السلام عليكم ورحمه الله وبركاته
مسائكم عامر بذكر الله
كيف حالكم يااعضاء منتدانا الغالي

ابي مشورتكم وتوجيهكم لي لأنه يعلم الله أن السبل ضاقت بي
زواجي صار له شهر ونص
في البدايه زوجي يقول لي أنه يريد مني اهتمام يريد مني اسلوب حلو
وانا ارى ان أسلوبي معه لاعليه غبار
أودعها عند الباب واستودعه ربي وبقوله توصل بالسلامة
لمى يرجع استقبله باحلى ابتسامة واكون فرحانة بجيته وقوله الحمدلله ع السلأمه واكون متروشه ولابسه و غداى جاهز ومنظفه البيت
لمى يطلع اكرمكم الله من دوره المياه متروش أكون مستنيته بالفوطه عشان مابيرد
ملابسه أغسلها واكويها وملابسه الداخليه أكويها
الفطور اصحى بدري أخبر له خبز بر لأنه يحبه واصحيه قبل الصلاة بوقت يفطر فيه ويتسنن بعدها ييذن على طول
بس هو يقول اني اتصنع في تعاملي معه وانا والله اني ما اتصنع أحب اهتم في الشخص إلى أحبه ولا عمري قلت له أنا سويت وسويت اذا لاحظ كان بها ملاحظ عادي ما اتكلم خوفاً أنها تجي في صدره ويقول اني اتمنن عليه
لمى يحصل بينا جماع راسي جهه اليسار وعيني يجيها صداع فضيع اول مره جاني ماقدرت أتحمل قلت ياقلبي راسي يوجعني وبريح شوي في ها اليوم ماسويت فطور ماقال شي بالعكس الله يجزاه خير اتصل على وهو في الدوام يتطمن
ثاني يوم تكرر على نفس الألم قلت له أن الأم تكرر على قالي اني اتصنع الألم عشان ما أصلح. فطور وانا والله موب هذا طبعي بالعكس اذا مافي نفسي اسوي شي أقول مافيني حيل اسوي بس ما اتعذر بالألم
المهم جت في نفسي صرت لمى أتألم اكتم في نفسي بس يوضح على وجهي ويسئلني يوجعك شي ما أعلمه خوفاً انه يفسر اني اهرب أو أنه يبدأ يثبت لي أن كل شي اسويه تصنع أو مجاملة بحكم أن احنا في بدايه الزواجوان كل شي يصير اهتمام مؤقت
انا من النوع الكتوم والحساس أي كلمه منه تأثر فيني
هو دايم يقولي انه يبغا مني اهتمام يبغا اسلوب حلو يبغا مني هدف امشي عليه
علما أن انا عندي هدف واطمح لشي معين بس ما اشارك أحد في هدفي وطموح لأن عندي قناعه أن الهدف عشان الشخص يوصل له فيه كم طريق فأنا قاعده امشي. على خطه رسمتها بنفسي وحطيت لها مده زمنية سبب عدم بوحي لهدف وطموحي له هو الخوف من الفشل في قراره نفسي اقول اني لو فشلت عادي ما حد يدري وش في تفكيري ولا أحد يدري اني حاولت وفشلت
افيدوني كيف أوصل له اني انا ما اتصنع وإني اسوي الشي بطيب نفس صح اني غلطانه المفرو اني اشاركه بكل شي لاكني احتاج لوقت انا ما اقدر أقوله كل شي أحس اني للحين ماعرفته
ابي رأيكم انا على صواب انا على الطريق الصح هل اخطيت في حقه هل تعاملي معه دفش او فيه خشونة

تعالجي من الصداع النصفي و تنحل مشكلتك باذن لله

صح انه تعاملك معاه حلو وتعطي و تضحي مع الألم و التعب
بس هو يقولك انك بتجامليه و بتتمنني عليه
عشان حاسس انك بعيدة عنه
غامضة و في اشياء ما بتخبريه عليها
حاولي أختي قربي منه اكثر
يعني "كتومة و حساسة " صعب تكوني كدة مع زوجك
يعني لازم تكوني في البيت مرحة تمزحي وتضحكي و تحكي و تتدللي ...
يعني عطائك و تضحيتك ناشفين شوي
عشان كدة بيحسك بتجامليه
سوي جو في البيت بيتغير زوجك ان شاء الله

__________________
أبسط شيء في الأناقة نظافة قلبك

اطلبي منه اﻹهتمام

بيحس بيكي و يمكن عنده عطاء زايد بس مو محصل احد يعطيه !!

__________________
[img]http://im78.***********/FRd0Bi.jpeg[/img]

لساتكم ببداية البداية .. في قدامكم مشوار طوييييييييل .. اكتر من عادي هالمشاكل الي حكيتيا

ايه طليقي كان يقول كذا
بس لاتقصرين بحقه واسالي الله يزرع حبك في قلبه

السلام عليكم ورحمة الله وبركاته. .
أختي الكريمة ..
أولا/ حلي مشكلة الصداع النصفي وهل سببه ضغط نفسي أو عارض من الجيوب الأنفية ..
ثانيا/ بالنسبة لعدم فهم زوجك عادي ومازالت في أول شهر ، طبيعي جدا اﻹختلافات التي بينكما فلا تكبريها ...
ثالثا/ تصارحي معه بكل ماتشعرين به في وقت مناسب تكون نقسينكما هادئة وجو صافيا ..
رابعا/ المشارك في اﻹهتمامات ووو يجعلكما تتفهما بعضكما ..
وفقكما الله .

وعليكم السلام ورحمة الله وبركاته
الأخت الكريمة
جزاك الله خيراً على تعاملك الطيب مع زوجك
بالنسبة للصداع جهة اليسار ليس بالضروري أن يكون صداعاً نصفياً بل ربما يكون التهاب في الإذن اليسرى أدى إلى وجود الصداع من تلك الجهة ، اما بالمناسبة لتعامل زوجك قولي له بأنكِ تريدين الذهاب إلى الطبيب وسيعرف بنفسة بأنكِ "لاتمثلين" كما يقول ، وتعالجي من تلك المشكلة وعندها تحاوري معه بهدوء عن طريقة تعاملة وبأن هذا الشعور من الشيطان يريد أن يزرع الفتنة بين الزوجين وهو اقرب مايكون بين الزوجين ووضحي له بأنك تحتاجين الاهتمام والحرص والتفهم وصفاء النية.

__________________
استغفر الله واتوب إليه

اصبري اختي

صدقيني هو حاس بكل الي تعملينه