قدر الله علي وصرت عزوبي هالاسبوع ابي طريقة غسيل الملابس

28-01-2012, 03:18 PM

ALI_R

عضو دائم

تاريخ التسجيل: Jul 2007

المشاركات: 67

قدر الله علي وصرت عزوبي هالاسبوع ابي طريقة غسيل الملابس

السلام عليكم كما في العنوان اريد طريقة غسيل الملابس
نوع الغسالة عادية ليست اتوماتيك

الغسيل عبارة عن سراويل وفنايل بيضاء

وبعض البجامات الملونه كاللون الرصاصي و السكري

كيف احط الصابون وكيف احط الكومفرت عاد عطونا خبراتكن الله يبارك فيكن وبعيالكن والي ما تزوجت الله يزوجها الزوج الصالح

28-01-2012, 03:43 PM

ظل انثى

عضو مميز

تاريخ التسجيل: Aug 2011

المشاركات: 508

[SIZE="2"]

بالنسبه للملابس البيضه اغسلها لوحدها حط كمية مويه بس مو تملي الغساله حتى بس يغطي الملابس الداخليه وبعدين حط صابون مدري انت وش تستخدم تايد ولا اريال المهم وشوي كلوركس خليها تلف لفه كامله وبعدين صفيها في النشافه بالمويه وبعدين ارجع عبي مويه شوي في غساله وحط كمفورت وحط الملابس الي نشفتها وممكن في طشت كبير تنقع الملابس في كمفورت وبعدين ارجع نشفها وعلقها في المنشر

الرصاص اغسله لحاله بس كلوركس لا تحط ونفس الطريقه

بعد السكري

عشان لما تلخبط الملابس تخاف يفسخ الالوان وتبقع مع بعض وبس الكلوركس للثياب البيضه فقط اتمنى فهت عليا

[/SIZE]

28-01-2012, 03:50 PM

Nourh

عضو متألق

تاريخ التسجيل: Jan 2012

المشاركات: 348

اخوي اعانك الله
حط في الغساله الماء المناسب للغسيل وحط كوب صابون نصيحه لاتحط كلوركس يعدم الملابس الداخليه استخدم اريال افضل وحط الملابس البيضياء فقط شغلها الى ان تطفي واذا الملابس متسخه مره عاود التشغيل مره تانيه
طلعها وحطها في النشافه وغطيها وشغلها
اذا الماء والصابون لازال نظيف حط البجايم الملونه ونفس الطريقه
بعدين تبدأ مرحلة الشطف وهنا حط مويه جديده وحط معها الكومفرت وشطفعا ونشفها وانشرها
بالتوفيق ان شاء الله اكون افدتك

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

التعديل الأخير تم بواسطة Nourh ; 28-01-2012 الساعة 03:53 PM

28-01-2012, 06:21 PM

عيوني تحكيني

قلم مبدع

تاريخ التسجيل: Nov 2011

المشاركات: 2,055

مـاقصرورا البنـات معاك ..
كفـن ووفـن ..
أتبع نصـائحـهن ..
..
نتمنى لك غسيـل ملابس مووفق ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

28-01-2012, 09:15 PM

ALI_R

عضو دائم

تاريخ التسجيل: Jul 2007

المشاركات: 67

الله يجزاكن خير
بارك الله فيكن

28-01-2012, 11:41 PM

سيدة الموقف

كبار شخصيات المنتدى

تاريخ التسجيل: Apr 2011

المشاركات: 5,061

:*

*ضروري قبل تبدأ تفرغ جيوب ملابسك من كل شيء
ودائماً خل عندك علبة أو صندوق أو سلة تضع فيها ماتفرغه من
جيوب الملابس حتى يسهل عليك إيجاده

وخلي الجيوب لبرى حتى تتنظف من جوى
والبنطلونات أقلبها وسكر سحابات البناطيل
أو أي ملابس عندك فيها سحاب

ثاني شيء تعزل الغسيل

*الملابس الداخلية تغسل لوحدها

*الثياب البيضاء لوحدها

*الملابس الملونة من بيجامات وخلافه لوحدها

*الشمغ تغسلها على يدك لأن الغسالة تعدمها
وماتستخدم مساحيق الغسيل تستخدم شامبو غسيل

والغترة والطاقية كذلك على اليد بس تستخدم معها
صابون مبشور مخصص لها الشيء وينباع في المحلات
وتنقعها فيه فترة بسيطة

نجي للطريقة :

