لماذا نعلق سبب المشاكل دائما على الزوجه ؟
الموضوع واللي شاغل بالي ليش في كل مرة وكل مشكلة وكل تقصير وغيره سببه تكون المراة او الزوجة بالاصح
اذا الزوج خان زوجته الكل ينصح المراة انها يمكن ما مهتمه فيه
اذا الزوج فكر في الثانية تكون الزوجه هي السبب ....ليش!!!
اذا الزوج طول الوقت خارج البيت وما يرد الا للنوم قالوا للزوجة يمكن انت ما مهتمه فيه وما حاس بالراحة في البيت
اذا الزوج عيونه زايغة قالوا للزوجة انت ما كنتي تتزيني له حتى تكفي عيونه وتشبعيه
اذا الزوج ما سال عن اهله واجد مثل ما كان قبل الزواج قالوا انه زوجته ما تعينه على صله رحمه
اذا الزوج سوى اي سواه ردوها في الزوجة المسكينه
وصلنا للقمة
ليش ما يكون الزوج هو السبب في المشكله
اذا الزوجة تسوي له كل شي تتزين له وتلبس له اللي حتى ما يشوفها بره وترتب له البيت وتربي له الاولاد وتكون مهتمه ان اول ما يوصل يكون في راحة لا ازعاج اولاد ولا ريحة ما زينة ولا فوضي كله عشان حبيب الروح يرتاح
الزوجة تحبه وتعمل كل اللي يريحه ولو على حساب راحتها المهم الغالي وهو ولا على باله حتى الكلمات الحلوة تخرج من فمه بالتنقيط او اذا قالت الزوجة ردد وراها
في النهاية الزوج ليش ما يكون فيه النقص او السبب
بصراحة شي يحير
صح ولا انا غلطانه