بسم الله الرحمن الرحيم
السلام عليكم ورحمه الله وبركاته :

اولاً اشكر القائمين على هذا المنتدى

ثانياً ببداء في مشكلتي ربما تكون مشلكه من ناحيتي وتشوفونها مو مشكله كل اللي ابيه تنورون لي
طريقي وتدلوني للطريق الصحيح

انا متزوجه واحب زوجي وحياتنا لاتخلوا من المشاكل ربما بشكل يومي تقريباً ومع ذلك احس اني احبه
واحس هو مايحبني كثير احس يحبني شوي او عادي يمكن

حياتي مافيها خصووصيه ابداً اي شي يسويه او اي شي يشتريه اي شي يجيبه للبيت
ينزل تحت لأهله ويقولهم سوينا وحطينا وجبنا ونمنا الساعه الفلانيه وبنروح المكان الفلاني
يعني اذا شاف ابوه وامه قال كل شي
تكلمت معاه بهدوء عن هالشي انه يضايقني ومو كل شي يقوله لهم وانه مايرضيه اقول لهلي شي ومن هالكلام
قال انتي انسانه غريبه وش فيها الحمد الله والشكر عادي امي وابوي مافيها شي بعدين انا ماقول اشياء خاصه اقول اشياء الناس تشوفها

الشي الثاني اذا جينا نسافر ومخططين من قبل يروح يقول لهله طبعاً اهله عادي عندهم جهز الشنطه واركب قبل نمشي بدقيقه هالشي يضايقني وين ماروح بيروحون ابوه خاصه مسويلي قلق اي مكان بطلع يجي وين وين وين الولد يجاوب وعادي عندهم العائله كامله من اوول ماتزوجت وانا مبينه له ان هالشي يضايقني يعني يجي اخوه يدق الشباك حقت السياره على وين طيب تراه بزر بالمتوسط قول مشوار مالك دخل ليه تسال يقول الصدق بنروح المكان الفلاني بنطلع نتمشى
يعني بروح عمره مع زوجي اخوه عمره تقريبا 19 والثاني 18 وش يبون مجهزين الاغراض وبيروحون معنا
بطلع اتمشى مع زوجي اشوف اخوه الصغير يرتز عند الباب وين بروح معكم
فيهم طبع بايخ مافيه استئذان يلبسون الجزمه ويركبون وزوجي عادي ولاكأن شي صاير طيب انا اتضايق مابي ماحب بطلع معاك انت ليه هالناس يعني ياناس ياعالم يركب اخوه اللي بالثانوي معي ورى بالله اي زوج يرضاها على حرمته تركب جنب اخوانه اللي بالثانوي وامه قدام طيب بلاه هالمشوار
من ناحيه المشاوير الخاصه مايهمني قد مايهمني السفر احياناً ابكي من القهر
الساعه 11 تدق امه وينكم تاخرتوا طيب مو انا بيتي فوق وانتو تحت مالي دخل فيكم رحتوا جيتوا خلاص نرجع بالوقت اللي نبي بعدين قبل تسكر تقول مابي شي بس اشوف وينكم يبرر لامه خافت عشان احنا تاخرنا يرجعني البيت طيب انت مو بزر مقدر انا على كذا نفسيتي تعبت معاه

الشي الثالث اعتمادهم كلياً عليه اي شي يصير تعال سو حط طيب البيت مليان شباب مايقدرون يسوون شي
والله العظيم حتى سيارتهم تعال ودها الورشه خربانه طيب هو اكبر منهم صح بس هم بعد كبار في سن زواج بس لا لازم كلش هو اللي يسويه

ابوه مسبب لي ازمه مايدق الباب ويدخل وانا لابسه يعني فساتين بناطيل تنانير قصيره قدام زوجي صرت اقفل بابي رغم ان ابو زوجي في الاربعينات يعني فاهم هالاشياء بس عادي عنده
وربي مايشوفني شي يدخل يكلم زوجي ويطلع حتى مايسلم ولا شي لو ما اجي واسلم عليه وربي ولاكأني موجوده

