لم نعد مثل زمان ... والعمل هو المشكلة ! أرجو المساعدة
السلام عليكم ورحمة الل
ه وبركاتة
بصراحة من زمان ما دخلت المنتدي ولا شاركت فية بسبب ظروفي
لكن اريد منكم مساعدتي في هذا الامر
اولا انا موظفة وزوجي كذالك نذهب للدوام في نفس الوقت
انا اروح بسيارتي واهو بسيارتة
في نهاية الدوام اهو يوصل قبلي في البيت بقليل اهو دائما يقول لي
انا اعذرك بسبب ظروف العمل اني ما اقدر اسوي لة الغداء للعلم انة الخدامة هي تسوي الغداء
اهو يقول لي انة يبيني انا اسوية لكن بحكم العمل يسكت لانة ما بيدي شي حتي لو تقولون اذا رديتي
من الدوام سوي الغداء راح يكون الوقت متاخر وياذن العصر اهو مايبي ها الشي
المهم مو
اهنية المشكلة
المشكلة انا احس مقصرة بحقة لانة ماصرنا انقعد مع بعض ونسولف مثل اول يعني نجي من الدوام يتغدي وينام
يقوم المغرب او العشاء ويطلع ويجي بليل الساعة12 او1 وساعات3
لما يجي اكون انا تعبانة وابي انام وانا عندي طفلين ماصرنا نسهر مع بعض مثل اول
لازم ننام مبجر علي شان الدوام
واهو يقول لي انا ماصرت اقعد معاج واشوفج الا عند النوم
وانا ما ابية يتضايق وابي اسعدة لاني احبة واهو نفس الشي
انا دائما افجاة بشي اسوية لة احط اوراق صغيرة في محفظتة اعبر لة عن حبي لة
او اني ادز لة رسالة علي الجوال امور كثيرة واهو يكون سعيد من ها الشي
لكن انا ابي اكسر هذا الروتين
ابي اجدد شي في حياتنا اهو من النوع اللي ما يحب الطلعات او نتمشي
يا ريت تنصحوني وتساعدوني انا شفت الافكار الرومانسية اللي في المنتدي
وسويتها لكن ابي شي جديد اهو الاسبوع الجاي يكون محجوز في الدوام
ابي لما يرد افجاءة بشي يسعدة
اتمني اني ماطولت عليكم وازعجتكم
وانتظر الرد
تم تغيير العنوان
كما أحب التنويه والتنبيه إلى أن لفظ الجلاله ( الله )
ينتهي بالهاء وليس بالتاء المربوطة . شكراً لكِ