السلام عليكم ورحمة الله وبركاته


اخواني اخواتي ...
انا ولله الحمد مملك و ان شاء الله زواجي بعد 4 شهور تقريبا ....
1 - الحاصل اني ابغي اعرف هل تدليع الزوجة زين في فترة الملكة او لا ؟؟ وهل في شهر العسل نفس الشئ ؟؟
طبعا انا لا اقصد ان اكون بخيل مثلا و لكن اكون معتدل في الصرف ، خصوصا اني لا اريد ان اعود زوجتي علي ما لاطاقة لي به ... وشكرا لكم ...

2 - هل من الافضل ان اشرك زوجتي في اختيار اماكن شهر العسل ؟


وشكرا لكم مقدما



نواف

بس فترة الملكة ؟ تدليع الزوجة شي ايجابي طول حياتك معها
وانت الي تستفيد منه بشكل او باخر .. تدليع بحدود المعقول وقدرتك

من الافضل ! يعني تتوقع انت تختار الدولة
ولا تاخذ رايها ووش ودها فيه .. ؟! بديهيا واجب تاخذ رايها
هذا معنى الشراكة انك تاخذ رغبتها بعين الاعتبار

الله ييسر اموركم يا رب

__________________



احيانا يجب ان نفقد ذواتنا كاملة لكي نستعيدها كاملة ...

اختيار الشريك المناسب منذ البداية
والإنصياع التام لأوامر الله في مسيرة هذه الشراكة.. له أثر كبير على الدلع وحسن المعشر والأخلاق الحسنة

فإن خفت الله فيها وخافت الله فيك
مهما حصل من مكدرات ومنغصات تعودان سريعاً وبقلوب نظيفة ملؤها المحبة والإيمان

أما الماديات فكن واضح منذ البداية
وافتح لها ملفات إمكاناتك
وتذكرا بعضكما البعض دوماً بجلب ماينقص الآخر أو ما يحب اقتناءه
فالهدية لها أثر عظيم في قلب كلاً من الزوجين سواء في فترة الملكة أو بعد الزواج
ألم يقل الرسول صلى الله عليه وسلم (تهادوا تحابوا).. فالهدية مجلبة للمحبة
المهم لا تكلف نفسك فوق طاقتها فينعكس الأمر سلباً على علاقتكما والعكس صحيح

وفقكما الله

شي اكيد انك بتاخذ اعتبارها في الدول الي هي تبيها ..

وتتفقون على دوله معينه ..

يعني كل واحد له ميول ناس تحب الطبيعه وناس تبي دوله حضاريه ملاهي وشوبينق وكذا ..

وناس تحب تدور حضارات قديمه .. وناس تحب التقنيه الجديده ..

وطيب مايمنع انها تكون اجوااااااااااااء رومانسيه بالاول والاخير ..

والدلع مايشترط الاسراف ..

لاتنساها من الورد .. والعطر والشوكولا ..

مع الهدايا الي تحب تهديها لها ..

والله يديم عليكم السعاااده ياارب ..

__________________

دلعها وونسها والدلع ماله دخل بالاحترام لاتحاول تسمع كلام الي يقول شد عليها وابخل عليها ولاتعطيها وجه من البدايه لا اخوي انت اخذت بنت الناس معززه ومكرمه عند اهلها دلعها بالكلام الزين و المدح وشجعها واكرمها خذ رايها واشتر لها الي بخاطري على حسب مقد تك خلك حاسم اذا شفت مثاا خللل بحجابها او عدم احترامها لاهلك ولكن غيره لا عطها وضعها كعروس والاهم لاتمنن عليها او تعيب عليهت

جرب ان تكرمها اولاً.. فان كانت ردة فعلها كريمة فزدها كرماً .. لانها كريمة وتستاهل..
وان كان العكس فالله يتولاك برعايته.. مو كل الناس يستاهلوا المعروف .. فبادر به وتصرف بناء على ردة الفعل