اي مشوار يبون يطلعون له يدقون امش معنا يلزمون على زوجي طيب انا مابي بكيفي زوجي يغصبني اطلع وربي احيانا ارووح معهم ودموعي على خدي يغصبني اروح معهم بر او اي مكان طالعين له

الشي الربع والأكثر شي مضايقني ومتعب نفسيتي ومكثر مشاكلي مع زوجي
هو المصروف مايعطيني مصروف بدايه الزواج كان اوكي الحين نهائياً مايعطيني يقول تبين شي اجيبه لك اشتريه لك طيب انا ابي فلوس بيدي اروح لهلي وارجع مايعطيني ريال واذا خلص شحن جوالي كأنه يعاقبني ياخذ اربع خمس ايام مايشحن بحجه اني خلصته بسرعه طيب انت تشحن بعشره وانا ماعندي ثابت بالبيت رافض يركب بحجه ان مالي حاجه فيه ابي اكلم امي اشوف اخبار اهلي عشره وربي تخلص بيوم واحيانا ً ابخل وتقعد ثلاث ايام
اي شي اطلبه مستحيل يجيبه بيومه لازم اخذ على الطلب اسبوعين ثلاثه اهله يطلبون ساعه الطلب متوفر
وربي ما ابالغ يخرب شي عندي بالبيت مايسويه
السخانه من دخل الشتاء خربانه المويه دافيه ماتجي حاره ابدا شوي وتبرد اذا تروشت مافكر يزينها
اهله خربت غساله اليدين وربي جاب عامل ومارضى يخليه يرقى يسوي السخانه يقول بعدين بعدين مره ثانيه
انا مابديت الاحظ انه يوفر طلبات اهله بسرعه الا متأخر
وربي كرهتهم وكرهت العيشه معهم وكرهت حياتي بسبته وسبب تفرقته اي شي ابيه يقول امي ماسوت ياخني انا مو جارة امك انا زوجتك طيب اي شي يبونه ساعه ساعتين يجيبه لازم يطلع روحي عشان ينفذ الطلب

اذا رحنا السوق امه تشتري يدفع الفاتوره انا قليل اشتري واذا شريت وربي يمن فيها شهر قدام اذا سافرنا يمن فيها لسفره الثانيه ان سفرتك انا عطيتك اقوله حق وواجب وانا زوجتك ان ماسفرتني من تسفر

اي شي اقوله مايرضى يسويه لي او بطلع عزيمه ورفض يروح تحت بالصدفه امه تبي هالشي او بتروح العزيمه يلا البسي بنروح خلاص غيرت رايي
وربي مره اقوله بصلي التراويح برمضان قال لا مافي مو لازم اول الايام تصلين بالمسجد قلت براحتك بس بكره بروح قال طيب نزل على الدرج شاف امه طالعه وربي قدامي رجع قال يلا امشي امي بتروح قلت لا مابي هونت قعدت اصيح انقهر اي شي ماتسويه امه مايبيني اسويه اذا سوت هالشي يخليني اسويه
وينا فيه نظام بزران

طلباتي قليل يوفرها واذا ناقشته قال انتي ناكره جميل وجاحده طيب وين الجحود انا اطلبك وترفض يقول عشان رفضت هالطلب خليتيني ماجيب شي

اذا تهاوشنا مايرضنا نتناقش بالموضوع يجي يقول اسف ويبوسني وبس اقوله طيب بنتناقش عشان ماتكثر المشاكل وتخف المشاكل شوي علينا يقول بعدين مالي خلق الحين واحيانا يجي يناقش يطلع فيني عيوب الدنيا ويقوم ويطلع مايخليني ابرر او اصحح له الاشياء اللي شافها غلط


