بصراحه مو عارفه من وين ابدا لكن

امي....


تشتغل مدرسة وتدرس الصفوف الاولى دايما طول فترة تدريسها يعني الابتدائيه اولى وثانيه وثالثه

وانا طول عمري كنت احاول افهم شخصيتها واحللها ولا عمري فهمتها لين صار عمري 23 فهمتها يعني هالسنه هذي

اكتشفت الحقيقة المؤلمه المحزنه ان هي سلوكها اليومي وشخصيتها بمثل هالطالبات الصغار اللي تدرسهم

تدرون ليش اقول كذا ؟

لاني اطبق قولة تعالى واخفض لهما جناح الذل من الرحمه

وانا دايما اسوي كذا والاحظ اذا اني انذليت لها وسرت تحت اقدامها من الخدمه صارت تكرهني اكثر وتعاملني بشكل اسوء...

ودائما توبخني هلكتني

لا والادهى والامــر انها تحرش ابوي واخوي ضدي تشوفني اذا دخلت بعض الاحيان عليهم وجيه متجهمه حسبي الله ونعم الوكيل

اقسم بالله انها تعاملني مثل مرة الاب اقسم بالله العظيم حتى شغالتنا تستغرب من طريقة معاملتها لي

تخيلو تقوللي الشغاله انتي بنتها الوحيده ليش تعاملك كذا
والله اللي يعيش معها انه يشيب راسه من التهاويل اللي تسويها

انا قلت مو مشكله اذا كان هي تبي تزعل مني من نفسها مو مشكله لكن ياناس مااتحمل لدرجة انها تكره اللي حولي فيني يعني اهلي كلهم جدتي كمان دايما تسب فيني ليييش ليييش تكرهني

بتقولولي حاولي ماتزعليها انا عارفه اقولكم اقسم بالله اني نسبة المشكلة اللي هي مسويتها ميه بالميه منها

والله انا اللي عايشه جوا البيت ومااحد يقدر يحكم عليها او عليه الا اللي عايش وشايف الوضع بالبيت حتى اهلنا مااحد فيهم يقدر يحكم يعني انا جدتي ساكنه بجبنا الباب بالباب


احس كلهم يكرهوني كلهم مايطيقوني والله العظيم مي شوهت سمعتي والله شوهت سمعتي خاصة اني انا مااكلم ابوي الارسمي يعني مااسولف معاه كثير وهي اللي تروح تشتكيني عنده!!!


كيف اعيش بين اهلي وكلهم يكرهوني ومايطيقوني او عالاقل سمعتي شوهتها عندهم

وانا كل من عرفني قال يابخت اهلك فيكي والله اني ماامدح نفسي لكن هذي الحقيقه انا دايما اساعدها حتى احاول ادلعها احيانا

وكل مااسوي لي انا شي اسويلها معايا

تتخيلو انها اذا هي طفشانه تجي تتحرش فيني وتسوي لي مشكله وبعدين تروح تقول لبابا قولها يعني انا خليها تشيل السفره من الطاوله اقسم بالله تعاملني ولا اخس من الخدامه الخدامه احيانا ماتكلمها بالطريقة هذي

حتى في اي شغله تكلمني بنبره كرهتها ولاعت قلبي منها وعرفتها من انا صغيره في عمر المراهقه

احس هالنبره تخترق عظامي وتسكن فيها كرهتها كرهتها مااعد اقدر اتحملها ماااااطيقها

غييييير انوواع الظلم اللي تظلمني اياه مع اخوي الصغير ياجماعه امي فيها شي صدقوني لكن ماابي احش فيها يعني اشيا استحي اقولها

حتى ابوي يتكلم وانا معاه هو صادق ابوي مشالله عليه عادل مررررره الله يطول بعمره

انا ابغى اتزوج باقرب وقت عشان ارتاح منها عذبتني وانا كم مره شفت رؤيا من الله تبشرني بحياة كريمه وسعيده وهذا فضل من ربي يبي يصبرني على الوضع اللي انا فيه وانا دايما احاول احتسب واصبر عليها


والله شفتو اللي يقول حياته جحيم من اللي شافه انا زي كذا ورتني نجوم الليل في الظهر ورتني انواع العذاب

والله لو امي تضربني كان اهون علي من الكلام السم اللي تسمعني اياه كلام يدخل بالعظم ويالم اكثر بمليون مره من الضرب اصلا هي بالسنوات الاخيره كرهتني بزياده وصارت تمد يدها على اشيا تافهه

