سلام



سبق وعرضت موضوعي هنا وكنت متزاعله مع زوجي لانه بخيل


قررت اروح ببيت اهلي واخذت عيالي اللي بعد مشورتكم تمسكت فيهم



حطيت شروط وزوجي وافق على بعضها وانا الحين متردده ارجع او لا


تعبت نفسيا جدا عند اهلي


قررت اني اطلع ببيت بروحي


ابوي عطاني شقه من عمارته عشان ارتاح .. والله ما ذقت طعم الراحه


نفسيتي حاستها جدا تعبانه تعبت من مسؤولية العيال وهمي


مصروف البيت قليل علي جدا .. وزوجي يرسل لي مبلغ ما يكفي


الحين انا وش اسوي ارضى ببعض الشروط وارجع


بصراحه تعبت جدا

احس اني ببيتي مع زوجي ع الاقل مرتاحه اكثر من ناحية المسؤوليه


والمشكله اني مو طايقه زوجي .. حاسه بنفور منه واخاف ارجع واتعذب من جديد


يارب فرج همي وارزقني من لدنك رزقا ورحمة واسعه


زوجي طيب بس سليط لسان اكثر الاحيان بس يرجع احيانا

انا صرت لي سنه سلبيه معاه ومو طايقته


بصراحه لي نفس اطلق لسبب واحد اني ارتاح من المشاكل

والله تعبت من كل شي


ما ودي اصير كذا بس خلاص حاسه نفسي عايفه كل شي حتى اختلاطي بأهلي مو طايقه احد


ولا احد يدري منهم عن مشاكلي لاني اقولهم اني بس جايه تغيير جو وانحلت مشكلتي مع زوجي

وهم حاسين انه فيه شي


وش اسوي مالي الا الله ثم انتم انصحووووووووووووووووني بالحق

وش اسوي ارجع او اطلق او اغير من شي بنفسي بالفعل حاسه بهم وحيره

يا اختي استهدي بالله
شو طلاق ما طلاق
واولادك شو يصير فيهم
انتي وانتي عند زوجك راكبك هم... كيف لو تطلقتي
خصوصا انك تقولي انو زوجك طيب... ولكنه سليط اللسان
انتي ممكن تغيري هالطبع في
اعرف انو صعب لكن حاولي
يعني كل ما طول لسانه عليكي... جاوبي اجابة طيبة ومؤدبة... يعني طنشي كلامو القبيح وجاوبيه باللتي هي احسن
بما انو طيب... اكيد مع الوقت رح يستحي على حالو... ويحاول يغير من طريقة كلامه معك...
انتي حاولي احسن ما تخسري بيتك وولادك
ودايما توجهي الى الله بالدعاء
والله يهديلك اياه

__________________

وعليكم السلام

اختي العزيزة
اول شي انتي غلطانه تاخذي عيالك تطلعي من بيت زوجك لان هذا حرام وانتي على ذمته
وثاني انتي ليش تبين الطلاق علشان زوجك بخيل
وا علشان مشاكل
مافيه بيت في الدنيا بدون مشاكل
ومسالة بخيل في شنهو هل مقصر في مصروف البيت
ادا كان مقصر في مصروف البيت لا تطبخي له اي شي واذا قالك وين الاكل قولي له خلص
او يمكن زوجك عليه ديون
او يمكن انتي طلايبك كثيرة
لان بعض النساء طلايبهم كثيره والزوج مايقدر يوفرها واذا قال لها طلايبك كثيره تقول اني ماطلبت شي

اختي مس بربلم
انا انصحك ترجعي بيت زوجك وتتفاهمي معاه على كل كبيره وصغيره
لان المسؤليه ما يتحملها شخص واحد
وحتى لو كان زوجك بخيل اهم شي يجيب مصروف البيت للمعيشه
ونصيحه مني ارجعي مع عيالك لان انتي ماتقدري على مسوليتهم لوحدك
ولو قدرتي اليوم مابتقدري بكره واذا كان ابوهم موجود يكون احسن
وانتي لك حرية الاختيار واهم شي مصلحتك ومصلحت عيالك
وطنش تعش تنتعش والبيت الى مافيه مشاكل مايعتبر بيت تدري ليش
الانه مايكون في تسامح وتفاهم وتغيير روتين

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

واسف ادا طولت عليك بكلامي او جبرتك على شي انتي ماتبيه

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

بسم الله

عليك الرجوع لبيت زوجك
فزوجك وإن كان فيه بعض الأمور التي لا تحبينها فيه
فهو سكن لك، وبيتك أستر لك من أي بيت آخر

