الحقوني باالنصيحه ياأهل النصيحه
السلام عليكم ورحمة الله وبركاته
انا محتاجه أي أحد ينصحني تكفون 000000
انا وسبق وعرضت مشكلتي ان زوجي متزوج علي وحده ثانيه ولا إرتاح معها والآن أخذ قرار وطلقها وانا يعلم ربي اني مالي دخل باالموضوع ابدا ابدا 000لاكن المشكله الآن انه حزين جدا وحاس باالذنب من ناحيتها علي قولته ظلمتها 00
وانا أسألكم وش لازم اسوي الحين علشان أطلعه من الي هو فيه وش الأسلوب الي لازم اسويه عشان انسيه مع العلم انه الحين مايطيقني ولا يطيق كلامي وزعلان علي طول ويتضايق بسرعة البرق 00تعبت والله تعبت انا نفسيتي زفت ومحتاجه للي ينسيني محتاجه للكلمه الحلوه لاكن الواجب علي انى انا الي لازم اراعي خاطره بس والله تعبت ماعرفت وش اسوي ؟؟؟؟
ناس كثير قالو لي لاتجيبين طاريها الي هي زوجته السابقه والله ماأجيب له طاري باالعكس ادعي لها قدامه 00وصدقوني تراه مايحبها ولا واحد باالمئه بس رحمه يحس انه خرب حياتها
بس انا وش دخلني انا الي أتحمل يوم كان متزوجها تعبان يوم طلقها تعب أكثر وش ذا الحاله
اقترحت عليه انه يسافر لمكه أو أي مدينه يغير جو لاكن رفض 000
وانا ماأقدر اروح عن البيت لأن مالي أحد وعندي عيال وش اسوي تكفون دلوني مع ذا الرجال الي متعب نفسه ومتعبني معه ؟؟؟
وهل هذه حاله لازم يمر بها وراح تعدي ؟؟
وصدقوني من يوم أخذها وهو يبي يطلقها وجلست معه سنه وخمس شهور وكل هاالمده وهو تعبان نفسيا وأخذ القرار وطلقها وجلس أسبوع بعد الطلاق وهو مرتاح نفسيا والضحكه في وجهه لاكن الاسبوع الثاني تعبان باالمره وش الحل ؟؟؟؟؟؟