.. العزيزة ( همس 2009 ) ..
.. طفلك عمره سنه ونص صح ؟ يعني توه بيبي .. وطبيعي يكون لاصق فيكي 24 ساعة , لانه انتي في نظره كل شيء , انتي النوم , والاكل , الشرب والنظافه , واللعب , فطبيعي يلصق فيكي , لكن شوي شوي راح يكبر ويبعد عنك ..
..والا فهمته من كلامك بمواضيعك السابقه , أنك ساكنه لحالك , صح !!
.. وهذه مشكله الطفل البكر , والا عايش بس مع امه وابوه , عالمه بس بابا وماما وبس ..
.. وطفلك فطمتيه او لسه؟ اذا فطمتيه فهو لاصق فيكي , لانه مفقتد شيء , وجالس يدور عن الحنان , وانتي بالنسيه له كل مصدر للحنان ..
.. طفلك ما يشوفك ال انتي بس طول اليوم تقريبا , فطبيعي يلصق فيكي ..
.. الحل :
.. تحطي له العاب تلهيه , مثل التركيبات والمكعبات , وتجلسي تعلبي معاه , وبس تحسيه انه سهى ونساكي ابتعدي عنه شوي شوي , بس مو تتخبي عنه علشان ما يفقتدك ويجلس يبكي , وتزيد حالة اللصاقه الا فيه .. لا ابتعدي عنه , وخليه يشوفك ..
.. شغلي له التلفزيون , واجلسي شاهديه معاه , وبس يندمج , روحي عنه ..وكملي شغلك ..
.. تركيه عند احد من خواتك او احد ثقه ساعه بس , وارجعي خذيه , خليه يتعود على عدم وجودك ..
,, زوري صاحباتك وجاراتك , وخواتك .. وخليه ينطلق في اللعب ..
.. حطي له مرجوحه في البيت .. وجلسيه فيها , وخليه يلعب فيها ..
.. دائما دوري شيء يلتهي فيه وينشغل عنك .. وشوي شوي راح يبتعد عنك ..
.. اذا عنده ( دراجه اطفال ) او ( سياره صغيره ) الا يجلسون فيها الاطفال , خليه يلعب فيه .. وانتي من بعيد راقبيه , وقولي له ) تووت تووت << صوت السياره يا زعم .. يعني بالعربي الفصيح , علمية يلعب ,,علميه يلعب لوحده , ومن غير ما تشاركيه ..
دائم اشغليه عنك وعن التعلق فيك , وتقدرين من الحين تعلمينه يعتمد على نفسه بالاكل , وتحطي له الصحن وفيه الاكل مع الملعقه , ويفضل يكون بالمطبخ علشان اذا وسخ المكان يكون اسهل بالتنظيف .. وعلميه يآكل لوحده , وقولي له كلام مثل ( يمي يمي ) او ( همم همم ) .. وهو بيقلدك , وبيقول ,,
اشتري له كره ملونه وصغيره , ولعبيه فيها , شوتي الكره وقولي ( جووووووووول << هدف يعني ) ,, واطلبي منه يشوت , وهو راح يحاول ,, وراح يندمج ,, ويلعب ,, كمان اشتري له سياره صغيره يقدر يمسكها بيده ,, وحركي السياره بيدك على الارض ,, وقولي ( ديييد ديييد ) << الاطفال يسمو السياره ديييد ,, هو راح ياخذ منك السياره وراح يعمل مثلك ..
ودائما حطي له الالعاب على الارض , واجلسيه , واطلبي منه يلعب , وقولي له : انا بالمطبخ , بروح شوي وبرجع .. اجلس العب .. هو يفهمك بس على قد سنه ,, وكل شوي طلي عليه وبتسمي له وشجعيه .. وحمسيه يعلب اكثر واكثر ..
.. وصدقيني شوي شوي راح يلعب , ويكبر يوم عن يوم يفهم انه الحياه مو بس ماما لااا الحياه ماما ولعب وبابا بعد ..
.. اما عن زوجك , فعوديه من الحين انه يتحمل معك شوي من المسؤليه .. عطيه الصحن ياكل الطفل , حتى لو وسخ المكان ..
.. حممي الطفل , ولبسيه البامبرز , وعلى طول حطي ملابسه يحضن ابوه , وقولي له , حبيبي ممكن تلبس الولد ,, الغذا على النار واخاف يحترق .. ومن هالحركات .. وشوي شوي الاب راح يتعلم ويتعود انه يمسك الطفل ..
.. وزوجك بس يطلع مشوار صغير للبقاله مثلا , حالا لا تنتظري ثانيه .. لبسي الطفل صندله , وقولي لابوه : خذه شوي معاك , خليه يغيير جو , ياحرام البيبي متملل من الشقه ..<< هذه الحركه على طول اسويها ^_^ وصار زوجي بس يطلع مشوار بسيط ياخذ العيال معه خخخخخخ
.. اما عن ضرب البيبي .. ترى انتي غلطانه يالغاليه , توه صغير على الضرب , يادوب عمره سنه ونص ..
لا تضربيه على يده ,, لااا كلميه وفهميه بحزم فقط .. والضرب انسيه تماما ..
.. خزيه بعينك , كلميه بحزم , وفهميه ليش انتي تنهينه عن انه يسوي هالشيء ..
.. ولازم تتفقي انتي وابوه على اسلوب التربيه ,, لا تضيعوا الولد ,, واحد يضربه والثاني يدلعه ..
.. الله يخلي لك ولدك .. ويحفظه من كل شر ..
..
30-03-2010, 01:39 AM
ضوابط المشاركة
العرض العادي
