بزياده معك ...
رددي دوما بالحمدلله ان رجع لعقله وعرف يميز الامور

__________________
قــل للذي آذاك إن الله لاينسى

اسلوبه غلط .. ومعاملته غلط نتفق في هذا

لكن خذي جملته ( لاول مره احس انه في انثى)
هنا مربط الفرس
ليش مايحسك انثى الا اذا بكيتي وضعفتي؟؟؟؟؟

كيف تعاملك معاه بشكل عام؟
ترفعي صوتك في نقاشاتكم؟
غير مهتمه بنفسك بالبيت؟
لا تطلبي منه مال ومستقلة ماديه؟
تقومين ببعض ادواره مثلا؟ تصليحات البيت مثلا او تسوق اغراض البيت ونواقصه؟ الخ
عصبية؟
مقصرة بالعلاقة الزوجية؟
ارجعي بحياتك معاه وحلليها وشوفي ليش يشوفك مش انثى .. واعتقد اذا تغيرت نظرته بتتغير معاملته


الله يعينيك ويسخر لك قلبه

الحين خلي الأمور تهدأ بالتدريج وحاولي تتقبلينه وضروري المصارحة وحطي ببالك ماتزعلي ولا تتضايقي الأهم إصلاح حياتكم ومعيشتكم

خوذي كلامه على محمل الجد
ورتبي كلام لعتابه على عقابك وكسر الأمان النفسي معك

على فكرة ممكن يمر بضائقة ماليه أو يجمع لشيء معين وحاس إنك حتطلبي سفرة فعمل كذا

__________________

ياعمري..سلامتج
اللي صار لج من انفجار كان نتيجة تراكمات سابقه والحمدالله انج طلعتي كل شي
والبكاء نعمه..كل ماتضايقتي لاتكتمين..بيني زعلج وبالأسلوب اللي يبيه زوجج

مرحبا حبيبتي ..
أول شي ليش هالضعف من جانبك ؟ ليش تبكين وتنهارين لأن رفض طلب لك إنتتي زوجتة مومشتريك من السوق عشان يتعامل بهالأسلوب و اذا رفض تتنهارين !
أحترام وحب وتقدير الزوج واجب ومهم وضرورة ولكن ايضا إحترام الزوج لزوجتة أيضا ضرورة قوي نفسك وحبيها ولاتتقبلين الإهانه بأدب وذوق تفاهمي معاه خل يفهم إنك ماتحبين هالتعامل ويجب تغير إسلوب الحوار بينكم الزواج يعمر ويرفع مايدمر !
وكوني ثيتا هيلنق أعتقد عندك معتتقد أنا أحصل على حقوقي بصعوبة وبإذلال وفي للمعتق تفرعات ثانيه وايضا زوجك له معتتقداته عن الشريكة ..
ابحثي في معتتقداتك إنتتي واشتغلي عليها واذا حبيتي اعلمك كيف تعرفينها عن طريق لغة الجسد حاوي تبعثيلي عالخاص وانا اعلمك الطريقه وإنتي عالجيها