,,وهذي صارت مع زميلتي لما كانت طالبة ,,الدكتورة كدا ماحبتها فكانت تحرج زميلتي قدام البنات ورسبتها بمادة ,, ياللطيف ناس ماتخاف الله ..عموما انا لو منك ,,مدام درجات موبيدها وكان حيطة تكلمني ماتهمني
|
السلام عليكم ورحمة الله وبركاته
اشكركم على هذا المنتدى الرائع عندي مشكله مضايقتني وموقادرة ابدا اناقشها مع احد انا طالبة جامعية وتخصصي فني مسار عملي ويوجد محاضر مشرفه علينا في المعمل دائما تنتقد عملي وهذا عمل حاجز صرت اتجنب اسالها من البداية قبل ماوريها شغلي اسال المساعدين فيه واطلب منهم يقولولي على اي تعديل قبل مااوريها ومن اول مااجيها قبل ما تشوف العمل تنتقد بشكل عام عملي وبعدين تشوفه وتطلب بعض التعديلات وترجعني 3-4 مرات اعمل التعديلات اللي تطلبها وفي الوقت نفسه زميلاتي تطلب منهم نفس التعديلات بدون انتقادات وتروحلهم وتجلس معاهم وعمليا توريهم كيف يعدلو مع انه نفس الملاحظات على العمل طيب ليش تهاجمني انا بالذات بدات احس انه مو نقطة العمل مشكلتها لكن المبدا شخصي واليوم نرفزتني جدا تقولي فيما معناه بانصحك نصيحه لنفسك روحي مسار نظري احسن وانا ماارد عليها كل كلامها اقلها طيب لانه مااحس انها صادقه وامينه في ملاحذظاتها على العمل ولكن بحسب اللي يعجبها ومزاجها وماني مقتنعه بكلامها والدرجات اصلا مو في يدها هي فقط مشرفه معمل كلامها يضايقني ومااعرف كيف اتصرف معاها انتظر نصائحكم وجزاكم الله خير |
االي اعرفه ،، وقت التصحيح للاختبارات النهائية يكون الاسم مغطى عن الدكتورة ،، وممنوع الطالبة تكتب اي شيء غير الاجوبة سواء بسملة او دعاء واذا شكوا ان الطالبة ملمحة لاسلوبها تعطى الورقة للجنة اخرى تصححها . هذا كلامهم يوم كنت ادرس و الله اعلم
بالنسبة لصاحبة الموضوع اذا انتي حابة تخصصك ،، ابدعي و اثبتي لها العكس واثبتي انها غلطانة واعتبري نفسك في تحدي . |
اذا هي تدرس فقط هذه الماده في الفصل الدراسي طنشيها ، بعض الدكاتره كذا نفسيات ، اذكر كان دكتور الطالب اللي يحاول يجتهد و يثبت نفسه يزيده احباط ،،،، اذكر مره قالي بطريقه احتقاااار و استهزاء ،عشان زعلت من درجتي ، بمعنى انت كثييير عليك هذه الدرجه ، ولما عرف جدولي الدراسي مزدحم ، قالي بعد !!!! بتعجب ، يعني إنتي إنتي تأخذين هذه المواد ، يعني من إنتي عشان تأخذين هذه المواد ، بس اخر الفصل اعترف قال انا و صديقتي بس اللي تجتهدون و البقيه بس وجوه ، واللي يغش اتركه على غشه و الزين بمعنى ادقق على شغلهم عشان يجتهدون اكثر. بس جد في منهم نفسيات
|
بقولك شي .. انا صار لي موقف مشابه
عندنا دكتورة تحس نفسها محور الكون و كل الكون مترصد لها و يحاول يأذيها او يتعمد ينكد عليها من ابسط شي تنفجر و تصرخ لفترة طوووويلة يعني مثلا تتأخر طالبة دقيقتين او ثلاثة يصير هالموضوع محور المحاضرة ساعتين كاملة و ياليت بأسلوب حلو ـ اول شي تتصرف بشخصنة و تهاجم الطالبة بشكل شخصي ـ و تستلم الطالبة طول المحاضرة و تقط نغزات و مو بس معنا .. مع كل موظفات الجامعة مرة كذا صار لها موقف قدامنا مع مسؤولة الجداول و صارت تصرخ و و و تحس انهم اهانوها شخصيا و مره مع قسم الكمبيوتر و الصيانة .. احس انها تنجرح بالصميم و تنقهر على نفسها الزبدة انا كنت كبش الفداء الأسبوع اللي راح و استلمتني على شي هي غلطانة فيه مليون بالمية و ظلت تنكد علي ساعتين كاملين و انا طبعا ما سكتت : ) و هي تتكلم رفعت يدي بلباقة "وقلت لها اسمحي لي دكتورة مع احترامي لك بس ما اشوف اني غلطت في الموقف هذا انا كذا و كذا و و هالموضوع استفزها جدا و صارت تصرخ اكثر " عموما انا طلعت منها و رحت دايركت حذفت المادة و ريحت راسي لعدة أسباب : ـ انها تتعامل بشخصنة و تحاول تهزني من داخل انا و غيري "بمعنى تستخدم اوصاف و احكام" ـ انه الموضوع وصل للدرجات و هذا الأهم و قالت من الحين انتي درجاتك صفر و انا اهم نقطة عندي درجاتي و اقاتل عشان الربع و النصف درجة ـ بأسلوبها البايخ هذا نكدت علي يوم ككككامل .. و انا ماعندي استعداد اتحملها 4 شهور و هي تتصيد الأخطاء و تتعامل بأسلوب غير محترم و تكبر المواضيع ـ ليست قوية في طرح المادة العلمية "معظم محاضرتها هياط و حديث عن سفراتها و و " ـ عندي بدائل و هي الإعتذار او الحذف .. صحيح هالشي بيخربط خطتي للتخرج لكن اهم شي عندي درجاتي + نفسيتي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|