انقذوووووووني......مصيبه حلت على حياتي الزوجيه......دوووووت بحاجه لكم!!!!!!
السلام عليكم....
اخواني و اخواتي الكرام
لن اطول في المقدمه و سوف ادخل في الموضوع على طول....
واسمحوا لي استخدم اللغه العاميه....
في الفصل الدراسي الماضي (الفصل يبدأ من شهر فبراير الى شهر يونيو)....كنت اداوم في الجامعه حالي حل اي طالبه.....
وكنت ادرس ثمانيه مواد تقريبا....المهم
معظم المحاضرات كان الدكاترة من الرجال....وقليل جدا ان اخذت ماده عند امراة....وذلك ليس بارادتي بل اجباري على حسب الصفوف المتاحه......
احد الدكاترة كان ملتزم و خلوق جدا حتى في تعامله مع الطالبات.....وبما اني كنت اكره تلك الماده...و ايضا الماده كانت صعبه جدا...في اول الفصل الدراسي حاولت اشد حيلي بس لما تأكدت ان نجاحي مستحيل طنشت و صرت احضر مرة و عشر مرااااات انام.....
وحتى لما احضر اكون متأخرة.....فكان الدكتور ينبهني بأن تاخيري كثر و كان دائما يسألني عن سبب تأخيري...مع ان في الجامعه الدكتور ماله شغل بالطالبات بس عليه ياخذ الحضور و الغياب في اول المحاضرة و اللي تدخل متاخر او تغيب هي الخسرانه......
على نهايه الفصل وفي المحاضرة الاخيرة قال لي الدكتور بان اراجعه في المكتب.....مع العلم انني لم اذهب يوما الى مكتب اي دكتور حتى و ان ظلمني في الدرجه اطنش بس ما اذل نفسي عند اي واحد....
المهم
لما قال لي الدكتور راجعيني بالمكتب ضروري...فكرت اطنشه لاني حاسه اني راسبه....فمهما كانت المشكله مراح تهمني.....وبعد هالمحاضره المشؤومه.....اتصل علي زوجي فقال لي انه ينتظرني بالخارج....لان هذه المحاضره هي الاخيرة....فقلت له ان الدكتور قال لي بان اراجعه في المكتب...فسألني زوجي عن السبب قلت له لا اعرف و على اي حال انا مو مهتمه....
فقال لي زوجي روحي له بس انطريني ابي اروح معاك اشوفه شنو يبي منك؟؟؟....فقلت له وليش تروح معاي انا مو جاهل و اصلا انا ما ابي اروح....ابي اروح البيت.....قال خلاص انا ناطرك خليه يولي.....!!!
وانا طالعه من المبنى اللي فيه المحاضره شفت بالصدفه الدكتور و قال لي باسمي.....فلانه لو سمحتي تفضلي معاي ابي اكلمك بموضوع بكل احترام و ادب....ارتبكت لان زوجي ينطرني بره و لو اتصلت عليه و قلت له ان الدكتور قال لي تعالي معاي راح ينزل من السيارة و يسويله فضيحه....وانا عارفه زوجي و غيرته المجنونه.....و تعمدت امشي ورا الدكتور...واتصل فيني زوجي وقال وينك قلت له لحظه بس اروح الحمام و اطلع....
المهم لما رحت للمكتب دخلت وراه و كان الباب مفتوح و المبنى مليان طلبه و طالبات يعني الوضع طبيعي.....
فسالني الدكتور عن سبب تردي مستواي الدراسي....لاني كنت باول الفصل شاده حيلي....
فقلت له مافي سبب الماده صعبه و انا حاسه ان مهما اسوي راسبه راسبه....فقال وليش مأيسه من الماده لهالدرجه...هل انا السبب او طريقه شرحي....قلت له لا بس انا مضغوطه هالفصل....طبعا انا قاعده اتكلم و جسمي يرجف من التوتر و الارتباك....وبالاخر قال لي شدي حيلك بالاختبار و انا مراح اقصر معاك.....وقال تبين شي.....قلت له لأ.....و طلعت
ولما رحت للسيارة
قال زوجي ليش تاخرتي......قلت له الدكتور شافني و قلت له كل اللي صار..........
