امس كنت قاعده وزوجي جا يسالني عن فلاش ميموري هو ماخذه من صاحبه وجا حطه في كمبيوتره
ولمن نسيه اخذه ولدي يلعب فيه انا اخذته ورفعته فوق المكتبه والظاهر انه اليوم الثاني طاح وولدي اخذه ودسه تحت الكنب وبعدها جا يسالني عنه قلتله فوق المكتبه المهم مالقاه وقالي وين وديتيه وانتي وانتي معندك مخ ومهمله وكل عيوب الدنيا فيني
وترا بروح وبرجع وانتي مطلعته
المهم لمن راح دورت فكل مكان الا الكنب ولمن جا قال لقيتيه قلت لا وقعد يدور لمن لقاه وقعد طول الليله مبوز وانا اكلمه واغير الموضوع
المهم جيت وقلتله وبعدين يعني مو معقوله انو عشان فلاش ميموري كل هذا ولا لقيته بعد
رجع يعيد الاسطوانه اهمالك ونسيانك وانتي وانتي وانتي وهذا وعندك بس ولد اجل وش بتسوين لو عندك عشره
انا طفشت منه وقلت خلاص اوكي وطنشته
واليوم مااالي خلق اكلمه مررره ودي احطله ملابسه واكله واخليه بكيفه

وعلى فكره انا حكيت الموضوع بقممممة الاختصار لانه تكلم كثييير كلام تقول مدري شسويت
المشكله هو من تالي صاير مشكلجي
او اني انا معاد صرت امشي اامور زي اول وصرت اطنشه وهو يزيد
ملييييت عشان سخافات نطاق ملييييت قولولي شتصرف
لاتقولولي صارحيه وللا دلعيه وعاتبيه جرررربت كلللل شي وماوصلت لهالحاله من العدم احتمال الا لاني جربت كل شي

ذكريه ان تكون اغراضه بعيد عن متناول الطفل
وايضا من ناحيتك ابعدى قدر الامكان الطفل عن متعلقات زوجك
وان شد هو رخى انتى عشان تمشى الحياة

مشكلة عادية كل يوم او يومين ويعود الوضع كما كان ويجي يكلمك وسعي صدرك بس المهم احفظي لسانك لا تقولين كلمه تكبر السالفة

اشكرك جدا عالرد بس هو يبغى يرمي كل شي بعدين يلومني وانا داااايما اللي ارخي وهو دايما اللي يشد بس خلاص تجي ايام الواحد برضو هو يكون قرفاااااااان ميحق لي ازعل وميكون لي خلق ارخي
وشكرا

انا المشكله ضااايق صدري من قبل ومو ناقصه نكد ومراح اطلق لساني وللا من جد كنت ابتكلم كلام كثيير لاني كنت قرفانه وشكرا

أختي الكريمة .... المشكلة بسيطة فلا تدعيها تكبر عن حجمها عندك ...

ومثل هذه الأمور تحصل بشكل شبه يومي بين أي زوجين ...

نعم قد يكون هو بالغ قليلاً في ردة الفعل ...

لكن تأكدي أنه يحبك ... ولا يريدك إلا أن تكوني مميزة ...

ولكن مع أهمية ( الفلاش ) وشدة احتياجه له .. أو وجود معلومات مهمة به تخص عمله ...

ارتفعت درجة الغضب لديه ... فخانه الأسلوب في التعبير ...



أنا لا أدافع عنه ولا أبرر له هو أخطأ في الأسلوب ولا شك ... ولكن لن يبين له خطأه أحدٌ سواكِ ...



احذري من إحساسك بالطفش أو التضجر ...

فهذا الشيطان يريد أن يزين لكِ الانتقام أو الثأر للنفس إن صح التعبير .. أو أي شيء المهم أن يخرب عليكما ...

فلا تدعي له الفرصة ...



وحالياً تتركيه حتى يهدأ ... و أكملي حياتك معه بشكل عادي ... لا تقومي بأي ردة فعل معاكسة ...

وستجدينه قد نسي الموضوع ...

وفي لحظة صفاء .. ( بعد كم يوم )

وبكل هدوء .. اعتذري له عن ما حصل .. واشرحي له ما حصل بالضبط ...

وعديه بأنكِ ستقومين بالاهتمام بأموره وأغراضه الشخصية أكثر إن شاء الله ... ( كما كنتِ )


و في وسط هذا الكلام .. وبعد أن تري ابتسامة ترتسم على محياه ... أو رضا يخالج مشاعره ...

عاتبيه عتاب المحب بلطف ...

بأنه كان يستطيع أن يبلغكِ بحرصه الشديد ...

على أن تكوني واعية ومتيقظة لإدارة منزلك بما في ذلك الاهتمام بأغراضه الشخصية ..

ولكن بأسلوب ألطف ..


و إن شاء الله ... مادام أن هذا طارئٌ طرأ على زوجك .. ولم يكن موجوداً بينكم في السابق ...

فستجدينه يعتذر لكِ .. وقد يقوم تلقائياً بشرح أهمية ( الفلاش ) له في ذاك الوقت أو سبب التعجل في احتياجه ..

خجلاً من أسلوبك اللطيف .. وحسن تصرفك .. وأدبكِ معه واحترامه ...



ونأمل بإذن الله أن تعود بعد ذلك المياه لمجاريها ...


وفقكم الله .. وأسعدكم في الدارين ... وأقر أعينكم بطفلكم

__________________
... ( بالحب نعيش أجمل حياة ) ...

اشكرك جزيييييل الشكر اللي ينبع من حكمه وعقل بالغين وجزاك الله خير

اختي استغفري مية مرة لما تصير اي مشكله ..وان شاء الله ربي بيفرجها

وماراح تكبر ...


حاولي ماتزيدين المشكلة تحملي كلامه هو معصب


وان شاء الله خير

__________________

المشكلة بسيطة , إنت فقط لما صوته يعلى عليكِ اسكتي و اسكتي و لما يخلص قوليله جزاك الله خيرا و ادخلي اعمليله كوب شاي و ادخلي نامي أو اجلسي بجانبه و اسئليه : عجبك الشاي ؟

زوجك واضح إنه عصبي و الرجل العصبي يحتاج أن تقابلي عصبيته ببرود , لأنك لو فعلتي مثله ستعلو الأصوات و أتفه المشكلات تتحول لنار و بلاوي

__________________