مثل ماذكرت عيوبه بذكر حسناته عشان تشوفون مشكلتي وين فيني ولا فيه يمكن فيني الخلل
طيب لدرجه مو طبيعيه بس عندي شخص ثاني
الناس حوليه تحبه بجنون
حنون يحب اهله ومايقدر يستغني عنهم لدرجه انه رافض يطلعنا في بيت رغم اني في ملحق فوق اهله صغير مره لدرجه اني كارهة الحياه فيه ومافي امل نطلع بيت لحالي ابداً

امه انسانه طيبه مره معي ماشفت منها شي ابد بس الله يهديها تخلي بزرانه يجونا اذا حست ان احنا صاحين من النوم والا قاعدين واذا طلبوا شي ماتقول روحوا لأبوكم تقول روح لخالد اللي هو زوجي
لدرجه احيانا يصرف عليهم كل الراتب وربي ثلاجتي فاضيه وبيتي فاضي ويقولي كذابه انا اجيب واذا قلت خف على اهلك بالمصاريف لاتعطيهم كل المصروف يقول وش دخلك اللي لك بجيبه ولا شفت اللي لي مايجيبه يطلع روحي يعني نص الشهر مطفرين وبيتي فاضي واحتياجتي ماجبتها وربي كل مابغوا شي دفع
رغم ان حالة ابوه المادية وامه واخوانه كويسه وهو انسان راتبه مو مره والله لو يصرفه صح لكان يكفينا كل الشهر
بس مو مقتنع بأي شي اقوله خطأ هو واهله الصح انا مافهم عنده انا غبيه ومالي كلمه اصلاً
ولايحترمني ابداً اذا جيت اتقهوى عند اهله يجي يطرحني بالارض ويسوي نفسه يمزح معي وينادي اخوانه الصغار يضربوني ازعل واروح فوق واهاوش وتصير مشكله ولا عليه انتي ماتعرفين المزح اي مزح بالله وين هيبتي واحترامي قدام اهلك
اذا قلت شي وشاف امه يمه تبي كذا ويتريق ويضحك يعني بصراحه بدا يكرهني فيه
وفيه اشياء مابي ادقق عليها بتعب بس هذي الاشياء اللي تقهرني وتبكيني احيانا ابي منكم تساعدوني
صعب اتكلم مع اهلي بيقولون اصبري وبيطيح من عينهم مابي هالشي
ولكم مني كل الشكر والتقدير والاحترام

حبيبتي تعوذي من ابليس ولا تخلين الشيطان يلعب بأعصابك
من كلامك عن زوجك ربي يحفظه لك . شكله ماشاء الله عليه بار بأهله . ولا يبغى يرفض لهم اي طلب وهم متعلقين فيه عشان كيذا اي شيء يبغونه يطلبونه منه


وانتي فهميه انكم متزوجين ولما بتطلعون ويا بعض ماياخذ كل العائله انتي وهو بس
يعني امه وابوه واخوانه يجلسون بالبيت مالهم لزمه . وذولا الي بالثانوي سلامات وش عندهم راكبين معك
متصيغرين اعمارهم مثلا ,, انا كبير استحي لا اركب مع زوجت اخوي .
اهم شيء تعالي زوجك بأسلوب . ولا تنرفزينه واذا بغيتي منه اي شيء . لاتقولينه بوقت واحد
كل شيء بوقته حلو
واحمدي ربك ان اهله كويسه معاملتهم لك .
بس كل مافي الموضوع انه مثل مايخاف عليك يخاف علا اهله برضو . ولايبغى ينقصهم اي شيء !!
واخوانه الصغار تحمليهم وخليهم مثل اولادك
بس لايفلونها وكل يوم وهم عندك .