تعبي الغسالة ماء كافي حسب كمية غسيلك
إذا غسيلك قليل الموية تكون قليلة
تضع الصابون بمقدار مناسب أنت راح تحدد
قد أيش تحتاج صابون ولاتبالغ بإضافته
يعني يكفيك نصف المكيال أو ربعه

وأنواع المساحيق الممتازة: عندك: بونكس / تايد/ أريال / برسيل /داك

بعد ماتجهز الموية وتحط فيها الصابون ضع الملابس
وشغل الغسالة وعايرها على المدة إلي تحتاج لها
بتلاقي مكتوب عندك 15 دقيقة أو 30 دقيقة
وربع ساعه للملابس المتسخة أتساخ بسيط كافية

*الملابس البيضاء ضع عليها فانش أفضل كثير من الكلوركس

أنا الكلوركس ملغيته نهائي في غسيل الملابس ومستعيضه عنه بالفانش

*بعد ماتنظف الملابس حطها في النشاف وفرغ الغسالة من موية الصابون
وأشطفها وبعدين عبيها موية نظيفه لشطف الملابس وضع ربع غطا من منعم الملابس
كمفورت أو لينور أو داوني أو أي شيء تفضله
وأنصحك بداوني الأزرق "نسيم الوادي" رهييب

* بعد كذا طلع الملابس من النشاف وضعها في موية الشطف وخليها
ربع ساعه وبعدين ضعها في النشاف لحد ما تنعصر منها كل المويه وأنشرها
على الحبل وأهم شيء قبل تنشرها أمسح الحبل زين وتأكد أنه نظيف ولاتنسى
تمسكها بمشابك الغسيل

:*
طبعاً الملون نفس الطريقة بس بدون ماتضع فانش بس صابون كفاية
مع المنعم

والشماغ :
مثل ماقلنا بشامبو خاص بالشمغ وباليد
مثل: برسيل

__________________

" اللهم اجعل لي فرجا ومخرجا , ودبرني فإني لا أحسن التدبير "
*

شوك أحبكِ في الله
فكوني قوية وابتسمي لتبتسم الدنيا

29-01-2012, 09:26 PM

العـ/الفريد/ـقد

عضو متألق

تاريخ التسجيل: Aug 2011

المشاركات: 2,267

الكلوركس لا يستخدم إلا في حالة البقع الصعبة كبقع عصير الرمان
وكذلك فانيش أوكسي بأنواعه سواء سائل أو حبيبات
وكثرة استخدامها تضر الأقمشة وتتلفها
واتساخ الملابس من أتربة وغبار وعرق وروائح غير مستحبة كفيل بها الصابون العادي
تاخذلها لفتين وكل شي تمام

.............

30-01-2012, 02:51 AM

روح الطير

كبار شخصيات المنتدى

تاريخ التسجيل: May 2005

المشاركات: 12,052

أنا و الله اللي استفدت منكم و خااااااااااصة من سيدة الموقف

من جد يعطيكم العافية .. ^^

30-01-2012, 03:23 AM

روح المساء

كبار شخصيات المنتدى

تاريخ التسجيل: Jun 2010

المشاركات: 3,432

الملابس البيضاء والداخلية تنقع في الماء الحار فترة معينة عشان يطهرها ومن ثم تغسل مع مسحوق الغسيل الذي تستعمله
وعند الشطف يوضع السائل الملطف
البيجاما تغسل في ماء عادي فاتر ومايحتاج نقع
الصابون على نفس كوب المقياس اللي يجي مع علبة المسحوق وغالبا نحط كوب واحد
والسائل الملطف فيه تعليمات على نفس العلبة إذا رح تغسل بيدك او في الغسالة وكم تحط الكمية

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

التعديل الأخير تم بواسطة روح المساء ; 30-01-2012 الساعة 03:25 AM

30-01-2012, 10:36 AM

#10

حلوة المعاني

عضو نشيط

تاريخ التسجيل: Jun 2008

المشاركات: 193

الكل ماقصر وسيدة الموقف ماشاء الله عليها عطتك طريقة غسيل الملابس الصحيحه وبالتفصيل
بس احابه اضيف حاجه
في نقطه مهمه وهي بعد ماتحط المويه والصابون لازم تحرك الغساله مهم تحرك الغساله قبل ماتنحط الملابس
وكمان الدواني والكومفرت لاتكثر منها لانها تعدم الملابس وتخليها مهريه
يدوب شووووي تحط ونفس الشي للكلوركس

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه