رايكم يهمني بخصوص الإنجاب - منتدى عالم الأسرة والمجتمع

05-10-2007, 08:56 PM

فرح الأيام

عضو نشيط

تاريخ التسجيل: Aug 2007

المشاركات: 111

رايكم يهمني بخصوص الإنجاب

السلام عليكم... شخباركم؟؟؟ عساكم بخير وطيبين

بدخل بالموضوع على طول.. وما بطول عليكم ... أدري ماعندكم وقت

من 2005 إنخطبت وكتبنا الكتاب.. كنت بسنه أولى جامعة.. مرت الأيام وفي 2007 تزوجنا وصارت لنا مملكة أو بالأصح جنه نعيش فيها الحمدالله رب العالمين..

صار لنا الحين 7 شهور من الزواج .. وطبعا زوجي يبي عيال .. وأنا مشتته خصوصا إني باقي لي كورسين وأخلص الجامعة..

يعني في ناس تقول لا إتغربلون نفسكم إبداية زواجكم بعيال وعوار راس لاحقين وأحلى سنين الزواج بدون أولاد.. يقولون إنه الأولاد ما تخليكم عايشين مثل الحين.. وكملي الجامعة وبعدين فكروا..

وناس يقولون لا تأجلون سالفة العيال أكثر من جذي.. لأنه في ضرر .. مع العلم إني ما أستخدم أي وسائل مانعة.. وقولون لي سوالف عن ناس أجلوا موضوع العيال وبعدين تندموا..

أنا متشتته الحين .. ما أدري شسوي .. خايفة على دراستي .. وعلى زوجي وعلى بيتي..

بغيت رايكم .. نوروني

تم تعديل العنوان ليتضح المضمون ..

التعديل الأخير تم بواسطة عبـدالعـزيز ; 06-10-2007 الساعة 04:45 AM

06-10-2007, 12:32 AM

(العربي)

قلب المنتدى النابض

تاريخ التسجيل: Apr 2007

المشاركات: 2,748

اختي وعليكم السلام

اختي ان الاولاد هم زينه الحياة الدنيا

وهم الفرحه والامل.....ولا بأس بان تحملي وتدرسي

فهناك الكثيرات ممن هن امهات ويدرسن

فلا تحرمي نفسك متعه الزينه في الدنيا

والله يوفقك
اخوك

__________________
العربي ابو محمد

06-10-2007, 12:34 AM

فرح الأيام

عضو نشيط

تاريخ التسجيل: Aug 2007

المشاركات: 111

أخي العربي,, أشكر مرورك وتعليقك,, بصراحة ردك أسعدني...

شكرا لك ..

06-10-2007, 01:55 PM

white_moon77

عضو نشيط

تاريخ التسجيل: May 2007

المشاركات: 199

انا رأي التأجيل
انا مثل حالتك ازوجت من 8 شهور ولحد الان ادرس
وليس لدي اطفال
لم استعمل اي مانع ولكن الله قدر ان لا احمل حتى الان
تحياتي

__________________

06-10-2007, 02:31 PM

3thooooooob

قلب المنتدى النابض

تاريخ التسجيل: Aug 2005

المشاركات: 2,407

استخيري الغاليه
انا بعد تزوجت 2007 وكان باجي لي سنة
وما بغيت احمل فيهم علشان ما احاتي شي واخلص وافتك
ما فيها شي اذا اجلتي سنه مو وايد!

__________________

06-10-2007, 05:25 PM

فرح الأيام

عضو نشيط

تاريخ التسجيل: Aug 2007

المشاركات: 111

مشكورين جماعة على الرد.. وبإنتظار الباقي يرد...

06-10-2007, 06:27 PM

ملَك شادي

عضو متألق

تاريخ التسجيل: May 2006

المشاركات: 6,393

عادي ازا اجلتي
يعني ملحقة عالتعب
اقصد الزوجين إن شاء الله حياتهم ابدية
مافيها شي لو عاشو اول سنة بدون اطفال
يعني لو الله مقدر الهم 50 سنة يعيشوها سوا
فيها شي لو عاشو منها سنة لوحدهم؟؟؟مااعتقد
اناماعلية دراسة ولاشي
لكن مأجلة انا وزوجي بوسائل طبيعية
ولي الان 7 شهور متزوجة وماحد بعرف عن موضوع التاجيل

__________________

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

06-10-2007, 06:56 PM

فرح الأيام

عضو نشيط

تاريخ التسجيل: Aug 2007

المشاركات: 111

ملك شادي.. والله كلامك يقنع.. وانا بعد محد يعرف بسالفة الموانع الطبيعيه إلي أنا وزوجي متفقين عليها.. لكن الناس من حنتها ما تفك الواحد.. وبيني وبيكم ما أحب أحد يسألني شو حصل لو ما حصل !!!

أضايق وأحس نفسي إني ما أقدر أجيب أولاد..

إصيدكم هذا الشعور ولا لا؟؟؟؟؟؟

06-10-2007, 11:52 PM

توته احلى بنوته

عضو جديد

تاريخ التسجيل: Oct 2007

المشاركات: 17

اقولج الي يريحج الدراسه لاحقه عليها بس العيال مولاحقه والله يرزقنا انا والمسلمات بالذريه الصالحه

07-10-2007, 05:59 PM

#10

فرح الأيام

عضو نشيط

تاريخ التسجيل: Aug 2007

المشاركات: 111

توته.. مشكورة حبيبتي على مرورج وردج.. والله الناس خوفوني من هالسوالف.. إذا أجلتي بعدين تندمين ويمكن يصير عندج مشاكل لاسمح الله..

ما أدري شسوي.. قلت أحمل شهر 11 بإذن الله عشان شهر 8 أولد.. ونص 9 نداوم وعلى شهر 1 متخرجة إن شاء الله ...

بس قاعدة أسأل نفسي أقدر أدرس وطفلي بحضني ؟؟؟؟ !!!!!!!!!!!

والله خاطري أصير أم..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه