السلام عليكم ورحمه الله وبركاته


هذا الموضوع تكمله لموضوع التجسس على الجوال...

فعلا احسه فيه مرض نفسي من تصرفات ثانيه احيانا يصير حنون وطيب وشوي ينقلب عدواني وشراني من غير اي سبب....لاوالله ماسويت شي اصلن لو اهو شاك فيني كان طلقني من زمان ليه يركب التجسس من ثالث يوم بزواجنا ويمكن من اول يوم بس انا ماحسيت الا بثالث يوم...ياما جلست معاه وصارجته وحتى اخر شي وصلتها للوالد لكن ينكرررر هالشي ووالله اني متاكده من هالشي...عموما طبيعه زوجي تسمح له بالتجسس علي بكل مكان لانه موظف بالمباحث

زوجي مايشك باخلاقي انا متاكده من هالنقطه لاني لما اكون معاه بمكان عام كسوق او مستشفى مو شديد الغيره او الحرص انسان عادي جدا....لكن يحب يعرف كل شي وان لااحد يضحك عليه او يبغى يسمع انا ايش هي سواليفي مع الناس لدرجه اني اول زواجي اذا جيت من عند احد يجلس يحقق معاي ايش تكلمت معاهم وايش قالولي يكرهني بالطلعه


ياماااااااااا واجهته وقلت له حرام مايجوز التجسس بس يسمع ويطنش ولا يعلق ويستمرررررررررررررررررر......مره كان يكلم وسويت نفسي اني بتجسس عليك ووقفت عند الباب وحسيت انه مايبغاني اسمع ونا والله مو هدفي التجسس بس ابغاه يحس يوم شافني ونا متعمده انه يشوفني عصب وقالي ليش تتسمعي بكلامي قلت له مثلك تعال ندعي على اللي يتجسس على الثاني ورفعت يدي وجلست ادعي وهو لاتعليق بس حسيته انقهررر


.زوجي لالالالالالالايصلي ودينه جدا ضعيف وثقافته الزوجيه يستمدها من ناس منحطين دينيا واخلاقيا احيانا يمزح يقولي انا زملائي قالولي سوى كذا وكذا بزوجتك ويضحك....بالاخير صار يصلي الجمعه احيانا ويمكن فرض او فرضين باليومين وبالبيت فقطططططططط ولازم انا اذكره او انه ماراح يصلي وماصار يصلي الا بعد ماكلمه الوالد

لنا سنتين متزوجين ولدي طفل عمره ثمان شهور

في ناس نصحوني بان ادع الجوال مفتوح وخليه يطلع على كل شي....



اصلن ماعاد له داعي القفل السري لانه يقدر يطلع ويعرف كل شي بجوالي....بس ولو مابغى استسلم له ...انا واثقه من نفسي اني ماعندي شي يشك فيه واللي فيه مرض وكذا مره طلبت منه الطلاق بسبب اشياء كثيره وعرضت عليه ارجع له مهره اذا اهو مو مرتاح معاي او مو عاجبته او او او...لكن اهو رافض ....يتمسخر فيني ويقلل من شاني...ويستفزني وكذا مره مد يده...ومصر اننا نستمر مع بعض...بعد كل مشكله يعترف بغلطه وياخذ وقت ويرجع


الى متى ....اتوقع ماراح يترك هالشي حتى عيالي بكره بيركبلهم نفس الشي....وده بعد يحرمني من الجوال مثل اخوه مانع زوجته من الجوال...عندهم اعتقاد ان الحرمه اذا انعطت حريته وصار عندها جوال ا تخرب وتفسد وماعاد تقدر تسيطر عليها....والله اني واثقه من نفسي واخلاقي وديني الحمد لله...اختي حتى اتجسس على حساباتي بالبنك...بتقولون كيف...صار يقولي ماعندك هالمبلغ وانا صح عندي هالمبلغ اللي قاله بالضبط...وايش رائيك نكفل يتيم...وانا كافله يتيم...يبغاني اقوله انا كافله يتيم...قبل زواجي انا سويت عمليه ...قالي انتي ليش ماسويت هالعمليه...يبغاني اقوله اني سويت...اختي مرضت وجالسه تتعالج بالمستشفى درا بالشي هذا...اهلي اذا سافرو داخليا او خارجيا يدري بسفرهم مع اني ماعمري تكلمت بالاشياء هاذي قدامه ولا في الجوال.......