سمعتي وآه ياسمعتي اللي شوهتها خلتني اكرهها بزياده
ياريتها هي بس تكرهني كل اهلي تشتكيلهم مني بالله عليكم كيف شعوركم اذا اللي حولكم ماخذين فكره سيئه وغلط ياريتها صحيحه

وين تروحون ومن تقابلون تقابلون الجدار صح المشكله اذا قابلت الجدار بغرفتي خاصموني اطلعي بره الغرفه يطردوني من غرفتي وكله بسببها

هي تروح تزن في راس ابويا علي كرهتها مااقدر اعيش معاها صدقوني انا ابغى انستر وارتاح والله مع اني شكلي حلو عالاقل مو كلامي هذا كلام البنات مو انكره يعني ودايما اهتم بشكلي وملابسي ماني اقررف علشان تكرهني والمشكله حظت براسها اني اغار من اخوي الصغير وانا اعامله مثل ولدي اهتم فيه ابدا مو زي ماتفكر هذي المصيبه الكبرى

انا بس احيانا اشوفها تقدر تدفع يعني مثلا اذا شفتها شرت لاخوي جهاز غالي وهو صغير مجرد يحن عليها هي تفكرني اغار انا اقصد ان هي تقدر تشتري بهذا المبلغ يعني عندها مشالله تقدر تدفع طيب مادام عندها ليش ماتشتريلي ؟؟ واخر ماافكر فيه اخوي الصغير والله هو اخر مايحتال حيز من تفكيري اصلا مااحد خربه علي غيرها اقسم بالله العظيم

اصلا حتى لما اخوي يغلط علي وتعتبرني انا الغلطانه امي وتهاوشني انا بالرغم من ان الصورة واضحه ان هو غلطان عيني عيني واضحه حتى جدتي لما تسالني وش فيكي مزعله امك!!! يالله

اقولها انا السالفه كذا وكذا وكذا تقول والله انك معك حق يابنيتي اصبري عليها

انا لما ازعل بعد المشكله اللي تصير بيني وبين اخوي ازعل من امي ماازعل من اخوي لان هي اللي خربت الولد

عهلى فكره بصراحه انا كل شي بحياتي من اولها لاخرها ارميه على امي هي السبب اذا كنت انا تعيسه
وهي السبب في كل شي بهالبيت وانتو عارفين ان هالكلام صحيح ان المره ممكن تقلب البيت لجحيم او تخليه جنه لزوجها واولادها

ابويا متأذي منها مو بس انا البيت مررره ماحد مهتم فيه انا بس غير احاول اصلح كل شي من نفسي والشغاله

حتى المطبخ تقولي لاتشقلبي وانا والله العظيم اسمع كلامها بكل شي فتلقوني اذا سويت اكله او شي كل شي نظيف تلقونه ماغير القدر عالنار يطبخ والملعقه بس << لاتضحكون
المهم وهي لو تدخل المطبخ حدث ولا حرج تبي ملعقه تطلع الدرج كللله وهكذا مع كل الدواليب يعني تخيل مع كل طبخه المطبخ كله يطلع برا ... بصراحه فيني ضحكه

مع هذا كله انا احمد ربي وماانكر فضله علي وفضلها عليه مو فضلها افضالها برضو انا مو جاحده لا انا دايما باتذكر افضالها

بس المؤلم اني اكتشفت شي جديد غريب تصدقو ان اخويا الصغير فاهمها صح اكثر مني

اكتشفت ان كل صفه مذمومه تقولها عني انها موجوده فيها شوهت سمعتي عند خالتي كمان شي مؤلم احس اني منبوذه احيانا بسبتها مع اني اخدم اهلي بعيوني حسبي الله ونعم الوكيل

اسفه عالاطاله بس انا من زمان اباكتب لكم ومو عارفه وش اكتب واحيانا اقول ماله داعي ...


وصراحه كتبته لان ابي اسمع كلمة عدل كلمة حق حتى لو كانت امي ياناس الله سبحانه وعالى مايرضى بالظلم وحرم الظلم على عباده وحرمه على نفسه تبارك وتعالى



اسفة عالاطاله ...

الله يعييينج .. شي غريب .. شالسبب!!!؟!!!

الي فهمته انج البنت الوحيدة بين الاخوان ..

