الله يكون في عونك اختي .. انا مشكلتي قريبة من مشكلتك لقيت لها حل
شوفي انا ام زوجي الله يهديها بتدايقني كتير مرات بسبب واكثر الاحيان والله العظيم بدون سبب ما اكون عاملة لها شي.. مش مهم بس المهم انها بتقعد تبهدلني امام اولادها وزوجاتهم واولادهم.. مرة اولاد بنتها ماسكين ابني قالتلهم لا تمسكوه لا تخليهم يا زينة يمسكوه قلت لها طيب خالتو بس انا والله نبهت عليهم وما ردو علي صارت تقولهم هي خالتو زينة قالتلكم البنت زغيرة خافت من ستها قالت لها لا ما قالتلي علما ان الله شاهد اني قلت لها وامام زوجي واخته و3 اطفال باعمار من 9-10-18 يعني خالتو زينة كزابة انتي كزابة يا زينة ما رديت عليها وعملت حالي مش سامعة. والله يعلم اني لا اكون عملت اشي يستاهل ايام بسيرو يدافعو عني وانا ساكتة مرات ييجو يقولولي اولادها وبناتها لا تزعلي من امنا بس كل الحموات هيك واحنا بنعرف انك منيحة .. بس كل زوجاتنا مرو وشربو من هالكاس وانتي اخر وحده ودورك بدك تتحملي
المهم صار عندي استراتيجيتين الاولى انه ما انزل عندها وهو عندها احد من اولادها وغيره.. ثانيا صرت عاملة عنها استقلالية يعني مش كل يوم انزل عندها كنت انزل عندها عشان البر باهل زوجي او هيك يوميا ،، بس لما شفت هيك المعاملة صار زوجي ينزل يوميا انا بنزل كل يومين تقريبا ساعة ايام كل ثلاث ايام ساعة وبتكون القعدة رسمية..
بس مع هيك بس تيجيها العصبية بدون سبب مني مسلا بكونو اولادها جايين من الغربة بتقعد تشكي لهم عني علما انه الله بعرف انه انا ما عملت لها شي واني احتسبه عند الله وسأحاسبها فيه يوم القيامة.. المهم بتقعد تصرخ فيي امامهم وتكشر في واسلم عليها والله العظيم لا ترد علي والله العظيم بدون سبب عملته لها الله يهديها.. المهم بهيك مواقف لا انزل اسبوع.. ومرات هي بتختصر علي وبس يكونو اولادها هون من الغربة تطردني امامهم انا انطردت من بيتها 3-4 مرات وارجع انزل واصالحها حسبي الله ونعم الوكيل بس.. صدقيني قلبتي علي المواجع وابكيتيني اختي
بس المهم.. تطردني نقعد شهر ولا شهر ونص متحاربين ايام اسبوعين ثم ارجع انزل اصالحها من زن زوجي يقوللي امي اقوله يهون عليك اهلي يطردوك من بيتهم امام الناس وترجع تروح عندهم يقولي انا غير انا رجال وانتي مرة زوجة ابنهم غير عن زوج البنت وهيك قصص لا تنتهي والله امبارح فقعت منها .. بس بديش احكي بدي احتسب عند ربي.. الله يعينك ويقويكي وان شاء الله اكون افدتك
لا اله الا الله, الحمدلله على نعمة الاسلام
التعديل الأخير تم بواسطة زينة ونحول ; 05-04-2009 الساعة 10:14 AM