وفكرت اركب بجهازه نفس البرنامج...بس حرام مايجوز ويمكن اكتشف اشياء ماودي اكتشفها ...والله اخواني وخواتي اني قرفانه بتجسسه علي وعلى اهلي...احسه حرامي مو زوج...مافي ثقه وارتياح وامان



اخواني وخواتي حاولت ارد بالموضوع الاول فوجدته مغلق ...مو عارفه نظام المتندى؟

الحين عرفت ايش السبب

قلتي زوجي شغال بالمباحث

أووووه من اللي يشوفنه موظفين المباحث كل يوم وزوجك أصبح عمله مؤثر على شخصيته

زوجك من كثر المشاكل اللي تجيه واللي يشوفها بعمله أثرت على شخصيته وأصبح يطبق انه مباحث حتى بالبيت

هذا مرض وانا اخوك وانصحيه يروح يتعالج عند دكتور نفسي

الله يصلحه يارب

__________________

ما ادري حسيت انه عنده مرض نفسي

أختي الكريمة
1- تركتي موضوعاً عظيماً والتفتي إلى موضوع بسيط فإذا كان التجسس حرام فترك الصلاة كفر نعم كفر
فقد تركتي أنه كما قلتي لالالالالالا يصلى ودينه ضعيف وذهبتي إلى تجسسه على جوالك
لذلك أنصحك أولاً بالذهاب إلى سماحة المفتي وسؤاله هل يجوز البقاء مع رجل لا يصلي وهل أحل له وهل أنا آثمة في بقائي معه بعد أن نصحته ولا يستجيب لي وأظن أنه سيطلب منك فراقه فوراً ويحرمك عليه
ومن ترك الصلاة هانت عليه غيرها من الذنوب مهما كانت ومن لا يخاف الله فلن يخاف من غيره.
2- إذا التزم بدينة وأداء الصلاة وبقيتي معه فيجب أن يتقن هو لعبة الأداور وهي أن يفصل بين كونه يعمل بالمباحث وكونه زوج ولا يدخل عمله في بيته ولا بيته في عمله.
3- عليكي أختي الكريمة إعادة ترتيب أولوياتك وهي أولاً أداء ما يرضي الله والرضا بذلك ممن حولك والغضب مما يغضب الله أولاً ثم ما يرضيكي وما يغضبك.
فإذا كان منك أو منه ما يغضب الله فهو أولى بالمعالجة مما يغضبك.
أسأل الله العلي القدير أن يفتح على قلبه بالهداية وأن يجمعكما على خير والمسلمين والمسلمات.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

وعليكم السلام ورحمه الله وبركاته
طاب صباحك ومسائك بكل الخير
وكل شيئ نقدر نتحمله ماعدا انعدام الثقه
عزيزتي زوجك قبل كل شيئ لايصلي والصلاه عمود ديننا
والفاصل بيننا وبين اهل الكفر الصلاه
فـ كيف لكِ ان تتجاهلي كل ذلك عزيزتي
وتتجهي الى شيئ غير مستغرب ممن لايأدون الصلاه
عزيزتي ناقشيه بموضوع الصلاه
ولايجوز لك البقاء معه
ولكن ضعي له حدوداً وان لم يلتزمها فـ الانفصال افضل
1/ ان يتوب الى الله توبه نصوحاً
2/ ان يفرق بين عمله وبيته
3/ ان لايتدخل في شؤونك وخصوصياتك وان كان سيفعل ذلك
فـ أخبريه انك سوف تفعلين ذلك معه ولكن مجرد تهديد لااكثر لكي يكف عن التجسس
4/ طبيعه عمله يجد الكثير من المصاعب ولكن لايحق له ان يجمع بين بيته وعمله فـ لكلٍ منهما موقف اخر
5/ اعتمدي على الله سبحانه وتعالى اولاً واخيراً فـ هو العالم بكل شيئ
وتضرعي لله بالدعاء لك ولزوجك وأن يصلح الله احوالكما ويقدم لكما الخير ولجميع المسلمين
6/ اسال الله العظيم ان يملئ حياتك بنور الايمان وان يجعل حياتكم مليئه بالسعاده بقربكما من الله
محبتي لك في الله غاليتي

اختك بالله نادره الوجود

أشوف موضوع تهاونه بالصلاة وتركها بعض الأحيان أكبر من مشكلة التجسس على جوالك

الله يكتب لك الخير

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..