السلام عليكم
حبيت استشيركم في موضوع محيرني
انا كنت بقدم على وظيفه بس ترددت ومحتاره زوجي قال اذا توظفت حصرف من راتبي وحلبس اولادي من راتبي والبس نفسي كمان وحتكون كل مصاريفي علي وهو ماراح يصرف علي انا لما قلي هذا الكلام فكرت اني مااقدم على الوظيفه لاني حسيت انه طمع في راتبي وانا باقي ماتوظفت ففكرت اني اترك الوظيفه وربي يعوضني
اش تنصحوني ؟اجلس واترك الوظيفه؟
الله يخليكم محتاجه ارائكم

__________________
اللهم فرج همي

وعليكم السلام

هل الوظيفه تستحق؟

هل هي رسميه؟

ومرتبها متوسط ؟

هو في الأساس لو كانت الزوجه تملك الملايين ، واجب على الزوج النفقه عليها وعلى الأبناء ، لكن ما المانع في ان تنفقي على نفسك من مرتبك ولكن الأبناء على والدهم أنتي لايجب عليك النفقه ، لكن أنتي تعرفين أن الرجال لدينا حينما تكون الزوجه موظفه يسحب يده من الصرف تماماً وكرم منه إذا كان يسدد آجار المنزل وتسديد الفواتير ، إذا كانت الوظيفه تستحق فحاولي ان يكون المصرف بينكم بالتفاهم ، إذا كانت الوظيفه لا تستحق اتركيها وسيعوضك الله خيراً بإذن الله

__________________
استغفر الله الذي لا إله إلا هو الحي القيوم وأتوب إليه

جزاك الله خير اخي غريب والله ينورحياتك بالايمان يارب
الوظيفه رسميه وراتبها متوسط ولكن زوجي طمع في الراتب رغم ان راتبه حلو ومو محتاج لراتبي
اخي غريب اخاف تصير مشاكل بيني وبين زوجي بسبب الراتب فمحتاره اتركها وربي يعوضني والا اقبلها واتحمل المشاكل

__________________
اللهم فرج همي

أنا أقول حرام تضيعين فرصة وظيفه ، جربي فتره إذا كانت الأمور على ما يرام كان بها وإذا لم يكن تتركينها

والرأي لكِ في النهايه ، وأنتي أعرف بوضعك ووضع زوجك

__________________
استغفر الله الذي لا إله إلا هو الحي القيوم وأتوب إليه

جزاك الله خير اخي غريب

__________________
اللهم فرج همي

شكله مايستغني عنك في بيته..
شكل زوجك مايبغاك تتوظفين عشان كذا
اللي يسويه وسيلة ضغط في اعتقادي

حاولي تجلسين معه وتفهمين منه وتتفقون
اذا همه الراتب فمنتي مسؤلة عن النفقة في بيته
واذا همه انه بيفقدك طمنيه واعطيه ضمانات

والله يوفقكم

__________________
ان انت اكرمت الكريم ملكته.. وان انت اكرمت اللئيم تمردَ!!

زوجك مقصر معاكِ في المصاريف الحين ؟
حاسه إنك محتاجه للوظيفة بشده ؟

إذا لا
فلا تدوشي راسك وتدخلي في معمة فلوسي فلوسك
مسؤوليتك مسؤليتي

إلا إذا كُنتِي محتاجتها بشدة ، فزوجك كان من البداية واضح ..
وتوقعي جدًّا أنه مع الوقت مسؤولياتك راح تزيد
وزوجك راح يسحب نفسه بالتدريج ...

::

أعانك الله ~

__________________

الوظيفـه ياقلبي ليست سبيل للمـال فقط ,,,
لها ايجابيات بتوسيع مداركك اكثر واكثر
وحلـو تلبسين نفسك وعيالك من عرق جبينك
,,,,,,,,,,,
وقبـل كل ذا استخيـري والله يسهل امرك ,,

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

وهو بيجمع راتبه وفلوسه لمين؟؟ اخاف تكثر فلوسه بعد ماتتوظفين ويروح يجيب عليك وحده ويصرفها من راتبه..

والحين قالك تشيلين نفسك وعيالك...بكره يقلك حتى اغراض البيت عليك انتي وبس؟؟مع استقطاع له من راتبك..

انا من رايي اذا انتي مبسوطه وزوجك مو مقصر معك بشي من ناحية الماده...كنسلي الوظيفه..عشان لاتدخلين نفسك في مشاكل..

اما اذا كان مقصر عليك وحارمك لا والله لاتتنازلين عن الوظيفه وقدمي باسرع وقت..وعادي اصرفي على عيالك هو ربي بيعاقبه لانه النفقه واجبه عليه وماالتزم فيها.. اهم شي ماتورينه فلس من راتبك..واتفقي معه من قبل الوظيفه انه مايطلب منك شي من فلوسك..طالما بيكون راتبه له لحاله اكيد مابيحتاجك..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

شوفي اختي
زوجك ممكن يتزوجك عليك , يخونك , يطلقك , يبخل عليك
بإختصار ممكن يقلب عليك بأي لحظة
مافي شيء مضمون مع الرجال
صح؟
وممكن لاسمح الله مثلا يتوفي ــ<< وش ذا الفال

لكن وظيفتك
هي صديقتك الصدوقة
الوفية المخلصة
اللي عمرها ماراح تقلب عليك
ماتشوفين الا انواع الدلع كل نهاية شهر ههههههههه
خصوصا اذا الراتب يسوى
المال عصب الحياة , والوظيفة سند
ووجاهه وارضاء ذات ....الخ
نصيحتي , ماحد يستحق تضحين بالوظيفة عشانه
توظفي وبعدين حاربي شوي وبتصلين لتسوية ترضيك انتي وزوجك ان شاء الله