__________________
ان انت اكرمت الكريم ملكته.. وان انت اكرمت اللئيم تمردَ!!

ماشاء الله ربي يتمم لك بخير ويسعدكم ويهنيكم
الدلع لايقتصر على الامور المادية
ممكن امور بسيطة جدا تشعر فيها زوجتك باهميتها لديك وحبك لها
مثل ماقالت الاخت توفي الشوكلاتة والورود ورسائل الجوال الرومانسية تفرق كثير في علاقتك مع زوجتك
ومايمنع انه بين فترة والاخرة تفاجئها بهدية غالية في حال كانت ميزانيتك تسمح
اما شهر العسل لفتة حلوة انك تشاركها باتخاذ القرار وتوصلو لاختيار مشترك بينكم حتى تنبسطو انتو الاثنين في سفرتكم
الله يوفقكم يارب

اخي الكريم
ترى الدلع مو شرط يكون بالفلوس فقط الكلمه الحلوه هي من انواع الدلع كذالك
فلاتبخل على زوجتك بالمصاريف وبالكلام الحلو وبالتقدير الذي يبرز احترامك لها في كل الحياه
وبالنسبه لشهر العسل لفته حلوه انك تختار المكان معها وهذا دليل تفهم منك وتطبق فعلي لمعنى المشاركه بينكما وبالتوفيق اخي الكريم وشكرا
وممكن ان تحدد لها اماكن او تعرف منها اش الاماكن الي تحبها وتفاجاها اهم شي لاتستكثر عليها الفرح والشعور بالاهتمام وبالتوفيق اخي الكريم

الله يسعدك ويهنيك ويحقق أمانيكومن أنهار الجنة يسقيكومن سندسها يكسيك
اذا تحبه راح يطلع الكلام من قلبك بدون
ماتتعلم من احد او تأخذ دروس بس بنساعدك ولا يهمك
قل لها بيت شعر كل ما شفته عطاها بيت او بيتين وانت هيمان بالغرام
تصنع معاليك وقالها كلام حلو اول شي تنسي اسمه يعني ماتناديه الي ياحيتي وحبيبتي ويحبي ومن السوالف ودز لها مسج وغرقه بالكلام الحلو السعودين ميدلعون الي في شهر العسل وبعده يصير شهر العسل بصل

__________________

نواف حبيب قلبي

انصحك بشي اجمل من هالامور هاذي كلها بالنسبة للصرفيات
خلك نظامي مع زوجتك من ناحية المادة وبترتاح طول عمرك..!!

كيف؟؟

اتفق معها ع نفقة شهرية لها ثابتة بحيث تكون هالنفقة وافيه عليها
واترس بيتك من خيرات الله ، وفهمها ان مالها اكثر من هالنفقة عندك!!

الا في حالة صارت مناسبة (فرح، حفلة ، ولادة صحباتها) وفي حال
ارتفعت الاسعار مع مرور الوقت زيد نفقتها..

بالنسبة للهدايا بينكم تكون بالمناسبات واذا حب احدكم مشكوراً يهدي
من غير وجود مناسبة ف جزاه الله خير.

بالنسبة لاثاث البيت قولها كل سنتين نغيرة وع حسب مقدرتنا المادية
وبالنسبة للموبايل قولها كل ماغيرت تلفوني اغيرلج معاي.

اما فترة الملكة
انا ماني مع دلعها انا مع احترامها
ادلعها وهي مابعد جتك وصارت بين ايدينك وعرفت خيرها من شرها!! شهالدلع المنافق هذا!!

وان جيت للصجية انا ماني مع موضوع التعارف وقت الملكة
ودك ان الرجال اليا ملك يتزوج بالكثير بعد 4 شهور وبتعرف عليها ابيتة!!
لان مايطيح هيبة الرجال عند اغلب الحريم الا سالفة التعارف وقت الملكة


اما سفرة شهر العسل
مافيه داعي اتشاورها .. هو شهر عسل مو دولة عسل!! الغاية منة انكم تكونوني مكتن يوفر لكم الانسجام والجو الهادء.

لكن انا مع انك اتشاورها في باقي المواضيع ووتتعلمون ع سياسة طاولة الحوار!!

واذا شاورتها وقالتلك راي "امدوج" وافقها علية قدامها وسو عكسة. ههههه

__________________
استغفر الله واتوب إليه