والله يوفقك ويحقق كل امانيك وطلباتك يًارب
ويجعل زوجك قرة عين لك

حبيبتي والله العظيم ان كل شي تقولي صار معايه هذي حياه طبيعيه بعض الرجال يسويها مع حريمهم انا امرضت نفسي من كثر التفكيير والهم واني اقول في اشياء تضايقني لا كن لاحياةةة لمن تنادي زوجك راح يخفف من حاله مع العشره لا تزنين لانه بيعند وهو باقي ماتعود ان هذي حياه خاصه عادي يعيش حياته زي اول مصيره يتعود بتدريج وانتي راح تتاقلمين بالعربي كبر ر ر ر ر ر ي المخده وارتاحلي

اختى مافيها شي دايم الشي ذا يصير وبعدين وش فيها ذولا عمامك يعني ماهم اغراب عشان نقول معك حق
ياكرهي للحريم اللي تسوي من الحبة قبة
استغفر الله واتوب الية

والله احس ضغطي يرتفع وانا اقرا اعوذ بالله.. الله يعينك والله حزنت عليكي

من تصرفات زوجك احس ان عمره 25 او اقل
الظاهر مرررة مرتبط باهله ومو مستوعب انه اتزوج ومسؤول عن زوجة وهذي الزوجة لها حقوق وواجبات يعني ماعنده ثقافة عن الحياه الزوجيه والخصوصيه المفروض تحصل ووضع حدود للاخرين بس بادب ..والله مادري اش اقولك بس الله يعينك
اذا ماققدرتي تغيري زوجك حاولي تتعايشي مع الوضع ولا تتعبي نفسك بالهم والنرفزة والضغط والسكري ..

__________________
[IMG]http://im11.***********/2012-01-23/1327344345591.png[/IMG]

امين يارب وياك

المشكله وين ماتروحي تكوني انتي الغلطانه لو هم الغلطانين طيب
من الأحترام ان الواحد يصير له خصوصيات
اتمنى يصير قلبي بارد من هالناحيه لأنها اتعبتني حيل
جزاك الله خير ياقلبي

كتبت بدايه موضوعي ان يمكن تكون مشكله من ناحيتي وانتو تشوفونها مو مشكله
لأن اللي عايش غير عن اللي يشوف او تنحكى له لأنه بعيد عن الصوره يكون الحل انسب عنده
واذا هم عمامي ومو اغراب ومسويه من الحبه قبه
يعني لما زوجك يهمشك وماياخذ برايك وبالاول وبالاخير اهله اي شي تبغيه اهلي اي شي تطلبيه
اهلي اي شي تجيبيه يساويك فيهم لو عشتي مكاني ماقلتي اسوي من الحبه قبه
لما زوجك يصحى من النوم وتكوني صاحيه قبله بساعتين تنتظري حضرته يصحى ويقوم مايغسل وجهه
مباشره ينزل لأهله يدور بالبيت يتفقد احوال الرعيه ويرجع بعد ربع ساعه ويقعد على التلفزيون ولاكأنك موجود
سالفه بالموت تطلع منه واذا نزلتي معاه عند امه تشوفي السوالف من كل وادي تجي قصص من كثرها مايسكت
ليه متزوج ليه فاتح بيت ليه يخسر اذا هو مهمشك حتى رايك ماياخذ فيه و اي شي تقولينه غلط
حتى لوكان صح واذا قلتي شي يجيك يقول انا بداخلي اقتنعت بكلامك بس مابي اسويه لأنك قايلته
مابيك تقولين مشى كلمتي
اي حياه هذي اسرارنا عند اهله خصوصياتنا عند اهله قبل يشتري شي يروح لأهله اهله قالوا ماله داعي ماله لزمه ماتشوفين هذا الشي لأنه اقتنع ان ماله داعي تظطرين تجيبينه من فلوسك بس عناد ومن قهر
بداخلك
واسوي من الحبه قبه حبيبتي لما تجربي تعرفي الهم كيف ...
اشكر لك تواجدك

اي بالضبط عمره 25 سبق قلتله اتثقف من هالناحيه
جن جنونه قال وش قصدك انا ما افهم انتي اللي يبيلك ثقافه
مع اني وربي ما اقصر معاه بكل شي
من ناحية نفسي ومن ناحية بيتي
جزاك الله الف خير
ماقصرتي ياقلبي