السلام عليكم

تعبت من تجريح زوجي لي .. وتعبت اتحمل وأصبر ..

حتى زوجي قالها لي لولا هذين الطفلين لتركتك ..

ماذا علي أن افعل؟؟؟

هلا والله بهالطلة
ماتقدرين تشغلين نفسك و تطنشين تجربحه

عندك اطفال ماشاء الله العبي معهم و اسمتعتي فيهم
عندك فلوس اصرفيها على نفسك بكشختك باثاثك بثيابكم بمجوهراتك جزم و شنط عيشي انوثتك
والاهم لاتنسين الصدقة
جيبي لك شغالة
واستمتعي بكل لحظة تمر
وتجريح زوجك اعتبريه المنغص الوحيد لك
لان مافيه حياة كاملة
طبعا الجانب الديني صدقيني لو تهتمين فيه كان اغلب المشاكل انحلت

هلا فيك

إلى متى؟

والمشكلة إنه لو طنشت مرة وثنتين وثلاث يظن نفسه انه الصح ويتمادى ..

المرة اللي قبل هذي قالي يبي للسانك قص مع ان كنا نتكلم عادي ومافي شي يستدعي هالشي .. سكت وظليت كم يوم ماأتكلم معه وإذا طلبت شي رديت بهدوء .. تدرين وش يقول اليوم .. يقول لما كنت مطنشك الايام اللي راحت كنتي ماشية مثل الالف وحتى صوتك ماأسمعه .. يعني يعتقد انه هو الصح وأنا الغلط ولا عمره بيحس بغلطه

يوووه مانعني اجيب شغالة مع ان عندي توأم واعمارهم٦شهور وتعب فوق الدوام وتعبه
وفوق هذا يقولي انتي مثل قلتك ماتدرين عن اولادك بس كمالة عدد..

طلبت منه يسحب لي فلوس من رصيدي .. قال لي وش تبغين فيها .. قلت أبغاها .. قال مابسحب لك الا اذا عرفت وش تبغين فيها .. وقالي حريم الناس مايتصرفون بفلوسهم الا بإذن ازواجهم .. هههه ضحكت من قلب على اساس اني قاعدة استمتع بفلوسي كلها رايحة قروض للسيارة وللبيت اللي قاعدة أبنيه

كلمته عاديه لا تكترثين لها
اسعدي نفسك بنفسك

معقولة ما تقدرين تتصرفين بفلوسك ابدا؟
لا تقصرين على نفسك وازني
عيشي انوووثتك لان من كلامك مقصرة جدا ، اشتري اشياء فخمةً شوفي بنات الحين كيف لبسهم .
و الشغالة حاولي فيه واعرفي سبب الرفض، تقدرين تديرين امورك بدونها
والتوأم اذاا كانوا بكريين ترى ما يتعبون هذا باعتراف اللي حولي
وبصراحة اشوف كثير موظفات رافضين ازواجهم الشغالة وماشية امورهم بالنظام و الترتيب صايرين تمام التمام

لاتفكري كذا الله يهديك وفكري بايجابيات زوجك مو سيء وانتي واضح انك طيبه بس حساسه وتعملي من الحبه قبه..
تذكري تعبه معاك بحملك وولادتك وخوفه عليك من مواضيعك السابقه ..بس هو مليان قلبه من مواقفك سابقه وماعاد تشوفي الا السيء منو انتي احتويه وامحي الذكريات اللي مو كويسه وحتشوفي كيف يتغير للافضل الله ييسر لك الخير.

__________________
مضى مامضى والله على المقبلات يعين ..! وعسى الله يزينها على القلب لاشانت~

تبنيه لمين؟؟ باسمك مين البيت؟؟

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

البيت بأسمي .. بس راح يرتاح من الاجار طبعا وهذا مهم عنده