جن جنونه و قعد يقول لي ليش انتي بالذات اللي لاحظ مستواك مع ان القاعه فيها اكثر من خمسبن بنت....قلت له ما ادري
وصمم الا ينزل للدكتور و يتهاوش معاه و الحمد لله انه ما يدل مكتبه.....و انا رفضت اروح معاه للمكتب لان فضيحتي راح تصير بجلاجل.....و لو تعدي زوجي بالضرب على الدكتور....فيها سجن ثلاث شهور... لانه تعدي على موظف اثناء تـاديه عمله....و قلت له والله موبس انا في المكتب كان فيه اكثر من خمس بنات غيري....وفعلا المكتب كان فيه كذا بنت من نفس شعبتي..........
المهم الله هداه....و رحنا للبيت ووضحت له اني كذبت عليه اني رايحه للحمام لاني ادري بغيرته.... و ان الدكتور ملتزم و لحيته اطول منه....وانه رجل محترم حتى اذا كلم اي بنت ما ينظر اليها....!!!!
وعدى الموضوع على خيييييييييييييييييير
يوم الامتحان النهائي.....في الواقع قبله بيوم...تخيلوا ما درست نهائيا......لاني ادري اني راااااااسبه......و زوجي كان يقول لي طيب ادرسي شوي يمكن الله يسهل لك ...كنت اقوله مستحييييييييييييييييييييل انا رااااسبه يعني راااااسبه....
ورحت للامتحان و كان من 13 ورقه.....حليت اول خمس صفحات و الباقي.......فاااااااااضي
بصراحه انا كنت ابي ارسب لان دكتور الماده كانت طريقه شرحه غبيه.......وحبيت اخذها عند دكتور ثاني علشان ارفع معدلي....و زوجي يدري بكل هذه الامور
المهم بعد ثلاث ايام رحت اشوف النتيجه......وكانت الصدمه الكبرى
تدرون شنو النتيجه......A......يعني امتياز
وقلت لزوجي عن النتيجه و اعتقدت انها خطأ مطبعي بس لما شفت النتيجه على موقع الانترنت تأكدت انها نتيجتي....وفرحت اني اجتزت الماده......وراح الموضوع...........
الحين و بعد اربعه اشهر...........جاءت الطامه الكبرى
بيوم دخل زوجي فجأه معصب....و طبعا كلمه معصب ما توصف الحاله اللي كان عليها....بل مجنون او ما ادري شنو اقول.....
وقعد يصرخ علي بصوت اتوقع كل البلد سمعته.....
جامعه مافي.........دراسه انسي.........طلعه من البيت لو تموتين..........وظيفه باحلامك تشوفينها.....
طبعا هذا كان مقتطفات من الكلام اللي قاله زوجي يومها و كان راح يتهجم علي و يضربني يومها....مع انه والله العظيم من تزوجنا عمره ما مد ايده علي و لو حتى مزح..........
المهم يومها لولا تدخل اخوان زوجي و تدخل امه لكنت ...........الله يعلم......!!!!!!!!!
بعدما ما اخذوه اخوانه بره شقتي و انا طبعا ما علي حجاب و صارت فضيحتي بالبيت كله انه انا و زوجي بيننا خلاااااف.....
تخيلوا كنت مثل الصنم ما طلعت مني ولا كلمه من الصدمه....بس دموعي كانت تنزل مثل النهر.......
اللي عرفته و ياليتني ما عرفته....
اثناء جلوس زوجي بديوانية عمي....دخل عليهم رجل و ابوه و اخوه....و بعد موضوع طويل و كلام مع عمي ماله داعي اذكره.....الخلاصه ان هذا الرجل جاي يخطب بنت اخوه اللي هي انا..............
