السلام عليكم
صارلي فتره مراقب بنت وكلمت اهلي. خليت اهلي يكلمون البنت على دوامها وقالوا لها ان ودي أتقدم لها ومنها هالكلام بعدها ارتبكت حييل وقالت انها ما تقدر اتكلم بعدين سألوها اذا اهي مرتبطه او مخطوبه زاد ارتباكها وقالت انا ما اقدر اتكلم ولازم أسكر الخط الحين و سكروا الخط.

حاليا محتار
لو كانت تبي الفكه جان قالت لا واذا متزوجه او مخطوبه كان ممكن تقول أنها مخطوبه علشان لحد ينحرج خصوصا ان هذا زواج مو لعبه.

هل ممكن نعتبر ردها رفض؟
او ممكن ان كان يمها احد وما قدرت اتكلم؟
ولا ارتباك؟
ولا تثيقل؟

البنت ما شاء الله حييل محترمه ومؤدبه وصراحه كبرت اب عيني زياده

لا اظنه رفض
هو ارتباك نتيجة خجل
لا يضيرك تكرار المحاولة

بعطيها اسبوع بعدين بروح مع الوالده او اختي حق دوامها علشان يكلمونها ونقطع الشك باليقين.

الله يكتب الي فيه الخير

ما اشوفه رفض، لانها بالدوام وما تدري هل معها احد..


ليش تاخذ اهلك عالدوام حاول تعرف وين ساكنة وخلي اهلك يكلموا اهلها افضل مادام بتدخلهم بالموضوع

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اضرب الحديد و هو حامي
خلي اختك تاخذ موعد معها بعد دوامها
و تتكلم معها و تفهم منها
الدوام ربكة و يكون براسها الف شي و شي
ما رح تاخذ راحتها بالكلام

الله يوفقك

انا اشوف بعد مكالمة اهلك لها. رساله على واتس راح تبين رده فعلها اكثر من مجرد تلفون او مقابله وجه لوجه .ترى لسى في بنات يستحون والحياء شعبه من شعب الايمان .

وحده غريبه تجي تخطبني بعد دوامي وهذا شيء المفروض يتم بوجود اهلي ردها المبدائي لازم يكون من البنت حتى يختصرون على نفسهم طريق والبنت قد تكون خجوله وهذا موضوع شويه حساس للبنات . فاعتقد بعد المكالمه يرسلوا لها رساله عشان ترد برحتها وتاخذ وقتها

يبدو لي أنها تفاجأت بالموقف ولم تكن مستعدة له، وربما كانت ماتتوقع نهائياً أنت إذا كانت تعرفك أنك تخطبها يوم من الأيام

لكن لو كنت مكانك كان خليت أختك ترسلها ببساطة رسالة بالواتس
مرحبا فلانة
أنا فلانة أخت عبدالله
وإذا يناسبك الآن اتصل عليك
إذا كان مناسب
تتصل عليها وتخطبها وتشوف عنها

__________________
ياصبحِ لاتِقبل !!
عط الليل من وقتك..

كيف تراقبها؟
انا لفت نظري هالجملة
لا يكون انتبهت لك انك تلاحقهااو شي

__________________

هم فكره
بحاول ان شاء الله