السلام عليكم ورحمة الله وبركاته.


انا قبل كتبت مشكلتي مع زوجي .. والاعضاء ماقصرو ساعدوني ونصحوني .
مشكلتنا بإختصار بذكرها في نقاط ..
* مافي توافق بيني وبين زوجي ابداااا لا ف التفكير ولا الاسلوب هو شمالي شرقي وانا جنوبيه غربيه .
*لنا سنه ونصف زواج ... وماحسيت اني متزوجه .. يعاملني بجفاف مافي اي كلمة حلوه منه ..
* لو غلط مستحيل مستحيل مستحيل يراضيني لو بكلمه .. سواء كانت مشكله صغيره او مشكله كبيره توصل للأهل ..
*يعاملني كأني عدوته ولست زوجته مواقف كثيره حصلت فيها نذاله وحقد عليا وقلتله مستحيل هذي المواقف تسويها بأخواتك ... ليش ترضاها علي وعليهم لا
مايحسسني زوجه ابدا كأني بنته يعطي اوامر فقط واذا مانفذت الاوامر يلجأ للعقاب والحرمان ويكنسل طلباتي حتى لو وصل الموضوع انه يمنعني من زيارة اهلي ...
بيتي مالي اي حق فيه فقط التنظيف والطبخ والترتيب اما التأثيث وغيره مالي اي حق فيه وكأني مو صاحبة البيت كأني غريبه جايه عنده .. مع انه ذوقي جدا جميل وهو عاجبه ...
* عنده مرض تفتيش للجوال ويدور علي زله او كلمه كتبتها ويسوي منها مشكله مع انه لا يفتش من عدم ثقه بالعكس يثق فيا .. لكن يفتش عشان يدور الزله عليا سواء كلمه قلتها لزميله او اختي او اي شخص

حاليا اصبحنا اكثر من اول لانطيق بعضنا ولا يقرب مني حتى العلاقه ماصار يقرب مني ولو اجيه يتهرب ..
حاجات كثيره افتقدتها اكثر من اول ..

الحاصل الأن .. انا بديت اشك ان الي فينا حسد او عين ..

لان بداية زواجنا من ثالث اسبوع زوجي تعب جدا كان يجيه تنميل في اطراف الرجلين واليدين ... خملاااان جدا جدا مايتحرك ولا نخرج ولا نطلع فجأه انقلب الحال يمكن صرنا نخرج مره واحده في الشهر واوقات مره كل شهرين << الى الان حال الخرجه كدا .
ماكان بقربني وقتها ... قلتله انا اقرأ كل يوم سورة البقره كامله لأن الاعراض الي فيك مو طبيعيه وماكانت فيك ..
بدأ يقرا سورة البقره .. ولاحظت وقت قرائته انه كل ماقرأ ايه فجأه ينام بدون مايحس اقوم اصحيه ويقرأ الآيه الي بعدها وينام وارجع اصحيه
زي كذا الين يخلص قرئة السوره كامله كنت كل يوم معاه ..
بعدها قررنا نجيب شيخ يرقينا ونشوف اذا فعلا فينا شي او لا ..
وفعلا جبنا شيخ وقال فيكم حسد اعراضك اعراض حسد وزوجتك ايضا فيها حسد لكن بسيط ...

استمرينا ع العلاج و قرئة البقره يوميا والاذكار وقيام الليل ....
ورجع حالنا طبيعي ...



لكن المشكله الان بعد سنه ونصف .. انا صرت ما اطيق زوجي اببدا واتنرفز لما يكلمني وبديت ارفع صوتي عليه .. وأي تصرف منه مايعجبني.
ما اعرف هل هذا حسد او بسبب المشاكل حسيت بالبعد عنه. ؟؟؟؟
وانا من بداية زواجنا لاحظت اني صرت اجس بالحراره في جسمي .. ماكنت احس بذا الشي قبل زواجي ..
بعد زواجي مباشره جاني ذا الاحساس .. كنت افتح المكيف ع العالي وبرضو حراره في جسمي ..
والى الان مستمره عندي ..
زوجي نبهني اليوم وقال انتي مو ملاحظه بس لما اكون عندك تحسي بالحر ؟؟!!!
لما جلست افكر لاحظت فعلا اول مايجي زوجي احس بالحر وحراره بجسمي واقوم على طول وافتح المكيف

وقبل شهرين صرت اشوف حاجات غريبه في البيت واسمع حاجات ..
اوقات لما اكون نايمه يجي واحد يكلمني عند اذني بكلمات غريبه ما افهمها وما اشوفه واحس بحرااااره تمشي في جسمي وما اقدر اتحرك ولساني يصير ثقيل بالقوه اتعوذ من الشيطان ويروح ..
واوقات لما اكون نايمه برضو اشوف مرأه تدخل عندي الغرفه ونفس الشي ما اقدر اتحرك ولا اقدر افتح فمي او انطق بشي ... ومواقف كثيره وحاجات غريبه اشوفها في بيتي
وزوجي مايشوف شي ابدا ..

هل هذي من علامات الحسد ؟؟ ويكون هو سبب كرهي حاليا لزوجي ؟؟ او مالها اي علاقه وانما الكره بسبب المشاكل ؟؟


اسفه ع الاطاله ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

طيب هذا طبعه من أول و تغير
و لا هذا طبعه من يوم تزوجتيه

الله يسخركم لبعض
اخاف لان قبل تعرضتوا لحسد والحمدلله راح
لكن اتوقع اللي بعدين هو يتهيأ لكم لايسيطر عليكم ابليس
ما ادري ويمكن حسد لكن انا اتوقع انه مجرد تهيؤات والعامل النفسي له دخل
وثاني شي استمري ع الاذكار
وشغلي قرآن فبيتك
ولا تنامين الا على وضوء

قد يكون منزلكم مسكون
هذه اعراض وجود الجن بالمنزل

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

العين حق ليش نستبعد هذا الشي..خاصة مع الاعراض اللي قلتيها عن زوجك

حافظوا على اذكار الصباح والمساء
وعوذوا انفسكم في الصباح والمساء بالمعوذتين، والاخلاص، واية الكرسي

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

وعليكم السلام ورحمة الله وبركاته ..
أختي الكريمة هل كانت علاقتكما منذ البداية ؟!
وإذا كان لا منذ متى بدأت ؟!
فرج الله همك ..