في يوم من الأيام كنا نسولف عن التجارة ومو التجارة
وقلت للشباب انجح تجارة
تجارة ورق العنب والتشيز كيك (اخذت المعلومة هذي من اخي تلميذ الحياة هههه)
فقال واحد من الجالسين
اعرف لكم محل حلى عليه زحمة غير طبيعيه
ومليااااان زياين حريم (عشان تعرفوا الشباب كيف يسولفون )
قلت له بسرعه وش اسمه
الحقني يارجال!
قال : كلك حلى (حسبته يتغزل فيني ☺️ )
بحي الروابي - شارع الزبير ابن العوام
الباعه سعوديون ويعرضون حلا مستورد
وحلا منزلي (والظاهر انهم متعاونين مع اللي يعملون حلا بالانستقرام)
وطعمهم ممتااااااز
بحثت عنه في النت ورحت له انا والمدام
ولقيت زحمة غير طبيعيه في الشارع هذا فضلاً عن الزحام اللي داخل المحل
وقفت السيارة صف ثاني
و
و
و
خليت المدام هي اللي تدخل
وانا ماسك العيال بالسيارة 😢
واخذنا منه قطع صغيرة مشكلة لذيذة جداً
سعر القطعه حول الاربع ريالات
والكيكات تبدأ من 90
وعندهم شوكولاته على شكل كوره (بريالين عليها طعم قميييل)
ذهبت له في وقت اخر في الليل واخذت لكم كم صورة
واخذت معها كيكة الفليك 😋
وبعد مااكلناها بالعافيه
تقول المدام انها اكتشفت السر
وان الكيكه عبارة عن كيكه جاهزة + كريمة شوكولاته بين الطبقات + قطع فليك + مغطاة بعجينة السكر + قطع فليك فوق الكيكة
اكتفي بهذا القدر من الشرح
واليكم الصور
اول ماتدخل المحل تجد ثلاجة على يسارك بها كيك مستورد (فاخر)
وهنا كيكة التوبليرون (الشوكولاته اللي على شكل مثلثات واقفة)
ثم هنا فترينة العرض
وبها الكيكات في الاعلى مثل التشيزكيك
وفي الاسفل قطع كيك وحلى صغير
كيكة الكيت كات وكيكة السنكيرز
كيكة السنيكرز و كيكة كواليتي ستريت وكيكة ببلي
كيكة جالكسي - كيكة رفايلو - كيكة فروشيه - وكيكة ريد فلفت - وكيكة الفليك - وكيكة المالتيزر - والكيكة البرتقالية كيكة الشوكلاته اللي بالفول السوداني
وهذه مشترياتنا
صراحة طعمها كلها رائع
استمتعنا بها وعقبالكم
شاكر لكم ومقدر حسن انصاتكم
وعذراً على الاختصار
في امان الله
اوووه
صح
نسيت اهم صورة
عاد معليش نسيتها
او
بالأصح
تناسيتها
07-02-2015, 09:04 PM
ضوابط المشاركة
العرض الشجري