وكان الله في عونك

ام عبد الله واثير


الله يجزاكم الجنه ع الرد


لكن فعلا ما ادري هل احساسي فيه تجني او لا


هو غني ومعيشنا بدرجات اقل من وضعه والكل ملاحظ هالشي وهو ما همه احد

الحين اقوله ارسلي مصروف لي اسبوع ما عندي ويقولي ولا تؤتوا السفهاء اموالكم

انا طالعه من بيت عز وكرم وبلاني الله بهذا الرجل

وربي كرهته وحاسه نفسي مو طايقته ابدددددددااا

كل يوم مشاكل خلاص ما اتحمل منه شي

صرت اقوله تعال خذ عيالك ما عندي شي اصرف عليهم منه


الله يكره البخل وايامه هم وربي وحرمان


الوالد كريم معي ويعطيني لكن ليه زوجي لا ليه ؟؟

انا استاهل اللي احسن منه بألف مره

ما انكر اني مغروره بكل شي عندي من شكل وحسب وعائله لكن على هذا كنت اشوفه كل شي واحبه وادلعه ولا فيه فايده ما يشوف الا بالجاانب السلبي وبخيل .. يعطي حق واحد راتبه خمسه آلاف وهو راتبه اضعاف هالمبلغ وعنده عقارات وغني


ليه الحرمان


قرر يعطيني مصروف شهري بس اعرفه راح يذلني فيه ويمن علي كعادته


وربي مليييييييييييييييييييت


ولا فيني صبر فيني غضب كبييييييير

اختي مس بروبلم
شوفي وانا اختك انا اعاني من نفس مشكلتك ومثل ماقالولك بالاول عصبت وتعبت نفسيتي ورحت بيت اهلي وزعلت ورجعت وشرطت علية ولانفذ اغلبها بس بعدها فكرت ليش اتعب حالي كل شي يقولة قولي طيب وانتي تضحكين ولاتعصبين ادهري بعمرك تزيني وافرحي وطوري نفسك
وعيالك واذا قال ليش ماسويتية قولي من وين لي فلوس اخلق ؟ ماعندي وانتي تضحكين ولاعليكي من شي .
لاني نفس الشي اسوية بس بطريقة ثانية لان اللي عندي له اسلوب غير حدية على قصاه ولايهمك منة شي ابدا وخليكي مبسوطة ودائما تفائلي ترا مو انتي لحالك اللي متورطة كلنا وياكي
وعندنا وعندك خير
المهم نفسيتك لاتتعب ولا تعصبين لانو بيرجع عليكي اهتمي بنفسك وبس اشبعي وقولي ماتعشينا كسفي علية هو بس وانتي وعيالك لا خلية ينقرص شوي
ولاتطلعين وتخلين بيتك ترا كلة ولاطلعة البيت اهلي دلعوني بس احس فاقدة شي لين رجعت وغير كذا اذا فية مشاكل خلية هو اللي يطلع وانبسطي ببيتك ولو انتي عند اهلة اكلي ومشي يدك بالطوفة انتي وعيالك وقولي هو المسؤول ولاعليك لاتفكرين لبكرة ابداااااااااااااااا دلعي نفسك ياحبيبتي
اتمنى تبشريني باخبار حلوة

مشكور اخوي عسير ع الرد والنصيحه



طيب لو رجعت ورجعت المشاكل كيف اصبر .. الحين انا مو طايقه اسمع صوته وشلون بقابله واجلس معاه


للامانه هو احيانا يحاول يسترضيني بطلعه او عشا

يقول انه يحبني بس شكله كلام لان الماده عنده اغلى


ودي اشجع نفسي واقنع نفسي فيه

بس المشكله بالنسبه لي نفسيا احس بنفور ورغبه كبييييره بالطلاق والعزله

ما ابغى زوج ولا عيال حاسه ودي اجلس بدون اي مسؤوليه

اذا ما راح يعاملني بأحترام وكرم ولا يهاوشني ابد او ما ابغاه

وربي حاسه قدرتي ع التحمل واحد ع الميه

ربي يفرج الهم ..

البخيل يعيش عيشة الفقراء في الدنيا ويحاسب حساب الاغنياء في الاخرة

كان الله في عونك...

ما شاء الله عليك


يا سلام الله يرزقني طولة البال والهدوء


ودي اطنش واعيش حياتي بس انقهر احس انه يظن انه غلبني بسوء اخلاقه


والله تورطنا ن جد


يالله الزواج اكبر غلطه وورطه دخلتها

اطنش .. طيب انا انقهر من نظرة الناس لنا بأنه بخيل وانا اهلي كلهم اهل كرم اشوف اخواني ما شاء الله مره كرماء مع زوجاتهم طيب وليه انا زوجي بخيل وفظيع

ما ودي اقارن بس ما قدرت

لو اهلي وضعهم عادي كان قلت مو مشكله بس قهر استغفر الله

ليه الحرمان وهو عنده ؟؟؟؟


الله يرفع عنا البلاء ويهدينا