وابوج رب الاسرة .. شايف الوضع كله ويعرف المشكله .. قعدي معاه وفهميه لاتخلين كلامج رسمي مع الوالد .. خليه يكلمها .. وامج قد ماتقدرين لا تراددينها .. ولا تقعدين معاها بروحكم .. يعني مع اخوانج ولا ابوج عشان يشهدون الموقف كامل...

الله يصبرج

ويرزقج الزوج الصالح والذريه الصالحة

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

مرتني الدنيا الله يعطيكي العافيه اختي والله اثلجتي صدري بردك انتي اكدتي عليه بهالنقطه

وفعلا هذا اللي انا احاول اسويه احاول مااقعد معاها بروحنا

حبيبتي انتي تقريبا مثلي احس مرات انها ماتحبني بس انا اتجنب المشاكل اجلس بغرفتي مااطلع الا نادر
واقول بصبر عشان رضا الوالدين والجنه تحت اقدام الام
ادعي اختي وقولي اهدي امي وحببها فيني واجعلها راضيه عني
والله يهديها ويرزقك بالزوج الصالح الي يسعدك

__________________
سبحان الله وبحمده سبحان الله العظيم

	كلمة الحق هي : قال تعالى ( وَإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ ) (لقمان - 15) و قال تعالى ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا ) ( الاسراء - 23) ولذا أُختي الكريمة ، عليكي برأي الله سُبحانه و تعالى ، فلا تفعلي إلا ما يُرضي الله و يُحبه ، حتى لو كانا عاصيان فاسقان ، فليس لكي إلا المصاحبة بالمعروف . اقتباس: وانا كم مره شفت رؤيا من الله تبشرني بحياة كريمه وسعيده وهذا فضل من ربي يبي يصبرني على الوضع اللي انا فيه وانا دايما احاول احتسب واصبر عليها إن كان ما تقولينه حقاً فأنتي على الطريق الصحيح ، و اصبري على ما أصابك و لكي الخير و الجزاء العظيم ، فنعم الفتاة أنتي ، و إن شاء الله يرزقك بالزوج الصالح ألي يعوضك بحب و حنان و طمأنينه . بالتوفيق تحيتي

__________________
سلسةالبرمجةاللغويةالعصبيةN L P سلاح العصرفي التعامل بين الشخص وذاته وبين الآخرين

سلســـــلة في ســـــــــــــــاعة التركيــــــز الحــــــــــــــــــــــــــــــــــــــاسمة

••.•°¯`•.•• (الهــيـمـــنة الدمـــاغية بوصــــلة التفكيــــر ) ••.•°¯`•.••

[][][] الإرهاب الأسري : : طريق إلى الإرهاب الاجتماعي [][][]

: - : - : أكـــــــره أن أعــــتـذر : - : - :

لا حول و لا قوة الا بالله


الله يساعدج و الله حزنت يوم قريت قصتج

طلبي لها الهدايه ان شاء الله تتغير الى الاحسن

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي

toti_froti
امين ياختي الله يجعل امهاتنا راضين عننا والله رضاها بالدنيا عندي ماتتخيلي
مالنا الا الدعاء برضاالوالدين يارب تخليهم يرضون عننا
جزاك الله خير اختي

أبو لمى
جزاك الله خير اخوي نورتنا بطلتك وكلماتك المشجعه الله يعافيك
ايات كريمة وتمعنت بكل كلمة فيها والله يساعدنا على طاعته ويغفرلنا و مالنا الا الصبر





ام الحسين و عمر

الله يهديني ويهديها ويغفرلي ولها يعطيك العافيه على ردك يالغاليه

الله يعينك والله ويسخر لك أمك

وأخشى أن تكون بينكما عين حاسد

فعليكما بسورة البقرة والمعوذاااات

المشرف الخاص

سبحان الله كانك تقرا افكاري فعلا انا من زمان افكر بهذا الكلام انه بيننا عين حاسد!
بس مو عارفه كيف ارقي نفسي
الله يكافي من كان السبب
تحيــ ـــتي...

حبيبتي اقرأي سوره البقره كامله كل يوم لمده ثلاث ايام ولاتنسي الاذكار وسترين امك كيف تصلح معاملتها بااذن الله تعالى حتى لو لم تكن عين صدقيني البقره تصلح كثير من الاحوال

اعانك الله ادعي دائما باان يهديها الله ويسخر قلبها لك
وصدقيني انها تحبك جدا ولكن قاسيه في تعاملها لان مستحيل فيه ام تكره ابناءها حتى لو ضهرلك هذا لكن الحقيقه انه سوء تعامل وليس كره
في حفظ الله