ااااااااااااااااخ
مصيبه صح......والادهى و الامر.ان هذا الرجل ذكرني بالاسم....بنت اخوك فلان.....وطبعا هذا الرجل طلبني من عمي لان ابي متوفي.......
الكارثه العظمى هو ان زوجي كان من ضمن الموجودين........و فجأه قام على هذا الرجل مثل الاسد و عينكم ما تشوف الا النور............
على حسب ما سمعت ان ذلك الرجل و اخوه بالمستشفى واي احد يشوفهم يقول داهستهم سيارة من شدة الضرب اللي كلوه...اما ابوهم فاكتفى برفع قضيه.......
و الحاله الان ما يعلم فيها الا ربنا..........
قد تتساءلون اين هي الطامه الكبرى و المصيبه العظمى...........
الرجل الذي يريد الزواج مني و الذي جاء يخطبني.....
هو ذلك الدكتور في الجامعه............الذي اعطانيA من دون ان استحقها..............
لم يعلم زوجي بذلك الا بعد ذهابه الى المخفر و معرفة اسمه.........(مع العلم بانه يعرف اسم الدكتور لما كنت بالجامعه)
طبعا كلام زوجي لي كان مثل الصخر............
وانه (الدكتور)ما نجحني لسواد عيوني بل للزواج مني....وانه كان حاط عينه علي............... انا الان بحاله كسيفه ولله الحمد.............
و زوجي خرج من السجن بعد ان تنازل عنه عريس الغفله......و اخوه المنحوس.....
انا لا الوم زوجي على غضبه.....لان ذلك الغبي....جاء ليخطب وحده ما سأل عنها متزوجه ولا لأ.....والمصيبه ان عندي ولد...........
مازال زوجي بحالة غضب غير طبيعيه.......و لاتجنب غضبه و بصراااحه انا خايفه منه.....احترمت نفسي و رحت لاهلى لان اي كلمه مني له راح توديني بداهيه.....و عواقبها وخيييييييييييمه....مع اني انجرحت من كلام زوجي لي......
بس الحين مو الوقت المناسب لالتفت لمشاعري.....المصيبه حاليا بزوجي لاني اسمع من اهله انه يمشي و يتهاوش مع نفسه و متحسف انه ما قتل ذلك الرجل....
بعد يومين اتصلت عليه وقلت له ان مالي علاقه بكل اللي حصل....وانه هو اكثر الناس معرفه بي و باخلاقي......ورد علي...ادري بس حاليا مو طايق اشوف وجهك لاني راح اكسره!!!!!!!
مازال غضبه عاااارم......و الكل صار يتكلم بالموضوع ان استاذ من الجامعه خطبني.....و تعرفون الناس و السنتهم.......!!!!!!!!!!!
واتصل زوجي علي يقول لي راح امرك و اخذك للبيت..........بس نبرة صوته ما تطمن.....فقلت له اني مريضه جدا و ما اقدر امشي و نفسيتي تعبانه.....انا فعلا نفسيتي تعبانه بس مو مريضه........بصراااااحه خايفه منه حيييييل.....مع ان الكل كلمه و قالوا له الموضوع مجرد سوء فهم....بس راسه يااااابس....
وتخيلوا اللي زاد من غضبه ان الرجل(الدكتور) تنازل عن القضيه.....و زوجي بنظره انه تنازل عن القضيه علشاااان خاطري............!!!!!!شوفوا تفكيره وين وصل؟؟؟؟
اللي اقدر اقوله ان تفكير زوجي حاليا موطبيعي...ارجوكم ساعدوني كيف احل هذه المصيبه......خاصه و ان زوجي رافض اكمل دراستي.........وباقي لي سنه و اتخرج ...والدوام يبتدي بعد اسبوعين..........
وانا عندي انحرم من الهوا و الماء بس الدراسه امووووووووت من غيرها...
واسفه على الاطاله
ارجوكم ارجوكم لا تنسوني بالدعاااء
اختكم
دوووووووووووت